shadow
Diocese de Dili > NOTÍCIAS > LETURA DIÁRIA > Domingo XII Tempo Comum (ANO C)

Domingo XII Tempo Comum (ANO C)

Primeira Leitura                    Zac. 12,10-11

Lia housi Livro Profeta Zacarias:

Na’i  Maromak lia tun dehan: “ Ha’u sei fo ba David nia uma–kain no mos ba ema sira tur iha Jerusalem, neon di’ak no laran kman atu hamulak. Sira sei hateke ba ema ne’ebe sira sona borus. Sira sei tanis ba Nia, hanesan ema tanis ba oan mane mesak ida, sira sei tanis ba Nia hanesan ema tanis ba oan kawa’ik ida ! Iha loron ne’e , ema sei tanis maka’as iha Jerusalém, hanesan ema tanis iha rai Hadad-Rimon iha foho leet Meguido !”

Maromak Futar Lia.

 

Salmo Resposorial                                                                                                                                                  Sal 62, 2. 3-4. 5-6. 8-9

Refrão : Ha’u nia Maromak, Ha’u klamar buka ita Boot!!! Repete-se

Na’i ha’u nia Maromak, ha’u buka ita Boot;

Ha’u klamar buka bei-beik ita.

Ha’u isin husu ita nia tulun,

Nuudar we ida suli iha rai fuik maran. Refrão

 

Ha’u sei hahi ita ba nafatin,

 sei tan ha’u liman ba ita naran.

Sei hetan di’ak mai ha’u isin;

Ha’u sei la kole atu hahi ita boot. Refrão

 

Tan ita tahan ha’u,

Hoksolok ha’u sei hahi ita naran.

ho ita, ha’u hetan diiak;

Ita hasai ha’u housi susar laran. Refrão

 

Segunda Leitura                                                                                                                                                                        Gal.  3, 26-29

Lia husi sao paulo nia surat Ba sarani sira iha galacia:    

Maun-alin sira; imi hotu mesak Maromak oan, tan imi fiar Jesus Cristo. Basa, imi hotu ne’ebe simu Cristo nia baptismu; hafutar-an rasik hodi Cristo. La iha ema judeu, la iha ema gregu; la iha ema atan, la iha ema livre; la iha oan mane, la iha oan feto; imi hotu hamutuk halo ida de’it iha Jesus Cristo. Maibé, imi Cristo ninian karik, imi Abraão nia bei-oan duni, imi sei simu Abraão nia liman rohan nudar Na’i Maromak Hakotu ona lia atu haraik.

Maromak Futar lia.

 

Aclamação                                                                                                                                                                                             Lc. 9, 23

Refrão : Aleluia. Aleluia!!  Repete-se

Ema ruma hakarak mai tuir ha’u,

Nia sei hakribei nia an rasik,

Sei simu nia  kruz lorloron hodi tuir ha’u. Refrão

 

Evangelho                                                                                                                                                                                       Lc. 9, 18-24

Na’i Jesus Cristo nia Evangelho nu’udar São Lucas haktuir :

Iha tempu ne’ebá, Jesus mesa-mesak harohan; nia escolante sira hela hamutuk ho nia. Iha oras ne’e, Jesus husu ba sira; “ Ema lubun sira ne’e dehan katak Ha’u se lòs ?” Escolante sira hatán; “ Joao Baptista, balu dehan Elias , balu fali dehan, profeta uluk ida mak moris fali housi mate “. Jesus husu fali ba sarani sira ?” Imi dehan ha’u se los ? “ Simao Pedro  simu hodi dehan“ Ita Maromak nia Messias”. Jesus bandu sira la bele dehan sai buat ne’e ba ema ida . hafoin , Jesus dehan tan: “Mane Maksoyn sei terus barak: katuas sira,sacerdote boot sira, ho ema escriba sira sei  hewai Nia. Nia sei mate,hafoin liu tiha loron tolu, Nia sei moris hias housi mate” . Jesus dehan ba sira hotu: “Ema ruma hakarak mai tuir  Ha’u, nia sei hakribit nia ân rasik, see hakarak soy nnia moris, nia sei soy duni moris ne’e.

Lia Maksoyn.

One comment on “Domingo XII Tempo Comum (ANO C)

  1. Ignas

    Obrigado

Leave a Reply

Your email address will not be published. Required fields are marked *