shadow
Diocese de Dili > NOTÍCIAS > REFLEXÃO > FIAR MAROMAK NAIN TOLU ?

FIAR MAROMAK NAIN TOLU ?

SOLENIDADE SANTÍSSIMA TRINDADE Ano C, 2019

Deut 4,323-34.39-40   Rm 8,14-17   Mat 28,16-20

Prov 8,22-31 Rm 5,1-5 Jo 16,12-15

 

Hau Fiar Maromak Mesak Ida deit; Aman Bele halo hot-hotu…….Hau fiar Nai ida deit Jesus Cristo moris husi Maria Virgem…Hau Espírito Santo, Nai be haraik moris mai husi Aman no Oan…….

Oração Credo sai hanesan resumo fundamental husi formulação doutrina Igreja Católica nian. Contempla kona ba Nai Santíssima Trindade ita hasoru moru boot ida naran mistério da Fé. Durante século sarani Cristão Católica nia fiar hasoru desafio ida nebe difícil atu descreve ho raciocínio sobre Trindade. Durante tinan ba rak mos mistério Trindade hamosu polémica hodi provoca heresia (ajaran sesat/doutrina falsa) bar-barak iha sociedade nia leet. Pior liu tan mak mistério Trindade cria divisão iha Cristianismo laran. Diferença interpretação hamosu ramo cristianismo oioin hodi quebra tiha Igreja nia unidade. Maibé iha Bíblia rasik prefiguração Trinitário sempre mosu iha escrito sagrado sira.

Iha relato Evangelho Mateus nian, Jesus revela relação Aman ho Oan hodi tenik:”Buat hot-hotu Hau Aman fo ona mai Hau; ema ida la conhece Oan se la conhece Aman, ema ida la conhece Aman se la conhece Oan nebe hakarak revela Nia (Mt 11,25-27)”.

Jesus nia pessoa nudar Maromak contempla momos iha São João nia Evangelho katak: “Uluk liu Lia Fuan (Verbo), Lia Fuan hamutuk ho Maromak no Lia Fuan mak Maromak. (…) no Lia Fuan Halo-An ba Ema no horik hamutuk iha ita leet, no ami haré Ninia glória, Glória nebé Oan Mane mesak simu husi Aman, nakonu ho graça no lialoos (Jo 1,1.14).

Enquanto iha livro Actos dos Apóstolos, pessoa Espírito Santo nia imagem prefigura hanesan pessoa Divina ida nebé koalia no la bele bosok. Wainhira sira harohan daudaun liu tiha jejum, Espírito Santo dehan ba sira:”haketak tiha Barnabé ho Saulo atu sira halao knaar nebé Hau haruka (Cf Act 13,2)”.

Iha relato seluk, Pedro haksiak Ananis nebe laran bosok. Nia faan tiha riku soin (horik fatin) hodi halo oferta ba creda maibé, afinal nia la fo fo hotu kedas maibé, nia subar hela balun. “Pedro, porém, disse: Ananias, por que tomou conta Satanás do teu coração, para que mentisses ao Espírito Santo e enganasses acerca do valor do campo? Acaso não o podias conservar sem vendê-lo? E depois de vendido, não podias livremente dispor dessa quantia? Por que imaginaste isso em teu coração? Não foi aos homens que mentiste, mas a Deus” (Act 5,3-4).

Citação Bíblica hirak nee barak ka oitoan haroman ita nia fiar ho acontecimento humano hirak nee. Implicitamente pessoa Santíssima Trindade (Aman, Oan ho Espírito Santo) la descreve iha Bíblia Sagrada. Jesus nia pregação, promessas, Jesus nia lalalok mak justifica personagem Santíssima Trindade. Jesus nia pregação sobre Reino Lalehan mak halo ita entnde mistério Santíssima Trindade.

Verdade revelada husi Santíssima Trindade mai kedas iha origem Fiar Cristão (Catolicismo) nebe Igreja conserva, principalmente Baptismo. Nai Jesus Cristo nia graça, Maromak Aman nia domin hamutuk ho Espírito Santo hela ho ita. Formulação litúrgica nee expressa fé Católico iha Santíssima Trindade nebe mai kedas husi apóstolo sira nia tempo (Cf 2Cor 13,13; cf. 1Cor 12,4-6; Ef 4,4-6).

Compêndio Catecismo Igreja Católica explica ho maneira ida nee:“Omistério central husi fé no husi moris cristão mak mistério Santíssima Trindade. Cristão sira simu baptismo iha Aman, Oan no Espírito Santo naran” (CCIC, 44).

Liu tan Compêndia Catecismo da Igreja Católica explica katak; Igreja (Católica) exprime ninia fiar trinitário hodi confessa katak Maromak ida deit iha pessoa tolu: Aman, Oan no Espírito Santo. Pessoa tolu nee ho natureza Maromak mesak ida deit basá, ida-idak idêntico ba plenitude (kepenuhan) husi única no indivisível natureza divina. Sira realmente distinta entre sira husi relação ida ho ida seluk nebe la bele haketak malu; Aman hahoris Oan, Oan hahu-An husi Aman no Espírito Santo mai husi Aman no Oan (o Pai gera o Filho, o Filho é gerado pelo Pai, o Espírito Santo procede do Pai e do Filho) (CCIC, 48)”.

Ita nudar sarani Cristão Católico nudar fiar nain ba religião nebe fiar Maromak ida deit (monoteismo). Ita fiar ba Maromak ida maibé laos Maromak nebe mes-mesak (Solitary). Oinsa Maromak nee bele hadomi se nia mes-mesak. Maromak bele expressa domin nee sofisticado (perfeitamente) wainhira domin nee expressa iha pessoa trindade nee. Hanesan mos Família ida nebe iha laran composto husi Aman, Oan no Fen Kaben. Haensan mos comunidade ida nebé composto husi ema lobuk ida laos composto husi ema mesak ida deit.

Nunee, Santíssima Trindade ita la bele haré deit husi aspecto mistério maibé, precisa coloca iha prática oinsa ita hadomi ema seluk hanesan ita -an rasik. Assim Seja e Bem Haja. Lalehan Sadia Rai sei tane. :“Barangsiapa telah melihat Aku,ia telah melihat Bapa” (Jo 14,9). ). Husi Santo Agostinho nia conversa ho labarik kiik iha tasi ibun ita entende katak; ita nia kakutak la too hodi compreende hotu kedas Maromak nia segredo. Buat nebe importante liu mak Fé nebe pratica iha obra eh hahalok sarani nian. Ita conclui Santo Agostinho nia experiência fiar nee hodi tenik:“Di mana ada cinta kasih, di situ ada AllahTritunggal: pencinta, yang dicinta, dan sumber cinta kasih”. (IgnasLopes)

Leave a Reply

Your email address will not be published. Required fields are marked *