shadow
Diocese de Dili > NOTÍCIAS > Notícias > “IMPRENSA LIVRE MAK ESSENCIAL BA PAZ” AFIRMA GUTERRES

“IMPRENSA LIVRE MAK ESSENCIAL BA PAZ” AFIRMA GUTERRES

DCDD;-Loron 3 de Maio mak loron Mundial Liberdade Imprensa nian; tema tinan ne’e nian mak relação entre jornalismo no eleições; secretário-geral dehan tecnologia dala barak liu usa atu bosok ho opinião pública.

Secretário-geral ONU nian ne’e declara “imprensa ida livre mak essencial ba paz, justiça, desenvolvimento sustentável no direitos humanos.”

Chefe Nações Unidas nian ne’e dehan “laiha democracia ida mak completa liu sem acesso ba informação transparente no confiável.” Ba nia, ida ne’e mak “fatuk kmanek ba construção de instituições justas no imparciais, responsabiliza husi líderes no koalia dadaun kona ba verdade husi sira nebe kaer poder.”

Tema tinan ne’e nian mak “Mídia ba Democracia: Jornalismo no Eleições iha Tempo sira nebe Desinformação”. Guterres dehan mos katak “fatos, laos inverdades, precisa lori didiak ema sira atu hili sira ninia representantes.”

Tuir nia, tecnologia transforma ona maneiras ho saida deit mak ita simu no compartilha informações, maibé “dalaruma usa nia hodi bosok fali ho opinião pública ou atu impulsiona fali  violência no ódio.”

Secretário-geral ne’e afirma liutan katak “espaço cívico nebe bele reduz mundo tomak ba ritmo ida ho alarme” no “ho retórica contra mídia nebe aumenta ba bebeik, nebe mos hamosu tan ho violência no assédio contra jornalistas, inclui mos feto sira.”

Guterres dehan “profundamente preocupa tebes ho número husi ataques nebe mosu foin dadaun ho cultura impunidade niam.” jornalistas besik nain 100 mak assassinados iha tinan 2018 liuba. Centenas husi profissionais hirak ne’e ema castigo, tuir Organização Nações Unidas nian ba Educação, Ciência no Cultura, Unesco nia relatorio.

Chefe ONU nian ne’e afirma “uainhira trabalhadores husi meios de comunicação mak sai duni alvo, sociedades mos selu hotu todan ida ne’e.” No hakotu nia mensagem hodi husu ba ema hotu “defende direitos jornalistas nian, hanesan esforços hodi ajuda harii mundo ida diak liu ba ema hotu.”

Iha tinan 2019, celebração Loron Mundial Liberdade de Imprensa nian mak iniciativa ida husi  Organização husi Agência Unesco nian, husi União Africana no husi governo Etiópia. Capital etíope, Adis Abeba, simu eventos principais ne’e entre quarta no sexta-feira.

Tuir  organização ne’e, tema tinan ida ne’e nian pretende liu atu “discute kona ba desafios atuais nebe enfrenta husi meios de comunicação iha eleições, hamutuk ho potencial husi mídia hodi apoia processos de paz no reconciliação.”

https://news.un.org/pt/story/2019/05/1670511

Leave a Reply

Your email address will not be published. Required fields are marked *