shadow
Diocese de Dili > NOTÍCIAS > Notícias > LÍDER HUSI ESTADO ISLÂMICO APARECE IHA VÍDEO HANESAN BA DALA ULUK IHA TINAN LIMA NIA LARAN

LÍDER HUSI ESTADO ISLÂMICO APARECE IHA VÍDEO HANESAN BA DALA ULUK IHA TINAN LIMA NIA LARAN

DCDD;-Abu Bakar Baghdadi incita jihadistas atu hametin funu contra ‘cruzados cristãos’ no festeja ba atentados husi Sri Lanka iha Páscoa liuba

Estado Islâmico divulga ona iha segunda-feira, loron 29 liuba, vídeo ida ho minutos sanulu resin ualu ho discurso encorajamento nian ba ninia militantes nebe supostamente profere husi ninia líder máximo, Abu Bakr Baghdadi, ho ninia  imagem nebe lacircula iha tinan lima nia laran. Baghdadi elogia tebes terroristas nebe hamate ema nain 253  Sri Lanka iha Páscoa liuba no estimula ba jihadistas iha ninia comando atu combate too  “Loron  Juízo Final” nian.

Identidade husi orador nee seidauk confirma. Maibé iha ninia semelhança ho fotos hirak nebe tuan liu husi líder Estado Islâmico nian, nebe ema buka tuir hela. Iha vídeo ne’e, nia parece tuur hela iha tapete ida, ho ain cruza hela, no fuzil Kalashnikov ida iha ninia sorin loos.  Ninia liman loos tula hela iha sumasu ida. Discurso ida nebe dura deit segundos 40. Maibe iha mensagens escritas nebe mosu tuir mai iha vídeo ne’e.

“Funu Baghuz nia hotu ona. Maibé hatudu duni buat fuik nian, brutalidade no intenções doentias husi cristãos contra comunidade muçulmana”, afirma nia, hodi refere ba conflito nebe mosu iha bastião ikus husi EI iha Síria, besik fronteira ho Iraque, conquista husi coalizão nebe lidera husi Estados Unidos iha abril ne’e.

Vídeo ne’e divulgaona husi grupo mediático Estado Islâmico nian, tuir jornal The New York Times, no distribui ona husi portal Intelligence Group nian. Iha discurso, Baghdadi dehan funu  entre Islã no cruzados sei naruk no reconhece perda husi califado iha  Iraque no iha  Síria  hasoru forças ocidentais.

“ami ninia funu mak ohin loron mosu, no ami sei hanaruk tan ba inimigo sira, nebe precisa hatene  katak jihad sei continua too Loron  Juízo Final nian”, afirma nia, hafoin dehan tan katak ataques iha loron 21 iha Sri Lanka “hakonu ho ksolok iha fuan” militantes EI nian.

Tuir  Times, vídeo ne’e parece sai esforço ida atu hatudu katak, liuhusi ne’e bele hamosu tauk,  EI sei ativo hela no presta hela atenção. Suposto husi Baghdadi halo referências ba  eleições iha Israel no ba queda husi líderes Sudão nian no husi Argélia no bolu ba líderes regionais tomak no jihadistas husi EI nian iha Bélgica, Austrália no Arábia Saudita husi sira ninia naran.

Se realmente tamba Baghdadi mak orador, ida ne’e sei sai duni segundo vídeo iha tinan lima nia laran, tuir jornal The Guardian. Iha texto ne’e, nia festeja atentados iha Sri Lanka. Embora assume mos autoria husi ataques ne’e, sei iha dúvidas kona ba atuação husi EI. “americanos tomak no europeus tomak hafraco an ona enquanto ami cumprimenta ami nia maun alin sira iha Sri Lanka tamba lealdade sra nian ba califado”, afirma iha texto ne’e.

“no ami mos aconselha (ba jihadistas) atu hametin causa husi Maromak no husi unidade atu sai aitarak iha fuan cruzados nian. Ami mos husu ba Maromak atu aceite ho martírio sira nian no ita ajuda sira hodi completa jornada nebe hahu tiha ona”, completa texto ne’e.

https://veja.abril.com.br/mundo/lider-do-estado-islamico-aparece-em-video-pela-primeira-vez-em-cinco-anos/

Leave a Reply

Your email address will not be published. Required fields are marked *