shadow
Diocese de Dili > NOTÍCIAS > LETURA DIÁRIA > Terça-Feira, II Semana iha tempo Páscoa (ANO C)

Terça-Feira, II Semana iha tempo Páscoa (ANO C)

Primeira Leitura                    Act. 4. 32-37

Lia housi livro Apóstolo sira nia hahalok:

Iha loron hirak neba, ema sira nebe fiar hodi simu Cristo Nia doutrina, sira laran ho neon ida de’it. Iha sira leet, ida la dehan: ‘Ne’e ha’u nian; ne’e ó nian’. Ida-idak nia soi, sira hotu nian. Apóstolo sira hotu ema hadomi. Iha sira leet, ema kiak la iha, tan maluk sira nebe iha to’os ka uma, sira faan tiha hotu; hafoin, lori to’os ho uma nia folin ba tau iha Apóstolo sira ain. Tuir mai, fahe tuir ida-idak nia susar. José, levita ida housi rai Chipre, ida nebe Apóstolo sira hanaran Barnabé, dehan katak ‘Oan Consolação nian’ nia iha to’os ida. Faan tiha toos ne’e lori nia folin mai, nebe rai tiha iha Apóstolo sira ain.

Maromak Futar Lia.

 

Salmo Responsorial                                                                                                         Sal. 92(93). lab, lc-2, 5 (R. la)

Refrão : Na’i mak liurai be hafutar-An ho glória!!! Repete-se

Na’i mak liurai hatais ho ukun liurai,

Nia hafutar-An ho biit no beran boot. Refrão

 

Nia hari metin mundo rai-klaran,

la book-an; Nia trono metin houri uluk kedas.

Nia iha nanis molok tempo hahu. Refrão

 

Na’i nia sasin so’i fiar metin,

santidade hôrik iha nia uma,

tinan-ba-tinan. Refrão

 

Aclamação                                                                                                                                                                    Jo. 3. 15

Refrão : Aleluia, Aleluia!! Repete-se

Mane-Maksoyn, ema sei foti Nia ba áas atu ema hotu nebe fiar,

bele hetan moris rohan laek iha Nia. Refrão

 

Evangelho                                                                                                                                                                 Jo. 3. 7-15

Na’i Jesus Cristo nia Evangelho tuir São João:

Iha tempo neba, Jesus dehan ba Nicodemos: “Ó keta hakfodak tan Ha’u dehan ba ó: ‘Imi tenki moris fali’. Anin huu housi fatin nebe nia hakarak, ó rona nia lian; maibe ó la hatene nia mai housi nebe no mos la hatene atu ba nebe. Nune’e mós ba ida nebe moris housi Espírito”. Nicodemos hatan ba Nia: “Oinsá bele sai nune’e? Jesus dehan hikas ba nia: “Ó mak mestre iha Israel, ó la hatene buat ne’e? Tebes, tebes duni Ha’u dehan ba ó: Ha’u ko’alia kona ba buat nebe Ha’u hatene, ha’u fó sasin kona ba buat nebe Ha’u hatene, Ha’u fo sasin kona ba buat nebe Ha’u hare, maibe, imi la simu Ha’u nia sasin. Imi la fiar karik uainhira Ha’u dehan ba imi kona ba sasan sira rai nian, oins’a imi bele fiar uainhira Ha’u ko’alia kona ba sasan sira Lalehan nian? Ema ida seida’uk sa’e ba lalehan, se la’e Ida be tun housi lalehan mai: Mane Maksoi. Hanesan Moisés foti sa’e samea iha rai-fuik-maran, nune’e mós mane-Maksoi ema sei foti Nia ba áas, atu ema hotu nebe fiar bele hetan moris rohan laek iha Nia”.

Lia Maksoyn.

Leave a Reply

Your email address will not be published. Required fields are marked *