shadow
Diocese de Dili > NOTÍCIAS > REFLEXÃO > MANDAMENTO NEBÉ BOOT LIU

MANDAMENTO NEBÉ BOOT LIU

REFLEXÃO & LEITURAS DOMINGO COMUM XXXI /Ano B/2018

Deut 6,2-6  Heb 7,23-28  Mc 12,28-34

 

Primeira Leitura                      Deut.  6, 2-6

Lia housi Livro Deuteronómio:

Moisés dehan ba povo, nune’e: “Ó sei hamta’uk Maromak, ó nia Na’i, iha ó nia moris tomak. Ó sei halo tuir Nia ukun- fuan no hakarak tomak: ida ne’e mak ohin ha’u fo hatene sai ba ó. Ó halo nune’e, ó, ho ó nia oan no bei-oan sira moris sei naruk. Israel, ó sei rona hodi moris tuir lia-fuan ida nebé sei halo ó hetan rahun-di’ak; ó nia bei-oan sira sei sai wa’in, sura la bele, iha fatin nebé susu-wén no bani-wén suli, nu’udar ó nia na’in, ó nia bei-ala sira nia Maromak, hakotu tia ona lia, atu haraik ba ó! Israel, rona mai! Na’i, ita nia Maroamak, Nia de’it mak Na’i lolós. Ó sei hadomi ó nia Na’i, ó nia Maromak, ho neon ho laran tomak, ho ó nia kbiit hotu. Ó sei rai metin didi’ak iha ó nia fuan, lia nebé, ohin ha’u fo hatene sai ba ó.”

Maromak Futar Lia.

 

Salmo Resposorial                                                                                                                                                                Sal. 17 (18), 2-3a. 3bc-4. 51ab

Refrão : Na’i, ha’u hadomi ita boot, Ita boot mak ha’u kbiit!!! Repete-se

  • Na’i, ha’u hadomi ita boot!

          Ita boot ha’u kbiit, ha’u maksoyn. Refrão

 

  • Ha’u nia Maromak tahan ha’u, tulun ha’u.

          Ita boot ha’u mahan nebé soy ha’u. Refrão

 

  • Ha’u sei harohan ba Na’i, ha’u nia Maromak,

          Ha’u funu-balu sira sei la halo buat ida mai ha’u. Refrão

 

  • Viva ha’u Na’i! Rahun di’ak ba ita!

          Maromak ha’u maksoyn manán. Refrão

 

Segunda Leitura                                                                                                                                                                                                Heb. 7, 23-28

Lia housi surat ba Hebreu sira:

Maun-alin sira: Sacerdote sira Testamento Tuan nian barak duni, hodi kaer serviço tutuir malu, la hela metin, basá, mate la husik sira. Maibé, Jesus nebé hela nafatin, la kuran saseluk. Tan ne’e mak Nia bele soy nafatin ema hotu-hotu nebé housi Nia, hakbesik ba Maromak, basá, Nia moris nafatin, atu harohan da’et ba sira. Tebes duni! Ida ne’e mak ita nia Amlulik santo,la fo’er la sala, la kahur ho maksalak sira. Ema hahí Nia, foti Nia aas liu lalehan. Nia la hanesan amlulik sira seluk; amlulik sira seluk loron-loron hasa’e sacrificio, uluk nana’in aku kasu sira salan rasik, hafoin kasu mos povo nia salan. Jesus hasa’e sacrificio ida dala ida de’it, iha lolós oras, nia saran-an ba mate; sacrificio ne’e hela ba nafatin. Ukun-fuan nebé mai housi Moisés foti ba sacerdote eme sira nebé monu ba salan. Maibé, Maromak, tuir juramento nebé nia halo hela ona, Nia foti nu’udar amlulik sira nia ulun, nia oan rasik. Juramento Na’i Maromak halo mai tuir ukun-fuan Moisés nian; Juramento ida ne’e halo Na’i Maromak nia oan sai kmanek nafatin to’o rohan.

Maromak Futar Lia.

