shadow
Diocese de Dili > NOTÍCIAS > LETURA DIÁRIA > Quarta-Feira, XXX Tempo Comum (Ano B)

Quarta-Feira, XXX Tempo Comum (Ano B)

Primeira Leitura                Ef. 6. 1-9

Lia housi São Paulo nia Surat ba sarani sira iha Éfeso

Oan sira, halo tuir imi nia aman inan sira nia hakarak. Ne’e mak buat nebe lós. “Hamtauk o nia aman inan” mak ukunfuan uluk liu nebe iha promessa, katak “atu o bele haksolok, no o bele moris naruk  iha rai.”

Aman inan sira, keta halo imi nia oan sira laran susar. Maibe hanourinn sira disiplina no Na’i nia doutrina lolós. Atan sira, halo tuir imi nia na’i nia doutrina lolós.

Atan sira, halo tuir imi nia na’i nia hakarak, ho hamta’uk no laran tomak; halo hot-hotu ho laran lós, hanesan imi serbi Cristo rasik. Halo nune’e, la’os de’it wainhira sira haré imi, tanba imi hakarak monu lós ba sira laran, maibé ho laran tomak imi halo Maromak nia hakarak, nu’udar Cristo nia atan sira. Halo imi nia serbisu nu’udar atan ho laran haksolok, hanesan imi serbi Na’i, la’os ema de’it. Hanoin katak Maromak sei selu ema ida-idak nia kolen, nia atan ka la’os atan, tuir hahalok di’ak nebé nia halo.

Na’i sira, halo nune’e mós ho imi nia atan sira. Keta halo sira ta’uk. Hanoin ba katak imi no imi nia atan sira iha Na’i ida de’it iha lalehan, nebé sei tesi lia ba ema hot-hotu ho sukat ida de’it.

Maromak Futar Lia.

 

Salmo Responsorial                                                                                                                          Sal. 144(145). 10-11, 12-13ab, 13cd-14 (R. cf. 13c)

 Refrão : Na’i metin iha Nia Liafuan sira!!! Repete-se

  • Na’i, ema sira sei fó agradece ba Itaboot,

          Ita emar sei hahi nafatin Itaboot.

          Sira sei haklaken Ita reino nia glória,

          Sira sei haktuir buat foun hirak Ita halo. Refrão

 

  • Atu fó hatene ba ema tomak Ita kbiit,

          No Ita reino nia glória no nia kmanek.

          Ita Nia reino, reino ida rohan laek,

          Ukun ema hotu ba nafatin. Refrão

 

  • Na’i metin iha Nia futar liafuan,

          Halo buat hotu ho laran-luak,

          Nia tahan ema sira be atu monu,

          Nia tulun ema sira be monu ba rai. Refrão

 

Aclamação                                                                                                                                                                                                           cf. 2Tes. 2. 14

Refrão : Aleluia, Aleluia!! Repete-se

                  Hodi Evangelho Na’i Maromak bolu ita atu hola parte iha

                  Ita Na’i Jesus Cristo Nia Glória. Refrão

 

Evangelho                                                                                                                                                                                                             Lc. 13. 22-30

Na’i Jesus Cristo Nia Evangelho nu’udar São Lucas haktuir:

Iha tempo neba, Jesus liu housi cidade no knua sira atu ba Jerusalém hodi hanourin. Ema ida husu ba Nia: “Na’i, ema uituan de’it mak sei hetan maksoyn?” Nia hatan ba sira: “Haka’as an atu tama liu housi odamatan kloot, basá Ha’u dehan ba imi katak ema barak sei koko atu tama, maibé sei la iha kbiit.

Wainhira uma na’in hader hodi taka tiha ona odamatan, imi sei hamriik iha liur hodi tuku odamatan dehan: “Na’i, loke mai ami!’ Nia sei hatan: ‘Uluk ami han hemu hamutuk ho Itaboot, no Itaboot hanourin iha ami nia praça sira.’ Maibé Nia sei dehan ba imi: ‘Ha’u la hatene imi mai housi nebé. Dook tiha housi Ha’u nia oin, imi hotu nebé halo áat!’

Iha neba, ema sei tu’un nehan hodi tanis; wainhira imi sei haré Abraão, Issac, Jacob no profeta sira hotu iha Maromak Nia reino, maibé ema sei duni sai imi ba liur.

Ema sei mai housi loromonu no lorosa’e, housi tasimane no tasifeto, no sira sei tur han iha Maromak Nia reino. Sira nebé ohin ikus, sei sai uluk; no sira nebé ohin uluk, sei sai ikus fali.”

Lia Maksoyn.

Leave a Reply

Your email address will not be published. Required fields are marked *