shadow
Diocese de Dili > NOTÍCIAS > Notícias > IGREJA LA MORIS QUANDO MISSÃO LAIHA

IGREJA LA MORIS QUANDO MISSÃO LAIHA

DCDD-Oe-cusse, POM ka MISSIO nee knaar Igreja Universal nian. Maibe ita labele hetan Igreja Universal se ita la hamriik iha Igreja particular. Igreja particular mak diocese ho ninia território sira nebe fahe tuir ninia paróquia sira. Nunee paróquia sira mak ilas Igreja Universal nian. Nee significa knaar hotu MISSIO  nian tenke hetan nia abut iha diocese ho ninia paróquia sira. Iha loron domingo, 21 Abril 2019, Diretor Nacional Pontifícias Obras Missionárias (POM) Timor-Leste Pe. Mouzinho Pereira Lopes lança tan OPIAM iha Oe-Cusse. Tan nee Pe. Mouzinho Pereira Lopes hanesan Diretor Nacional Pontifícias Obras Missionárias (POM) Timor-Leste hateten, “Ita temi labarik missionário tanba labarik ne’e iha independencia ho obra boot ida nebé amo Papa rasik mak organiza no obra boot ne’e naran MISSIO. Iha Timor Leste, ha’u rasik husu atu ami nia organização ka Igreja nia organização ho naran MISSIO maibe ninia naran lolos husi Vaticano mak  Pontificias Obras Missionário (POM) no nia sai ogranização iha propaganda fide nia okos. Propaganda fide ne’e ministério boot ida iha Roma nebé tau matan kona ba missão ba mundo tomak liu-liu ba igreja sira nebé iha igreja nia okos ou ho naran seluk mak Congregação Evangelização dos Povos”.

Pe. Mouzinho esplica tan katak, “Labarik Missionário sira ne’e tama ba iha departamento ida hanaran Obras Pontifícias da Infância e Adolescência Missionária (OPIAM), nia departamento kiik ida husi MISSIO  ka POM. MISSIO iha departamento 4 mak: POSPA, PROPAGANDA FIDE, UNIÃO MISSIONÁRIA no OPIAM. OPIAM ne’e organização boot teb-tebes iha Roma-iha amo Papa nia mahon, atu kaer kona ba missão. Como amo Papa hakarak ema hot-hotu envolve iha missão liu-liu labarik sira desde que simu batismo então amo Papa dehan imi halo labarik sira hatene katak sira missionário, ida ne’e mak ami servisu no agora daudaun iha diocese tolu; Dili, Baucau no Maliana”.

Diretor Nacional POM-TL Pe. Mouzinho reforsa tan mos katak, “Ohin iha Oe-cusse ita halo lançamento ba labarik missionário sira atu labarik sira reconhece katak sira ne’e missionário, maibe la’os ida ne’e de’it, sira missionário iha Uma Kreda-iha amo Papa ninia mahon-iha amo bispo ninia okos no iha amo pároco nia okos. Ne’e duni, sira iha organização oi-oin por ezemplo acólitos, cruzada ou grupo qualquer labarik nian. Labarik sira nee ohin mai hotu iha ne’e atu ita halo sira hatene katak sira missionário. Ba iha uma sira hatene an katak sira hala’o sira nia kna’ar ida nu’udar ema católico nian, kna’ar ida hadomi Maromak imi nian, hatene haklaken Maromak ba ema seluk no hatene mos sai sasin iha sira nia moris lor-loron nian”.

Pe. Mouzinho mos haklean tan katak, “Amo Papa ninia liafuan nebé dehan Igreja la moris quando missão laiha. Nee ita refere ba Jesus nia liafuan nebé iha São Marcus no São Mateus nebé dehan “Imi ba haklaken. Haklaken tiha mak foin forma Ha’u nia povo. Se haklaken laiha povo laiha. Ida ne’e mak visão no missão”.

Diretor Nacional POM-TL ne’e mos hato’o nia mensagen ba labarik sira iha Timor laran katak, labarik missionário sira precisa barani atu fó an ba servisu ba animação missão nian hodi habelar Na’i Jesus Cristo ninia Uma Kreda, Ninia reino iha ita nia uma no iha ita nia rai. (Marta)

Leave a Reply

Your email address will not be published. Required fields are marked *