 

Aclamação                                                                                                                                                                                                                          14, 23

Refrão : Aleluia, Aleluia!! Repete-se

                  Ema nebé hadomi ha’u,

                  Nia sei halo tuir Ha’u nia lia-fuan;

                  Ha’u Aman sei hadomi nia,

                  Ami sei mai horik iha nia. Refrão  

 

Evangelho                                                                                                                                                                                                            Mc. 12, 28-34

Na’i Jesus Cristo Nia Evangelho nu’udar São Marcos haktuir:

Iha temmpo nebá, ema escriba ida hakbesik, hodi dehan ba Jesus: “ ukun-fuan ida nebé mak boot liu hotu?” Jesus simu hodi dehan ba nia:” ukun-fuan boot liu, ida mak ne’e:” Israel ! Rona mai! Na’i ita nia Maromak, Nia de’it mak Na’i no lolós! Ó sei hadomi ó nia Na’i, ó nia Maromak, ho neon ho laran tomak,ho ó nia kbiit hotu!” Ukun-fuan boot liu, rua mak ida ne’e: “ Ó sei hadomi ó maluk nu’udar ó an rasik”. Ukun-fuan boot liu sira nain rua ne’e, la iha !” Ema escriba ne’e hateten ba Nia:” Lós duni, Mestre! Ita dehan lós: Maromak, nia mesak! La iha tan selik hanesan Nia! Hadomi Maromak ho neon ho laran tomak, hadomi Maromak ho ulun no kbiit tomak, hadomi maluk sira hanesan ita an rasik, ne’e mak folin liu hamulak no sacrificio hotu-hotu!” haré tiha katak ema escriba ne’e hatán ho neon, Jesus lia tun ba Nia: “ Ó laos dook housi Maromak nia reino!” Ema ida la hanoin tan atu husu koko Nia.

Lia Maksoyn.

 

 

Reflexão:

MANDAMENTO NEBÉ BOOT LIU

               Primeira Leitura Domingo semana nee, bolu atenção povo Israel nian hodi hadomi Maromak ho fuan laran tomak, ho neon toman, ho kbiit tomak. Tuir kedas, Evangelho Marcos justifica liu tan ordem Primeira Leitura nian hodi halo completa ordem katak Hadomi Maromak ho neon tomak sei completo liu tan wainhira ita mos hadomi ema seluk hanesan ita-an rasik. Jesus rasik mos jutifica katak sasukat husi ita nia domin no fiar ba Maromak precisa comprova liu husi ita nia hadomi (caridade) ba ema seluk (bahwa kesungguhan iman dan kasih kita kepada Allah, dan hubungan kita dengan Kristus yang otentik, harus diukur dan dinilai dengan kesungguhan kasih kita kepada sesama!).

               Iha Bíblia Sagrada, ema judeu tomak considera ema escriba sira hanesan deit ho ema fariseu sira.  Sira conhece didiak Sagrada Escritura maibé, sira conhece por letra deit tan sira la aplica ordem Sagrada iha moris social nian. Tan sira sempre confronta ho Jesus kona ba relaciuonamento ema ho ema selum iha sociedade.

               Sira nudar périto iha sociedade, domina didiak Sagrada Escritura ema bolu sira Rabbi (mestre), sira exige deit ema hotu tenke halo tuir Maromak ukunfuan sem haré ba ema nia condição humana até que ignora (cuek) tiha ho ema nia moris social.

               Iha Evangelho, Jesus husu sira lei nebe mak boot liu? Pergunta nee mosu tanba iha Sagrada Escritura judeu nian composto husi lei (ukun fuan) hamutuk 613. Lei hirak nee categoriza ba ordem positiva hamutuk 248 (imi tenke…….), no ordem negativo 365 (imi keta…).

