shadow
Diocese de Dili > NOTÍCIAS > LETURA DIÁRIA > Sexta – Feira, XIII Semana Tempo Comum (ANO C)

Sexta – Feira, XIII Semana Tempo Comum (ANO C)

Primeira Leitura        Gen. 23. 1-4, 19, 24, 1-8, 62-67

Lia housi livro Génesis:

Sara moris to’o tinan atus ida ruanulu resin hitu. Ne’e mak Sara nia tinan be moris iha rai ne’e. Nia mate iha Quiriat-Arbá, ohin ne’e hanaran Hebron, iha rai Canaã. Abraão ba to’o iha nebá atu hakoi hodi tanis ba nia féen Sara.

Tuir mai, nia hamriik, husik hela mate, ba ko’alia ho Het nia oan sira nune’e: “Ha’u ema mai housi rai seluk nebé hôrik iha imi leet. Fó rate ida mai ha’u iha imi nia rai ne’e atu hakoi ha’u nia féen nia isin mate.

Sira fó rate ida ba Abraão. Nune’e, Abraão hakoi Sara nia isin mate iha rai kuak iha Macpela, iha Mambré nia oin, ohin ne’e hanaran Hebron, iha rai Canaã.

Abraão katuas tiha ona, iha tinan barak liu ona, maibé, iha buat hotu Na’i haraik bensa wa’in ba nia. Abraão hateten ba nia atan ida be hela kleur liu ona ho nia: “Tau ó liman lós iha ha’u kelen nia okos no jura ho Na’i Maromak Lalehan no Rai nian, atu ó la bele hili féen ida housi cananeu sira nia oan feto, iha nebé ha’u hela ba, ba ha’u nia oan Isaac, housi ha’u nia rain no housi ha’u nia família”. Atan ne’e hatan ba Abraão, dehan: “Feto ne’e lakohi mai karik ho ha’u iha rai ne’e, bele ha’u sei lori ó nia oan mane ba rai nebé houri uluk housi nebé imi mai?” Abraão hatan hodi dehan ba nia: “Cuidado, keta lori ha’u nian oan ba nebá. Na’i, Maromak Lalehan nian. nebé hasai ha’u housi  ha’u aman nia uma, housi rai nebé ha’u moris, ko’alia mai ha’u moris, ko’alia mai ha’u ho halo juramento ne’e mai ha’u: ‘Ha’u sei fó nação ne’e ba ó nia oan no bei oan sira’. Na’i ne’e sei haruka Nia Anjo ba uluk ó oin, atu ó fihir féen ida ba ha’u nia oan mane housi família no housi ha’u nia rain. Feto ne’e lakohi mai karik ho ó, ó sei la hola parte tan iha juramento nebé ó halo ho ha’u. Maibé, iha buat ruma, ó sei la bele lori ha’u nia oan mane ba rai nebá”.

Isaac mai iha rai-fuik maran, iha wé matan Laai-Roí, basá nia hela iha rai Negueb. Iha lokraik ida, Isaac sai ba hodi la’o halimar, nia foti matan haré kuda camelo balun atu la’o daudaun mai. Nia prima Rebeca mós foti matan haré hetan ona Isaac. Nia tun tiha housi kuda camelo hodi husu ba atan nebé lori nia mai: “Sé mak mane nebá, nebé halai daudaun mai hasouru ita?” Atan ne’e hatan ba nia: “Nia mak ha’u nia na’i”. Rebeca káer tiha véu taka metin nia an. Atan haktuir ba Isaac buat hotu nebé nia halo kona ba Rebeca. Isaac lori Rebeca tama iha nia inan Sara nia tenda. Tuir mai, Isaac simu Rebeca nu’udar nia káben no nia hadomi nia. Nune’e, Isaac hetan neon ksolok tanba nia susar hela housi nia inan nia mate.

Maromak Futar Lia.

 

Salmo Responsorial                                                                                                                     Sal. 105(106). 1-2, 3-4ª, 4b-5 (R. 1ª)

Refrão : Fó graça ba Na’i, tan Nia di’ak!!! Repete-se

Ou           Aleluia!!

Agradece ba Na’i, basá Nia di’ak tebes,

Tanba Nia domin rohan laek.

Sé mak bele sura hahalok Nia kbiit nian,

No haklaken Nia kmanek hotu? Refrão

 

Ksolok ba sira be halo tuir Nia lei,

Hodi halo tuir hahalok be justo.

Hanoin hikás ami, Na’i,

Tan Ita domin ba Ita povo. Refrão

 

Mai haré ami ho Ita maksoyn,

Atu amo bele sasin ba ksolok sira nian be Ita hili,

Hodi haksolok ho Ita povo nia ksolok,

No haksolok ho Ita liman-rohan. Refrão

 

Aclamação                                                                                                                                                                                          Mt. 11. 28

Refrão : Aleluia, Aleluia!! Repete-se

Na’i lia tun dehan: mai hamutuk ho Ha’u imi sira nebé

kole no imi sira be ema hanehan; Ha’u sei hasai tiha imi nia naha”. Refrão

 

Evangelho                                                                                                                                                                                         Mt. 9. 9-13

Na’i Jesus Cristo nia Evangelho nu’udar São Mateus haktuir:

Iha tempo nebá, wainhira Jesus liu daudaun, Nia haré ema ida naran Mateus, tur hela iha fatin kobra osan nian hodi dehan ba nia: “Tuir Ha’u mai”. Nia hamriik hodi tuir kedas Jesus.

Loron ida nebé Jesus tur hela iha mesa iha Mateus nia uma. Ema publicano no ema maksalak sira barak mai tur iha mesa ho Jesus no nia escolante sira. Haré tiha ne’e, fariseu sira dehan ba escolante sira: “Tan sá imi nia mestre han ho ema publicano no ema maksalak sira?” Maibé, Jesus rona hela sira ko’alia, hodi hatan ba sira: “La’os sira nebé isin di’ak mak buka doutor, maibé, sira be moras. Imi ba buka hatene liafuan ne’e katak sá: “Ha’u hakarak laran-luak, la’os sacrifício. Ha’u la mai atu bolu ema nebé lós, maibé ema maksalak sira”.

Lia Maksoyn.

Leave a Reply

Your email address will not be published. Required fields are marked *