shadow
Diocese de Dili > NOTÍCIAS > LETURA DIÁRIA > Sexta – Feira, XII Semana iha Tempo Comum (ANO C)

Sexta – Feira, XII Semana iha Tempo Comum (ANO C)

SOLENIDADE SAGRADO CORAÇÃO DE JESUS

 

Primeira Leitura      Ez. 34, 11-16 

Lia housi livro Profeta Ezequiel:

Na’i Maromak lia tun nune’e: “Ha’u rasik sei tau matan ba Ha’u nia bibi sira, Ha’u rasik sei haré di’ak sira. Nudar mahein tau matan ba nia bibi sira, nebé la’o sala dalan, wainhira nia sei hela iha sira le’et, nune’e mos, Ha’u sei tau matan ba Ha’u nia bibi sira, atu hasai sira housi dalan aat, iha loron susar, loron nakukun. Ha’u sei halo sira sai housi povo nia leet, sei halibur sira, wainhira sira sai housi rai hirak ne’e atu fila hikas ba sira rain. Ha’u sei lori sira ba Israel nia foho, ba iha teteuk, ba iha fatin hotu nebé ema bele tur. Ha’u sei lori ba fó han iha rai klés di’ak, sei tau sira luhan iha foho tutun Israel nian, nebé iha du’ut nurak barak. Ha’u mak sei tau matan ba bibi sia ne’e, Ha’u sei lori ba hola mahan iha Maromak futar lia-fuan nia mahan. Ha’u sei buka bibi oan nebé lakon; sei halibur ho seluk ida nebé la’o sala dalan;

Ha’u sei bali ida nebé iha kanek; sei fó aimoruk ba ida nebé moras; sei la haluhan sira nebé isin di’ak. Ha’u sei haré sira tuir lialós.

Maromak Futar Lia.

 

Salmo Responsorial                                                                                                                         Sal. 22 (23), 1-3ª. 3b-4. 5. 6 (R. 1)

Refrão : Dalan di’ak no Maksoyn. Mak Jesus, Aleluia!!! Repete-se

Na’i Maromak, Ha’u nia mahein tulun ha’u,

Halo ha’u hola mahan iha matak malirin.

Haraik we matan di’ak mai ha’u hemu,

Halo ha’u isin hetan kbiit. Refrão

 

Lori ha’u housi dalan di’ak,

Atu hahí Nia naran.

Ha’u la ta’uk liu housi dalan nakukun,

Na’i hela ho ha’u tahan ha’u. Refrão

 

Iha ema aat sira oin,

Na’i haraik ai-han wa’in mai ha’u.

Ha’u la hetan susar ida,

Hafutar ha’u-an ho murak di’ak. Refrão

 

Kalan loron iha ha’u moris,

Na’i laran luak tahan ha’u.

Ha’u sei horik iha Na’i nia kadunan,

Wainhira ha’u sei moris. Refrão

 

Segunda Leitura                                                                                                                                                                          Rom. 5, 5-11

Lia Housi São Paulo nia surat ba sarani sira iha Roma:

Maun-alin sira: Maromak nia domin hela iha ema hotu-hotu nia laran tan Espírito Santo nebé haraik mai ita. Wainhira ita seidauk iha kbiit iha tempo ne’e duni, Cristo mate ba ema aat. Ema ida la dun fó an ba mate tan ema santo; tan ema di’ak, kala iha ema ruma hakarak fó an ba mate. Maromak hatudu nia domin nune’e mai ita: Cristo mate ba ita, wainhira ita sei ema maksalak. Oras ne’e, ita nia salan kasu tiha ona tan Cristo nia ran; tan ne’e duni, Cristo sei soi ita housi maromak nia hirus. Tebes, wainhira sei moris aat, Maromak ba dame ho ita ema hodi Nia Oan nia mate; ne’e duni, ba dame tiha malu ho Maromak, ita sei hetan rahun di’ak ho Cristo nia moris. Maibé, sei iha tan!Ita sei hahí an iha Maromak, tan ita Na’in Jesus Cristo; Housi Cristo, ita hetan daudaun damen ho Maromak.

Maromak Futar Lia.

 

Aclamação                                                                                                                                                                                           Jo. 10, 14

Refrão : Aleluia, Aleluia!! Repete-se

 Ha’u mahein di’ak: hatene Ha’u nia bibi sira

Ha’u nia bibi sira mos hatene Ha’u. Refrão

 

Evangelho                                                                                                                                                                                          Lc. 15. 3-7

Nai Jesus Cristo Nia Evangelho  nu’udar São Lucas haktuir:

Iha tempo nebá, Jesus haktuir ba ema fariseu no escriba sira, aiknanoik ida ne’e: “Imi ida nebé mak iha bibi atus ida, maibé lakon tiha ida, la husik sira seluk iha rai fuik, atu ba buka ida nebé lakon, to’o hetan? Hetan tiha, haksolok tula iha kbaas, to’o iha uma, bolu nia belun sira, ho sira nebé tur besik, dehan: Imi mai haksolok ho ha’u, tan ha’u hetan ha’u nia bibi nebé lakon. Ha’u dehan ne’e ba imi: tan maksalak ida fila hias ba Maromak, ksolok boot teb-tebes iha lalehan; sei haksolok liu tan fali tama lalehan ema santo sianulu resin sia nebé la kuran dame malu ho Maromak.

Lia Maksoyn.

Leave a Reply

Your email address will not be published. Required fields are marked *