shadow
Diocese de Dili > NOTÍCIAS > Notícias > SOE BEBÉ LAOS CULTURA TIMOR NIAN

SOE BEBÉ LAOS CULTURA TIMOR NIAN

DCDD – Cultura Timor ninian laos atu soe babé, tanba Timor ne’e rai ida ne’ebe desde uluk ita nia beiala sira iha tinan atus lima ona ita comunga fiar católica ida ne’ebe tuir Jesus Cristo. Então soe bebé ne’e ba ha’u hanesan hahalok ida ne’ebe ema halo la hanoin. Karik ida ne’e tanba ema nia orgulho ka? ema ne’e hanoin de’it nia an ka? ou nia capricho pessoal ne’ebe nia iha halo hodi comete acto ida ne’e. Tanba ne’e ita tem que hare fila fali razão saida mak labarik feto ida soe ninia oan, dehan Dom Virgílio do Carmo da Silva, bispo de Dili iha Prisão Becora, Dili iha loron 15 fulan de Junho 2019.

Dom Virgílio do Carmo da Silva dehan tan katak “hau hanoin karik razão fundamental ida ne’ebe mak ita atu reflete mak ida ne’e; tanba sa mak actos soe bebé mosu bei-beik iha ita nia sociedade liu-liu iha cidade Dili laran! Ita hakarak uluk nanain soe ba Uma Creda, nune’e mos Uma Creda hakarak soe mos ba educador sira, inan aman sira no mos foinsae sira rasik atu reflete. Ba inan-aman sira precisa atu controla no mos atu acompanha oan sira liu-liu oan sira ne’ebe to’o ona iha idade jovem tanba ho mundo ida agora buat hot-hotu livre no media social ne’ebe apresenta buat hot-hotu liu housi sexo livre, maibe agora ita tem que mos iha  responsabilidade ida atu acompanha no atu hatene ita nia oan sira”.

Liu tan ne’e  Dom Virgílio do Carmo da Silva mos fo hanoin ba foinsae sira katak, “ba foin sa’e feto no mos mane oan sira katak tem que hatene ida ne’e, wainhira atu soe bebé sempre tau todan ba iha feto, maibe causa labarik ne’e grave laos nia tur mes-mesak depois nia hetan isin rua. Ne’e duni iha mos responsabilidade ba mane sira. Ne’e duni, iha relação namoro ninian atu halo buat ruma tem que hanoin uluk molok halo. Tanba ne’e ha’u sempre dehan liafuan ida ne’e ‘hanoin uluk mak halo laos halo tiha mak foin hanoin’.  Labele dehan ita koko lai, tanba vida ne’e nunca bele koko. Hanoin uluk liu atus ida mak foin bele halo liu-liu kona ba buat ida ne’e. Tan ne’e, ha’u hanoin ida ne’e questão ida ne’ebe laos facil atu dehan “SIM OU  NAO “, maibe ba ita questão ida ne’ebe mosu bebeik hanesan ne’e provoca ita atu dehan, Convida duni ita nudar timoroan, sarani ita precisa hola consciência didiak no tau questão ida ne’e atu bele reflecte, tanba sa mak buat ne’e mosu”.

Amo Bispo mos hakarak fo hanoin liu-liu ba iha alin oan foinsa’e sira atu husu atu hatene cuida sira nia an no sentido katak sira tem que respeito sira nia an, iha sira nia namoro sira hatene tau sira nia an to’o tempo nebe mak atu halo casamento mak ita bele tama iha buat sira ne’e. Maibe sei iha tempo namoro tempo ida ne’ebe atu conhece malu. Amo Bispo mos husu liu-liu ba iha alin feto oan sira katak quando monu ona iha situação sira hanesan ne’e laos atu ba soe bebé, maibe entrega ba iha congregação sira ne’ebe disponível atu simu labarik sira. (Alin Soares)

2 comments on “SOE BEBÉ LAOS CULTURA TIMOR NIAN

  1. José Martins

    Concordo com o que afirma D.Virgilio. Mas surgem muitas perguntas. Que tipo de preparação é dada aos casais católicos? Que tipo de formação é dada aos jovens a partir da escola secundária? O Bispo e os sacerdotes estão conscientes da realidade verdadeira que se constata em Dili e praticamente em todo o Timor? Qual é a menina, senhora que realiza o matrimónio está virgem? Que exemplo dão os pais aos seus filhos? Como reage a Igreja quando um pai viola a sua filha, e esta fica grávida? Percorram todo o Timor, observem, perguntem, vejam a realidade……..

  2. José Martins

    Não percebo…..

Leave a Reply

Your email address will not be published. Required fields are marked *