shadow
Diocese de Dili > NOTÍCIAS > LETURA DIÁRIA > Segunda – Feira, XXXI Semana Tempo Comum (ANO B)

Segunda – Feira, XXXI Semana Tempo Comum (ANO B)

Primeira Leitura                          Flp. 2. 1-4

Lia housi São Paulo nia surat ba sarani sira iha Filipos:

Maun alin sira: Imi nia moris iha Cristo halo imi maka’as, no nia domin fó ksolok ba imi. Imi laran ida de’it ho Espírito, no imi laran maus no laran sadia ba malu. Ha’u husu imi atu halo ha’u nia ksolok lolós hodi hanoin buat ida de’it, hadomi malu, no sai laran no neon ida de’it. Keta halo buat ida hodi hanoin de’it imi nia an nia di’ak, eh hodi hakarak hetan naran boot, maibé haraik an ba malu, hodi hanoin katak ema seluk sira di’ak liu fali imi. No keta buka imi rasik nia di’ak, maibé buka uluk ema seluk nian.

Maromak Futar Lia.

 

Salmo Responsorial                                                                                                                                                                            Sal. 130(131). 1, 2ab, 3

Refrão : Na’i souri ha’u iha Ita Nia dame!!! Repete-se

  • Na’i, ha’u fuan la foti-an,

          Ha’u matan mós la matan áas.

          Ha’u la kaan riku-soin sira,

          No buat kmanek wa’in sira, la manan ha’u. Refrão

 

  • Molok ha’u nonok no hakmatek,

          Nu’udar kosok-oan ida iha inan nia hiti.

          Israel, hein iha Na’i,

          Oras ne’e no ba nafatin! Refrão

 

Aclamação                                                                                                                                                                                                             Jo. 8. 31b-32

Refrão : Aleluia, Aleluia!! Repete-se

                  Imi halo tuir nafatin karik Ha’u Nia liafuan, Nai lia tun;

                  Imi Ha’u nia escolante duni; imi sei hatene lialós. Refrão

 

Evangelho                                                                                                                                                                                                               Lc. 14. 12-14

Na’i Jesus Cristo nia Evangelho nu’udar São Lucas haktuir:

Iha tempo neba, Jesus dehan ba ema fariseu nebé Convida Nia: “Wainhira ó halo festa, keta convida ó nia belun sira, ó nia maun alin sira, ó nia parenti sira ka ó nia maluk riku sira; keta sira ne’e convida fali ó, nune’e sira selu fali ó. Maibé, wainhira ó halo festa, convida ema kiak sira, ema kbiit laek sira, ema ain áat sira no ema matan delek sira. Ó sei hetan ksolok, basá sira ne’e la iha buat ida atu selu fali ó; ó sei simu o nia kolen wainhira ema di’ak sira sei moris hi’as”.

Lia Maksoyn.

Leave a Reply

Your email address will not be published. Required fields are marked *