shadow
Diocese de Dili > NOTÍCIAS > LETURA DIÁRIA > Terça-Feira, III Semana iha tempo Páscoa (ANO C)

Terça-Feira, III Semana iha tempo Páscoa (ANO C)

Primeira Leitura                 Act. 7. 51, 8. 1ª

Lia housi livro Apóstolo sira nia hahalok:

Iha loron hirak neba, Estêvão hateten ba nia povo, ba katuas sira no ba escriba sira:”Imi, be la haraik imi an, la loke imi fuan no imi tilun, imi hafunu nafatin hasouru Espírito Santo. Imi hotu hanesan imi nia bei-ala sira; ba profeita ida nebe mak imi nia bei-ala sira la halo áat? Imi nia bei-ala sira mós oho ema nebe haklaken kona ba Santo nebe atu ami. Housi sira mak imi mós, oras ne’e, sai laran makerek no oho-dor ema; imi be simu Anjo sira nia ordem maibé imi la halo tuir lolós”.

Rona tiha liafuan hirak ne’e, sira hahu hirus teb-tebes Estêvão, hodi run nehan hasouru nia.

Maibe, Estêvão ho Espírito Santo Nia biit foti matan ba Lalehan; haré Maromak nia kmanek, no Jesus hamrik hela iha nia sorin kuana, Estêvão dehan:”Ha’u hare Lalehan nakloke, Maromak Oan Mane Maksoi Hamriik hela iha Maromak nia sorin kuana”. Sira hotu hakilar maka’as, taka sira-tilun. Tuir mai, sira káer Estêvão, lori sai housi cidade, tuda mate tiha nia. Sasin sira tau tiha nia kapa iha foin-sa’e be hanaran Saulo ne’e nia ain. Uainhira sira tuda daudaun Estêvão, nia harohan nune’e:” Na’i Jesus, simu ha’u klamar ba”. Hafoin, hakneak hodi hakilar:”Na’i, Perdua sira housi sala ne’e”. Dehan tia ne’e. Estêvão saran-an iha Na’i. Saulo mós hakarak atu oho Estêvão.

Maromak Futar Lia

 

Salmo Responsorial                                             Sal. 30(31). 3cd-4, 6ab, 7b, 8ª, 17, 21ab (R. 6ª)

Refrão : Na’i, iha Ita liman, ha’u saran ha’u klamar!!! Repete-se

Ou        Aleluia!!

Ita fatuk metin ha’u heli-an-fatin,

Baki boot iha nebe ha’u soi-an.

Ita ha’u biit, ha’u Mahein,

Tan domin ba Ita naran, hatudu dalan mai ha’u. Refrão

 

Iha Ita liman, ha’u saran ha’u klamar;

Maromak laran lós, soi ha’u.

Na’I, iha Ita, ha’u tau ha’u neon;

Ha’u sei hahi no haksolok ho ita laran luak. Refrão

 

Halo nabilan ita futar oin ba ita atan;

Na’i, ho ita laran di’ak, soi ha’u ba.

Iha mahan ita futar oin nian,

Ita haksumik sira be neon metin

Housi ema laran áat. Refrão

 

Aclamação                                                                                                                                    Jo. 6. 35ab

Refrão : Aleluia, Aleluia!! Repete-se

Na’i lia tun, “Ha’u mak aíhan moris;

ema sé mai iha Ha’u sei la hamlaha”. Refrão

 

Evangelho                                                                                                                                 Jo. 6. 30-35

Na’i  Jesus Cristo nia Evangelho nu’udar  São João haktuir:

Iha tempo neba, ema lubun boot hasa’e lia ba Jesus:”Ita halo milagre sa ami haré hodi fiar? Ita halo buat foun sá? Iha rai-fuik-maran ami nia bei-ala sira han maná, nu’udadr Escritura hateten:’ Sira han Pão ida tun housi Lalehan,” Jesus lia tun ba sira:”Tebes, tebes duni, ha’u dehan ba imi: La’os moisés mak fó ba imi Pão be tun housi Lalehan; Ha’u Aman mka fó aihan lolós nebe tun housi Lalehan atu fó moris ba Mundo”. Sira dehan ba nia: “ Na’i, haraik nafatin aihan ne’e mai ami!” Jesus hatan ba sira:” Ha’u mak aihan moris nian; ema nebe hakbesik mai Ha’u, nia sei la hamlaha tan; ema nebe fiar ha’u, nia sei la hamrook tan”.

Lia Maksoyn.

Leave a Reply

Your email address will not be published. Required fields are marked *