shadow
Diocese de Dili > NOTÍCIAS > LETURA DIÁRIA > Terça-Feira, XXX Tempo Comum (Ano B)

Terça-Feira, XXX Tempo Comum (Ano B)

Primeira Leitura                         Ef. 5. 21-33

Lia housi São Paulo nia Surat ba sarani sira iha Éfeso:

Maun alin sira: Imi buka haraik-an ba malu ba tanba imi hamta’uk Cristo. Feto sira, halo tuir imi nia la’en nia hakarak, hanesan imi halo tuir NA’i., basá la’en ida uku nia feen hanesan Cristo ukun Kreda no Cristo mak Kreda mak kreda nia ukun no maksoin ba nia isin lolon. Ne’e duni, feto sira sei husik Cristo ukun nia. Mane sira, hadomi imi nia kaben nu’udar Cristo hadomi Kreda no saran nia moris tanba nia. Nia halo ida ne’e atu, hamos tiha kreda iha be, Nia bele saran nia ba Maromak housi nia liafuan, nune’e Nia bele saran nia ba Maromak housi nia liafuan, nune’e Nia bele simu Kreda ho nia kmanek tomak momós no sala laek, la iha buat fo’er eh áat, eh buat seluk tan nebe halo ia la furak. Mane sira sei hadomi sira nia kaben hanesan sira hadomi sira rasik nia isin lolon. Mane nebe hadomi nia kaben hadomi nia na rasik. Ema ida la hirus nia isin lolon, maibe nia fó han no tau matan ba nia nu’udar Cristo tau matan ba Kreda. Ita hotu Cristo nia isin lolon nia liman ain. “Tan ne’e, mane husik nia aman no inan hodi moris hamutuk ho nia feen, no sira na’in rua sai isin ida de’it.” Ne’e mistério boot duni, maibe ha’u dehan ne’e kona ba Cristo ho nia Kreda. Kona bga sira seluk, mane ida-idak sei hadomi nia kaben; hadomi nia hanesan nia an rasik, no feto mós sei hamta’uk  nia la’en.

Maromak Futar Lia.

 

Salmo Responsorial                                                                                                                                                   Sal. 127 (128). 1-2, 3, 4-5 (R. cf. 1ª)

Refrão : ksolok ba sira be hein iha Na’i!!! Repete-se

  • Ksolok ba sira be hamta’uk Na’I,

          Hodi la’o tuir Nia dalan.

          Housi ó nia liman nia kole mak ó han,

          Ó sei haksolok hodi moris di’ak. Refrão

 

  • Ó nia káben hanesan uvas buras nafatin

          Iha ó nia uma laran.

          Ó nia oan sira hanesan oliveira nia tubun

          Hadulas ó nia mesa. Refrão

 

  • Nune’e, ema be hamta’uk Na’i simu bensa,

          Na’i haraik bensa ba ó housi foho Sião.

          Ó bele haré Jerusalém be buras

          Iha ó nia moris tomak. Refrão 

 

Aclamação                                                                                                                                                                                                             cf. Mt. 11. 25

Refrão : Aleluia, Aleluia!!! Repete-se

                  Rahun di’ak ba Ita, Aman, Na’i lalehan no rai nian,

                  tan Ita hatudu mistério reino lalehan nian ba kiik sira. Refrão

 

Evangelho                                                                                                                                                                                                               Lc. 13. 18-21

Na’i Jesus Cristo nia Evangelho tuir São Lucas

Iha tempo nebe, Jesus lia tun, dehan: “Maromak nia reino hanesan saída lós, eh Ha’u sei tanesan nia ho saída? Nia hanesan mustarda musan nebe ema ida káer hodi kuda iha nia to’os. Musan ne’e moris hodi sai aihun boot ida, manu sira housi lalehan mai tur iha nia sanak sira.” Nia dehan tan: “Ha’u sei tanesan Maromak nia reino ho sáida lós? Nia hanesan fermento nebe feto ida tau iha farinha sasukat tolu, to’o masa tomak sa’e.”

Lia Maksoyn.

Leave a Reply

Your email address will not be published. Required fields are marked *