shadow
Diocese de Dili > NOTÍCIAS > Notícias > UMA CREDA TIMOR PRECISA MISSIONÁRIO FOUN

UMA CREDA TIMOR PRECISA MISSIONÁRIO FOUN

Concretamente plano nebe diocese Dili hamutuk Vigário Episcopal Assunto Pastoral hanoin hodi halo ba jovem sira maka; halo acampamento ida nebe hakarak atu lori jovem sira sai ba descobre sira nia-an katak; mundo ne’e la’os FB de’it, la’os mak twiter de’it, la’os mak telefone de’it no internet de’it, maibe liu husi atividade sira atu bele forma sira, oinsa atu orienta sira durante loron lima nia laran iha acampamento tuir vigararia nebe diocese Dili cobre ona hodi hela iha rai fuik nebe laiha ligação, atu bele hasai sira husi moris ida nebe ho naran Uma vida estagnada katak vida ida nebe ema hotu hakarak ka gosta mak telefone de’it.

Iha loron 22 fulan Abril 2019, juventude sira husi Paróquia Ocidental hanesan; Paróquia Comoro, Aimutin, Catedral, Motael no Atauro hili Atauro hodi sai hanesan centro ba sira nia acampamento durante loron 4 nia laran. Tan nee, Vigário Episcopal Assunto Pastoral Pe. Jovito do Rêgo de Jesus Araujo hateten, “Amo Papa proclama Jubileu extra ordinário da missão; katak missão tem que juvem nafatin no missão tem que moris foun nafatin. Tanba ne’e, diocese Dili ba tinan 2019 nian nee hola tema Juventude Missionária; “Ide Proclamai”, atu dehan katak jovem sira mak sai manu ain.

Pe. Jovito hateten, se rai ida nee ohin loron ita koko ninia cristianismo iha fatin hotu-hotu debe ba missioário sira uluk mai começa hari colégio sira, seminário sira e ohin loron missionário sira nee laiha hotu ona e timor começa naksobu ‘ita precisa missionário foun’. Tanba nee ita halo acampamento ho duração loron 5 nia laran hodi fo formação integral ida kona ba liturgia, kona ba vida Igreja nian, kona ba Sagrada Escritura, kona ba comunicação “tanba ohin loron meios de comunicação ida nee mak domina los iha jovem sira nia an”, iha mos formação ba missão atu jovem sira identifica sira nia an hodi caderija perfil missionário sira nian ‘missionário foun’ iha situação ida foun no timor ida foun ba Cristo nian. Tanba nee acampamento sira nee, iha Oecusse nian halao tiha ona no loron hira nee nia laran acampamento ba jovem sira husi Paróquia Ocidental hanesan; Paróquia Comoro, Aimutin, Catedral, Motael no Atauro hamutuk iha Atauro atu hetan formação ruma, hodi nunee fila ba iha paróquia, sira sai hanesan motor nebe promove formação hirak nee.

Liu husi atividade acampamento missionario sira nee Vigário Episcopal Assunto Pastoral Pe. Jovito do Rêgo de Jesus Araujo ho esperança boot katak “hein katak ita bele suku fali rede foun ida. ita hare katak muro/luto ida nebe Dom Jaime Garcia Gaulart hari ho ain sira hanesan colégio tolu; Ossu, Soibada ho Maliana, seminário Menor Nossa Senhora de Fátima (1936) depois mai escola catequista sira (1946) ba leten forma missionário catequista sira nebe lao hanesan missionário iha rai ida nee laran hodi educa ema, sai modela moris sarani ninian, maibe depois de invasão mai comessa muda situação timor nian, muda política, muda sociadade, muda língua no cultura no mos maneira de ser, ita hare katak buat tomak nebe hari buat barak naksobu no lakon tan política. Hafoin ita hetan tiha independência comunidade internacional mai tama timor hodi lori buat barak mai hodi transforma tiha sociadade no ita lakon tiha volares sira. então ba oin ita atu halo rai ida nee atu ba nebe no Igreja iha timor nee atu ba nebe! Tanba nee ita precisa forma jovem sira nebe sai aitonca rai ida nee nian no Uma Kreda ida nee nian ho formação sira atu sira sai hanesan pioneiro, motor nebe começa movimenta iha sociadade no paróquia sira ho atividade sira nebe sira simu iha formação nia laran nunee bele assegura valores moral cristão nian no mos identidade cultura ema timor nian”.

Tuir bispo nia plano katak, se tinan ida nee ita la consegue halao buat hotu-hotu, ita bele dedica tan tinan oin mai ita fo tan ba juventude sira tanba sira mak hanesan fase humanidade ida nebe importante tebes. (Alin/Gelson)

Leave a Reply

Your email address will not be published. Required fields are marked *