shadow
Diocese de Dili > NOTÍCIAS > LETURA DIÁRIA > Quinta-Feira, II Semana iha tempo Páscoa (ANO C)

Quinta-Feira, II Semana iha tempo Páscoa (ANO C)

Primeira Leitura                        Act. 5. 27-33

Lia husi livro Apóstolo sira nia hahalok:

Iha loron hirak neba, comandante templo nianno guarda sira lori Apóstolo sira hodi ba to’o iha tesi lia na’in sira oin. Sacerdote bo’ot hateten nune’e ba Apóstolo sira: “Ami hateten ona atu imi la bele hanourin hodi Jesus nia naran. Maibe, imi hanourin liu imi nia doutrina iha Jerusalém tomak; imi hakarak mos du’un ema ne’e nia ran mai ami”. Pedro ho Apóstolo sira hatan: “Ami tenki halo tuir Maromak Nia hakarak liu ema sira nian. Ita amtu’ak sira nia Maromak halo moris hi’as Jesus, Jesus ida nebe imi oho hodi hedi ba Cruz. Maromak ho biit hahi duni Nia, halo Nia sai duni Na’i ulun no Maksoi, atu Nia bele halo Israel hakribi sala hodi hetan perdua. Ami fó lia sasin ba buat hirak ne’e, ami ho Espírito Santo, Espírito nebe Maromak haraik ba ema sira nebe tuir Nia hakaran”. Uainhira rona tiha sira, judeu sira ulun laran sai nakali teb-tebes no buka maka’as atu oho sira hotu.

Maromak Futar Lia.

 

Salmo Responsorial                                                                                                             Sal. 33(34). 2, 9, 17-18, 19-20 (R. cf. 7ª)

Refrão : Ema kiak harohan Na’i rona nia!!! Repete-se     

Hanai nafatin ha’u Na’i,

Ha’u ibun hahi kalan loron.

Koko ba hodi hare oinsá Na’i nia di’ak,

Ksolok tebes ida be hôrik iha Nia. Refrao

 

Na’i hirus hasouro ema áat sira

Atu halakon sira naran housi rai klaran.

Na’i sei rona ema laran di’ak sira nia hakilar,

Sei soi sira housi nia susar laran. Refrao

 

Na’i besik fuan sira be hakribi salan,

Titu hein atu soi sira be laran nakraik

Terus oi-oin monu ba ema laran mos nia leten;

Maibe Maromak sei soi nia housi terus hotu. Refrão

 

Aclamação                                                                                                                                                                                         Jo. 20. 29 

Refrão : Aleluia, Aleluia!! Repete-se

Jesus lia tun teni ba Tomé: “Ó fiar tan ó hare tiha Ha’u.

Ksolok ba sira nebe la fiar maski la haré”. Refrão

 

Evangelho                                                                                                                                                                                       Jo. 3. 31-36

Na’i Jesus Cristo nia Evangelho nudar São João haktuir:

Iha tempo nebá, Jesus lia tun ba Nicodemos: “Ida nebe mai housi áas, Nia iha ema hot-hotu nia leten; ida nebe rai ne’e nian, nia pertence ba rai, nia ko’alia kona ba rai nian. Ida nebe mai housi Lalehan, Nia iha ema hot-hotu nia leten; Nia fó sasin kona ba buat nebé nia haré no rona, maibe ema ida la simu Nia sasin. Ida nebe simu Nia sasin, nia laran metin katak Maromak lós ida de’it. Ida nebe Maromak haruka mai, nia fó sai Maromak Nia liafuan, basá Maromak Nia Espírito ita ema labele sukat. Aman hadomi Oan no saran buat tomak ba Nia liman. Ema nebe fiar iha Oan, hetan Moris rohan laek. Ida nebe lakohi fiar iha Maromak Oan, sei la haré moris, maibe Maromak Nia hirus hela iha nia”.

Lia Maksoyn.

Leave a Reply

Your email address will not be published. Required fields are marked *