shadow
Diocese de Dili > NOTÍCIAS > Notícias > DOM. NORBERTO DO AMARAL ORDENA FRATER NAIN 2 BA GRAU DIACONADO NIAN

DOM. NORBERTO DO AMARAL ORDENA FRATER NAIN 2 BA GRAU DIACONADO NIAN

DCDD MALIANA – iha Sexta-feira, 28 de Junho de 2019, iha festa padroeiro diocese Maliana nian ba dala XI ne’e, iha mos ordenação diaconal ba frater nain rua hanesan: Fr. Filipe Moniz no Fr. Joanito Mendonça iha Paróquia Santa Cruz Pro-Catedral Maliana. Iha Dom. Norberto nia homilia iha Festa Padroeiro no Ordenação diaconal nian ne’e koalia liu pontos  importante 4 hanesan; 1. Hadomi, 2. Terus, Luta no 4. Manan.

Tan ne’e Dom. Norberto do Amaral dehan; São Paulo nia liafuan ba sarani sira iha Roma nune’e; Domin Na’i Maromak nian iha ita ida-idak nia laran tan Espírito Santo. Ita hotu hatene katak domin ida ne’e laos sai housi ita nia ulun fatuk, matan, tilun no ibun, maibe sai housi ita nia fuan. Domin ida ne’ebe la ho terus ne’e laos domin. Domin ida ne’ebe los nian mak ho terus tanba iha Jesus rasik hatudu ida ne’e. Jesus hadomi dalan ida ne’e tanba Nia hakarak foti ita sai nu’udar Maromak nian lolos. No domin ida ne’e mak São Paulo dehan; iha ita ida-idak nia laran.

Liu tan ne’e, Dom. Norberto do Amaral hateten; Oinsa mak domin ida ne’e bele lolos iha ema ida-idak nia laran! Ita hola exemplo Jesus nian; primeiro housi Nia fuan ne’ebe nakloke ohin ita celebra iha Solenidade ida ne’e. Nia hatudu Nia domin tomak, domin ida ne’ebe hamamuk (esvazia) nia An tan de’it ita nia hahalok sira hodi mai moris iha mundo raiklaran. Ida ne’e domin ida ne’ebe lolos hamamuk an hodi fo ba folin ida ne’e. Segundo, Nia mai laos de’it hamamuk de’it An, maibe hasae Nia-An liu housi mate iha cruz. Liu housi terus domin ida ne’ebe kona borus ba sorin. Laos de’it terus hotu ona, maibe Nia sei moris hias tiha fali, luta nafatin hamutuk ho ita iha mundo raiklaran ida ne’e atu acompanha ita iha Santíssimo Sacramento, ne’ebe hanesan horseik ita halo proceição housi Ritabou mai to’o iha ne’e ita sente ita nia an ne’e katak iha mundo ida ne’e ita laos lao mesak, maibe sempre acompanhado ho ita nia Maksoyin. Halo buat sira ne’e hotu atu halibur ita hotu sai ida de’it hanesan iha Credo ita reza ‘hau fiar Creda ida mesak Santa Católica Apostólica’. Atu ita sai ida deit laos deit iha mundo raiklaran, maibe liu-liu atu sai ida de’it ho Nia iha iha reino Lalehan. Atu halo buat 4 tuir Jesus nian ne’e, Nia husu ba ita ida-idak nia “Prontidão”. Ita pronto atu simu nia exemplo ida ne’e; hadomi ne’ebe hamamuk an, hasae Nia an hodi terus tomak to’o mate iha cruz, luta hasoru buat a’at iha mundo raiklaran ida ne’e ho ikus mai ita halibur hamutuk ho Nia ita brani kalae!

Dom. Norberto do Amaral haklean tan katak, “Ne’e duni hakarak tuir Jesus ita tem que halo tuir buat 4 ne’ebe iha prontidão nian ne’e; primeiro; “Obediência”. Obediência ida ne’e iha liafuan rua Ob katak obedece no Dire katak rona. Tan ne’e obediência ne’e katak hakruuk ba Maromak hodi rona saida mak Maromak dehan. Ne’e mak ibediênte ne’e. segundo ponto; “Vontade”. Ha’u mai atu halo tuir ha’u Aman iha Lalehan Nia hakarak laos Ha’u nia hakarak. Vontade ida ne’e traduz ba tetum karik ita nia Hakarak. Maibe iha ne’e ha’u gosta liu mak liafuan ida Ka’an sira. tanba hakarak ka lakohi ita nia hakarak “Vontade” ida ne’e dalabrak ita nian mak boot liu fali Maromak nian. Se ita halo ita nia Vontade ida ne’e boot liu Maromak nia então ita sabraut. Maibe ita nia hakarak ida ne’e tem que mout an iha Maromak nia hakarak hanesan Jesus nian Ha’u mai atu halo tuir ha’u Aman iha Lalehan Nia hakarak. Terceiro; “Fo an tomak”. Fo an tomak ba Maromak Futar Liman atu halo diak de’it ba ema. Hanesan Aristóteles dehan; wainhira ó halo diak ba ema ida, ha’u nia an ne’e tranparece iha ema sira seluk. Iha buat tolu ida ne’e mosu mai ne’e mak ita disponibiliza ita nia an tomak atu halo tuir buat ne’ebe Maromak hakarak. Liafuan prontidão ida ne’e laos hanesan militar sira nian, maibe Maromak nian diferente. ho português karik “todo conhecimento que Deus exige de mim no momento em que me acontece e não antes que me acontece”. Ne’e laos prontidão ida hanesan militar nian ne’e lae, maibe buat ne’e acontece mai iha neon laran Na’i ha’u mak ne’e. ba ida ne’e mak Santo Padre usa bebeik liafuan ida; O Nosso Deus é o nosso Deus de surpresa ita nia Maromak. ita nia Maromak ne’e teki-tekir mosu ita bele hasoru kalae”!

Atu taka Dom Norberto hateten, “Ba buat sira ne’e hotu, ha’u bolu ba ita nia conciência ida-idak oinsa ita halao didiak pontos  importante 4 ne’ebe hau dehan; 1. Hadomi, 2. Terus, Luta no 4. Manan. iha pergunta 3 ba ita atu hatan; 21. Oinsa atu completa ó nia moris iha mundo ida ne’e! 2. Oinsa ó haklean ó nia domin! no 3. Oinsa ó aprende kedas agora katak loron ida ó sei husik tiha sasan tomak ne’ebe ‘o halibur! Se ita hatan didiak tiha ona hau empresta fila fali Aristóteles nia liafuan nebe dehan wainhira ó halo diak ba ema ida, ha’u nia an ne’e transparece iha ema sira seluk”.(DCDD)

Leave a Reply

Your email address will not be published. Required fields are marked *