shadow
Diocese de Dili > NOTÍCIAS > Notícias > IGREJA TIMOR SEI COMEMORA TINAN 30 PAPA SÃO JOÃO PAULO II VISITA TIMOR

IGREJA TIMOR SEI COMEMORA TINAN 30 PAPA SÃO JOÃO PAULO II VISITA TIMOR

DCDD-DILI, Atu comemora tinan 30 Papa São João Paulo II nia visita iha Creda Timor, maka Igreja Católica iha Timor-Leste dedica especial fulan tolu ne’e; Agosto, Setembro no Outobro nu’udar fulan Missionário nian. Atividade hirak ne’e hotu liga ba Amu Papa Francisco ne’e hili tinan ne’e nu’udar tinan Missionário nian. Tan ne’e Dom Virgílio do Carmo da Silva bispo de Dili hateten, “Iha tinan ida ne’e Amo Papa hanaran mos tinan missionário. Iha Igreja Timor nian ita sei hahu iha Fulan Augusto, Setembro no Outubro, tanba fulan tolu ne’e ita hanaran fulan missionário nian, atu sarani sira ne’ebe hakarak atu manan Indulgência, diocese ida-idak estabelece ona fatin atu ba visita iha tinan Missionário ninian. Diocese Dili nia fatin atu manan Indulgência mak ita nia Catedral no Santuário Fatubesi. Ne’e duni, sira ne’ebe hakarak atu manan no besik liu tan ba graça Maromak ninian halo mos sacrifício extra hodi visita fatin ne’ebe indicado ona. No sira ne’ebe labele atu ba Santuário Fatubessi, bele ba de’it Catedral, tenik bispo de dili Dom. Virgílio do Carmo da Silva iha Paróquia Becora Dili iha loron 28 fulan Junho 2019.

Liu tan ne’e Dom. Virgílio do Carmo hateten, “Iha fulan tolu nia laran, depois celebração sira ne’e hotu sei taka iha Tasi Tolu hodi hanoin tinan Tolunulu Amo Papa São João II mai visita Timor. Ne’e duni, Igreja Timor decide tiha ona iha fulan Outubro no data sei comunica se laos 26, então iha dia 30 de Outubro tanba Diocese tolu ne’e sei halibur sarani sira iha Tasi Tolu atu ita hamutuk agradece Maromak ba tinan Tolunulu (30) São João Paulo II nu’udar Papa mai visita ita nia rain, tanba missionário boot ne’e mak lori esperança ba Timor iha tempo ida ne’ebe Timor nia esperança hahu mihis. Tan ne’e fo hanoin mos mai ita hotu atu prepara ita nia an ba evento sira nebe la’o iha diocese iha tempo badak nia laran. (Alin)

Leave a Reply

Your email address will not be published. Required fields are marked *