shadow
Diocese de Dili > NOTÍCIAS > Notícias > Sínodo moris ona iha Amazônia

Sínodo moris ona iha Amazônia

DCDD; Cidade Vaticano-Iha edição tinan 2019 nian “Aldeia husi Rai” nebe realiza iha Roma, Vatican News halo entrevista ho  frei Paolo Braghini, religioso ida husi Frades Menores Capuchinhos, husi “Custódia Amazônia nian” nebe hela ona durante tinan 15 iha neba ho Ticunas sira. Frei Braghini conta katak Sínodo ne’e sei halao iha Outubro, maibé iha aldeias Amazônia nian halao tiha ona.

 “floresta de culturas”, mak iniciativa ida nebe organiza iha tinan tomak iha Roma husi Focolarinos, hafoin Loron Internacional Rai nian, nebe celebra iha loron 22 de abril husi Nações Unidas. Iha encontros nebe inicia ona iha loron 22 de abril koalia ona kona ba Amazônia hanesan símbolo husi diversidade natural no cultural ho presença husi quase 400 etnias no  línguas 200. Rikusoin ida nebe cada vez mais ameaçada husi interesses econômicos no husi globalização.

Participantes tomak sei interroga kona ba saida mak cuida diversidades culturais no oinsa moris iha harmonia ho comunidade global. Região Amazônica representa principio ida husi cenários principais iha nebe mak sei confronta visões opostas husi Rai: husi sorin ida comportamento predatório ho ambiente natural, estreitamente liga ba falta de respeito husi culturas nebe considera “inferiores”, husi compromisso seluk nebe ninia habitantes no husi organizações seluk, hanesan mos Igreja nebe halo defesa ba natureza no identidades locais tomak nian. Portanto ida ne’e mak região símbolo ida. No ida ne’e mak confirmado husi frei Paolo Braghini, protagonista ida husi protagonista seluk iha encontro nee, nebe hela ona tinan 15  iha floresta ho índios Ticuna, margens Rio Solimões nian. Encontro ne’e sei concluiu ho plantio husi ai oan ida nebe  dedica ba Amazônia no ba beleza husi povo tomak nian.

Tuir mai acompanha deit entrevista nebe descreve  ona:

Frei Braghini: koalia ona kona ba  Amazônia certamente husi defesa, proteção husi natureza, no criação, maibe mos husi povos nebe moris iha Amazônia. Amazônia nebe mak luan no halibur povos barak, índios husi etnias oi-oin, husi  várias culturas, lian oi-oin… Presença husi índia ida husi aldeia fo valor liu ba encontro ida ne’e. Hanesan buat nebe ita hatene mak  região ida nebe riku ho ninia rai nebe seidauk explora. Iha mundo globalizado hanesan ita nian dala barak existe tentação hodi halibur culturas , enquanto que índios sira fo hanoin mai ita katak ho diferença nebe mak riku, maibé mos quanto ne’e mak nafatin hametin diferença ida ne’e. Jovem índia nebe presente hodi hakilar husu tulun: ajuda atu defende ita ninia povos,ita ninia direitos, ita ninia rain, labele husik sira mate. Hakilar ida nebe  forte tebes.

Ohin loron, saida mak sai ameaça boot ba Amazônia?

Frei Braghini: Ameaça sira barak tebes: sai duni hanesan reserva natural, kmanek tebes no ambiciona tebes ho objetivos husi  exploração. Portanto multinacionais, empresas, governos nebe hare ba região ida nee hanesan fonte potencial osan nian. Enquanto que índios tomak hare hanesan sira nia uma nebe bele defende no protege. Ida ne’e mak  ameaça boot, multinacionais dalaruma  presentes liu iha nebá, hodi buka petróleo, gás,  extração ba osan mean.  Sira mos halao  pesquisas científicas, husi sira ninia lalaok balun nebe  invade aldeia sira, nune’e mos projetos nacionais boboot sira, hanesan hasai energia hidrelétrica, dalaruma harahun aldeias tomak. Portanto ameaça ne’e mak exatamente mosu katak : mundo hare ba  Amazônia hanesan fonte husi osan no laos hanesan husi ema hirak nebe hela iha neba nia hare.

Senhor mos hela iha neba, loos be sa ?

Frei Braghini: sim, hau hela iha neba tinan 15 ona, hamutuk ho  povo Ticuna. Ami hanesan capuchinhos, mai iha região ne’e tinan 100 nia laran ona no hamutuk iha tribo sira durante tinan  20 tribo hirak ne’e. Aldeia sira ne’e, hamutuk ho  aldeias  70 seluk ho etnias seluk, mesak mai husi ami nia uma, no ami halo apelo ba  sociedade hamutuk ho  índios hirak nebe ami moris hamutuk ba.

Imi mos compartilha alarme ba preocupações husi povos hirak iha fatin neba?

Frei Braghini: Sim, iha loron hirak ne’e uainhira  realiza acampamento ida iha Brasília, hodi halibur  líderes besik rihun ida no caciques indígenas, nebe mak halo protesta ba  governo hodi hamenus tiha rai husi  indígenas nian atu haluan agricultura intensiva, halo natar, hakiak animal sira, halakon ai laran tuan sira. Governo husik dadaun impulso econômico ida nebe la considera  populações hirak nebe hela iha neba tinan barak nia laran ona no  defende ai laran tuan hirak ne’e.

Iha Outubro tinan ne’e sei realiza Sínodo bispos nian kona ba Amazônia, oinsa mak itaboot sira hein momento ida ne’e?

Frei Braghini: ami oras ne’e moris dadaun iha Sínodo ida ne’e iha tempo balun tamba, ida ne’e mak importante liu atu hatene, exatamente hahu ona iha base. Ha’u mak porta-voz husi grupos índios barbarak nebe interpela ona husi  Sínodo hodi hatan ba perguntas oi-oin nomos ba koalia ho Igreja saida mak sira hakarak husi Igreja, ohin loron, iha Amazônia. Sira sai ona hanesan primeiros nebé sei hatama iha ne’e, hau hamutuk ona ho índios, hakerek dadaun respostas hirak ne’e no haruka ona ba Comissões nebe serviço ba Sínodo. Sínodo ne’e sei halao iha outubro, maibé  Sínodo ne’e rasik hahu uluk liu ona iha quase aldeias tomak husi Amazônia.

Saida mak ita tem que halo iha ita nia moris lor-loron nian atu hatudu ita ninia sensibilidade ba problemas husi Amazônia?

Frei Braghini: Ita hotu precisa muda ita nian estilo de vida ho estilo moris nian ida nebe respeita ba natureza, possivelmente produz desperdício nebe natoon, usa plástico uituan deit, usa  recicláveis, tamba atu hametin ita ninia estilo de vida consumista ita bele harahun tiha natureza no  povos hirak nebe lacontamina ! ita mos precisa fila ba kotuk, ita hotu, adota atu hili liu ecológia. Certamente ida ne’e mak lalaok ida nebe ita sente iha comunhão ho povos hirak nebe sofre hela dadaun iha invasão ida ne’e nomos reza ba  povos indígenas no missionários hirak nebe moris hamutuk ho sira, atu nunee ita mos bele hili didiak momento diak ida ne’e iha história no Igreja.

https://www.vaticannews.va/pt/mundo/news/2019-04/amazonia-braghini-sinodo-aldeia2019.html

Leave a Reply

Your email address will not be published. Required fields are marked *