shadow
Diocese de Dili > NOTÍCIAS > LETURA DIÁRIA > Quinta – Feira, X Semana Tempo Comum (ANO C)

Quinta – Feira, X Semana Tempo Comum (ANO C)

Primeira Leitura           2Cor. 3. 15-4. 1, 3-6

Lia housi São Paulo nia segunda Surat ba sarani sira iha Corinto:

Maun alin sira: Tebes duni, to’o loron ne’e, wainhira Israel oan sira lê buat nebé Moisés hakerek, hena ida taka sira hanoin, maibé wainhira ema fila ba Na’i, hena ne’e hasai tiha. Na’i mak Espírito, no iha nebé Na’i nia Espírito hela, iha nebá mós ema la’os tan atan. Ita hotu, oin la taka ona, hateke ba Na’i nia glória, nu’udar housi Na’i rasik, nebé Espírito.

Ne’e duni, hodi simu knaar ida ne’e housi Na’i nia laran luak, ami la lakon aten barani. Maski hena ruma taka ami nia evagelho, Evangelho taka hela de’it ba sira nebé atu lakon ona, sira nebé maromak mundo ne’e nian mak taka tiha ema fiar laek sira nia hanoin atu sira labele haré Evangelho nia naroman nebé Cristo, Maromak nia ilas, nia glória. Ami la haklaken ami an maibé Jesus Cristo nu’udar na’i, no ami nu’udar imi nia atan Jesus. Basá Maromak, nebé dehan, “Naroman nabilan iha nakukun ba,” leno tiha ita nia fuan atu hatudu matenek Maromak nia glória nia naroman nian iha Cristo nia oin.

Maromak Futar Lia.

 

Salmo Responsorial                                                                                                                                     Sal. 84(85). 9ab-14 (R. 10b)

Refrão : Na’i Nia glória sei hôrik iha ami rain!!! Repete-se

Ha’u rona buat be na’i dehan:

Maromak fó hatene dame ba nia Povo no nia sarani.

Nia maksoynn besik ema be hamta’uk nia;

Nia glória hôrik iha ami rain. Refrão

 

Laran di’ak no domin sei hasouru malu,

Dame no justiça sei hakuak malu.

Laran di’ak sei tulun hosi rai,

Justiça sei tun mai hosi Lalehan. Refrão

 

Na’i sei haraik buat nebé di’ak,

Ita rain sei fó fuan.

Justiça la’o iha nia oin,

Dame sei sama tuir nia ain fatin. Refrão

 

Aclamação                                                                                                                                                                                           Jo. 13. 34

Refrão : Aleluia, Aleluia!! Repete-se

Na’i hateten: Ha’u fó ba imi mandamento foun:

Imi sei hadomi malu nu’udar ha’u hadomi imi. Refrão

 

Evagelho                                                                                                                                                                                         Mt. 5. 20-26

Na’i Jesus Cristo nia Evangelho nu’udar são Mateus haktuir

Iha tempo neba, Jesus lia tun ba escolante sira: “Imi nia Justiça la lós liu karik escriba no fariseu sira nian, imi sei la tama iha reinu Lalehan. Imi rona dehan ba bei-ala sira nune’e: Ó keta óho; sei hatn justiça’. Maibé, Ha’u dehan ba imi: Ema nebé laran nakali hasoru nia maun-alin, sei hatan lia justiça. Ema nebé bolu nia maun-alin beik-ten, sei tama iha tribunal Sinédrio nian. Sé bolu nia maun-alin ema áat, sei hetan terus áhi. Ne’e duni ó atu hasa’e daudaun karik, ó nia buat karan iha altar fohon, ó hanoin kona katak, ó áat malu ho maun-alin ruma, husik hela ó nia buat-karan, ba uluk dame malu ho nia, hafoin, mai hasa’e ó nia buat karan. Ó ba dame lalais tiha ho ema nebé imi nain haksesuk malu, molok imi tama iha tribunal; keta halo be, nia fó ó ba juiz, juiz fó ó ba kadeia. Ha’u dehan lailós ba ó: Ó sei la sai hosi neba, to’o selu doit ikus”

Lia Maksoyn.      

Leave a Reply

Your email address will not be published. Required fields are marked *