shadow
Diocese de Dili > NOTÍCIAS > LETURA DIÁRIA > Terça – Feira, XXXI Semana Tempo Comum. (ANO B)

Terça – Feira, XXXI Semana Tempo Comum. (ANO B)

Primeira Leitura                       Flp. 2. 5-11

Lia housi São Paulo nia Surat ba sarani sira iha Filipos:

Maun alin sira: Buat nebé ema haré iha Cristo, halo ema haré mós iha imi: Maski nia Maromak lolós, Nia la hanoin nia an nu’udar Maromak, maibé nia haraik an, hodi sai atan ida no halo an nu’udar ema; ema sira haré duni Nia nu’udar ema. Nia haraik An hodi halo tuir to’o mate, mate iha Cruz. Tan ne’e, Maromak foti Nia hodi fó ba Nia naran ida nebé boot liu naran sira hotu, atu nune’e, ba Jesus nia naran, aintur sira hotu hakneak, iha lalehan, iha rai, iha mate sira leet, no nanal tomak haklaken katak Cristo Jesus mak Na’i, ba Aman Maromak nia glória.

Maromak Futar Lia.

 

Salmo Responsorial                                                                                                                         Sal. 21(22). 26b-27, 28, 29-30ª, 30c-32 (R. 26ª) 

Refrão : Na’i, ha’u hahi Ita iha ema lubun nia leet!!! Repete-se

  • Ha’u sei halo tuir ha’u lia hakotu iha Ita emar sira oin;

          Kiak sira sei han to’o bosu;

          Ema sira be buka Na’i, sei hahi Nia;

          Sira fuan hetan moris nafatin. Refrão

 

  • Hanoin Na’i hodi fila hikas ba Nia,

          Rai ketan hot-hotu,

          No takrabat ba rai iha Nia futar oin,

          Uma kain hotu nação nian. Refrão

 

  • Reino, Na’i Nian,

          Nia mak ukun povu tomak,

          Sei hana’i Na’i de’it,

          Biit na’in sira hotu mundo nian. Refrão

 

  • Tan Nia, ha’u klamar sei moris,

          Ha’u nia bei-oan sira sei serbi ba Nia.

          Otas be atu mai, sei ko’alia kona ba Na’i,

          Sei hatudu Nia justiça ba povo nebé atu moris:

          “Buat hirak ne’e hotu Na’i mak halo”. Refrão

 

Aclamação                                                                                                                                                                                                                   Mt. 11. 28

Refrão : Aleluia, Aleluia!! Repete-se

                  Imi sira hotu nebé kole no terus, mai buka Ha’u.

                  Ha’u sei kasu imi todan, Na’i dehan. Refrão

 

Evangelho                                                                                                                                                                                                              Lc. 14. 15-24

Na’i Jesus Cristo nia Evangelho nu’udar São Lucas haktuir:

Iha tempo neba, Rona tiha buat ne’e, bainaka ida dehan ba Nia: “Rahun di’ak ba ema nebé sei han ho Maromak iha nia reino!” Jesus hatan ba nia: “Ema ida halo festa boot hodi convida ema barak. Iha oras atu han nia haruka nia atan atu hateten ba sira: ‘Mai ona, buat hotu hadia tiha ona’. Maibé sira hotu hahu dehan buat oi-oin. Ida uluk dehan ba nia: ‘Ha’u foin sosa rai no ha’u sei ba haré nia; ha’u husu desculpa’. Ida seluk dehan: ‘Ha’u foin sosa karau par lima no ha’u sei koko sira; ha’u husu desculpa’. Ida seluk tan dehan: ‘Ha’u foin kaben, tan ne’e ha’u la bele ba’.

Atan ne’e fila fali hodi haktuir buat hira ne’e ba nia na’in. Tuir mai, uma na’in hirus, hodi dehan ba nia atan: ‘Sai lalais ba praça no dalan sira cidade nian, hodi lori mai iha ne’e ema kiak sira, ema kbiit laek, ema matan delek no ema ain áat sira’. La kleur atan ne’e fila fali, hodi dehan ba nia: ‘Na’i, buat nebé Ita haruka, halo tiha ona, maibé fatin sei iha’. Uma na’in dehan fali ba nia atan: ‘Ba liu housi dalan no to’os sira hodi obriga ema atu tama, atu ha’u nia uma sai nakonu. Basá ha’u dehan ba imi katak, housi sira nebé ha’u convida uluk, ida mós sei la koko ha’u nia festa’”.

Lia Maksoyn.

Leave a Reply

Your email address will not be published. Required fields are marked *