               Hadomi no adora Maromak no hadomi ema seluk nudar ita maluk sai nudar dever (obrigação fundamental) nebe laos Jesus mak hamosu maié, existe nanis iha Testamento tuan. Novidade nebe Jesus impõe ba lei nee mak Jesus justifica katak lei rua nee valor hanesan deit (Hadomi Maromak liu sasan hotu hotu no hadomi ema seluk hanesan ita an rasik). Kekhususannya yang ditambahkan oleh Yesus ialah, bahwa kedua perintah itu adalah sama nilainya!  Jesus afirma katak ita la bele cumpri deit lei ida hodi haluha ida seluk tan fundamento husi ita nia fiar ni domin ba Maromak mai husi ita nia domin ba maluk sira (Dasar atau motivasi kita untuk mengasihi sesama timbul dari kasih kita kepada Allah).

               Ho lia fuan seluk, ita nia fiar ho domin ba Maromak precisa hatudu prova (bukti) husi expressão domin ba ita nia maluk sira. Se ita dehan fiar Maromak maibé ita rai kuna (odio) ita ia maun alin eh maluk sira, nee ita lakon valor. Tanba nee mak São Tiago dehan fiar nebe la hatudu iha hahalok, fiar nee buat mamuk boot ida. Ita mos bele justifica katak ita nia caridade (hadomi) ema seluk nudar condição (critério/syarat) ida molok ita hadomi (fiar) Maromak. Nunee, ita nia domin ba Maromak sei sai kmanek liu tan wainhira ita consegue (esforsu) hodi hatudu domin nee ba maluk sira.      

               Doutrina kona ba domin nebe Bíblica, hetan ninia justificação husu Kreda (Igreja Católica) liliu iha documento Conscílio Vaticano II; Lumen Gentium (LG 42) nebe descreve katak: “Todos os fiéis são convidados e obrigados a tender à santidade e à perfeição do próprio estado”. Nee significa katak; ita hadomi ba Amaromak no maluk sira nudar meio nebe bele lori ita dalan santidade, basá, Maromak nee Domin (Deus Caritas Est) no se mak horiki ho Maromak, Maromak mos sei hori ho nia (1Jo 4,16). Maromak tau nia domin iha ita fuan liu husi Espírito Santo nebe ita simu (Rm 5,5). Nunee, graça nee nudar domin nebe tulun ita hodi suepra ita nia egoismo sira, ita nia cuek sira, ita nia baruk ten sira, ita nia kaan ten sira hodi hanoin an no tau ódio ba ema seluk. Tanba nee mak domin nebe ita hatudu ba Maromak no maluk sira halo ita sai sarani lolos (Cristo nia verdadeiro escolante).

 

               Nudar vigário Cristo nian, Papa emérito Bento XVI iha ninia escíclica “Deus Caritas Est” (“Allah adalah kasih/Maromak mak domin”, 2005) afirma katak; ita nudar sarani precisa iha lalaok moris laos atu pamer ba ema seluk maibé, hatudu husi fuan laran oinsa ita hadomi ema seluk hanesan Maromak hadomi ita. Basá, ita hetan ona figura ida nebe fo an ba ita nia diak; nia mak Jesus (kita telah menjumpai seorang Pribadi, yang begitu mengasihi kita, sampai Ia menyerahkan diri-Nya bagi kita!) tan Maromak mak domin (1Jo 4,10). Nunee domin laos ona ordem/ukun fuan maibé, domin nudar resposta husi it aba Maromak nia domin nebe halo ita horik hamutuk ho Maromak.

               Iha sociedade, funcionário sira sempre tara ID Card wainhira ba servisu fatin, ita nudar sarani, ita nia ID Carad mak  Maromak nia mandamento sira nebe Jesus hanorin ona mai ita. Santa Teresa de Calcutá iha ninia ID Card ida nebe laos hakerek ninia gelar (cargo) maibé hakerek lai murak nebe tenik:” Buah keheningan adalah doa. Buah doa adalah iman. Buah iman adalah kasih. Buah pelayanan adalah damai. Tuhan memberkati  Anda”. Ita ia domin (fiar) ba Maromak sei sai murak ida wainhira ita hadomi mos ita nia maluk sira nebe precisa ita nia tulun. Assim Seja e Bem Haja (Ignas)

Leave a Reply

Your email address will not be published. Required fields are marked *