shadow
Diocese de Dili > NOTÍCIAS > LETURA DIÁRIA > XIV Domingo Tempo Comum (ANO C)

XIV Domingo Tempo Comum (ANO C)

Primeira Leitura                    Is 66, 10-14c

Lia husi Livro Profeta Isaías:

Hakslok ho Jeusalem imi sira hotu nebé hadomi nia. Nia mak imi nia maksolok. Haksook ho Jerusalem, imi sira hotu nebé hatais metan, ho nia Imi bele hemu to’o bosu nia susu-wen nebé fo kbiit. Imi bele koko kiit mai husi nia susu matan. Basá, Na’i lia tun dehan: “Ha’u sei halo damen suli maka’as ba Jerusalem, hanesan we inan ida; ha’u sei halo Naҫão sira nia riku-soin suli maka’as ba Jerusalem, hanesan mota boot ida. Jerusalem nia kosok oan sira ema iha atu ko’us, sei iha mos atu hameak iha sira nia hitin. Nu’udar inan ida fo ksolok ba nia oan, nune’e mos, ha’u sei fo ksolok ba imi. Ha’u sei haksolok imi iha Jerusalem. Hare tiha ida ne’e, imi nia laran haksolok tebes; hafoin imi nia ruin sei hetan kbiit foun, hanesan du,ut matak”. Na’i  nia kbiit sei mosu duni ba nia atan.

Maromak Futar Lia.

 

Salmo Responsorial                                                                                                                          Sal. 65(66), 1-3ª. 4-5. 6-7ª. 16-20

Refrão : Hahi hana’i Jesus ema tomak rai klaran!!! Repete-se

Maromak hanoin ita, tulun ita;

leno mai ita, nia futar oin maromak. Refrão

 

Iha rai, ema sei hatene Maromak dalan;

povo rai-klaran hetan maksoyn. Refrão

 

Rai hotu sei hetan ksolok;

tan Maromak tesi lia los. Refrão

 

Hanourin ema hadomi justiҫa;

hatudu dalan los ba povu rai klaran. Refrão

 

Segunda Leitura                                                                                                                                                                          Gal. 6, 14-18

Lia housi São Paulo nia surat ba sarani sira iha Galácia:

Maun-alin sira : ha’u la hanoin liu atu foti an, ha’u hakarak de’it  foti-an tuir jesus Cristu nia cruz. Tan cruz ne’e, mundo mate tiha ona mai ha’u, ha’u mos mate tiha ona a mundo. Basá, simu ka la simu sircunsissão, ne ‘e la iha folin; sai ema foun ida, ne’e mak iha folin. Dame no laran luak ba sira nebé tuir dalan ne’e; damen no laran luak ba Israel, Maromak nia povo. Hodi ohin ba oin, ema ida la bele koalia tan mai ha’u, basá, ha’u lori iha ha’u isin lolon Na’i Jesus Cristo nia marka sira. Maun alin sira: Na’i Jesus Cristo nia graҫa horik iha imi klamar. Amen! Maromak Futar Lia.

 

Aclamaҫão                                                                                                                                                                                             Lc. 10, 2

Refrão : Aleluia!! Repete-se

Toos buras teb-tebes, maibe, ema atu kaer, witoan de’it.

Ne’e duni, husu ba toos Na’in atu haruka ema mai. Refrão

 

Evangelho (Forma longa)                                                                                                                                             Lc. 10, 1-12. 17-20

Na’i Jesus Cristu nia Evangelho nu’udar São Lucas haktuir:

Iha tempu nebá, Jesus hili Escolante hitu nulu resin rua (72) hodi haruka rua-rua, atu ba uluk cidade no fatin nebé Jesus atu ba. Jesus lia tun ba sira: “toos boot, maibé ema oitoan de’it. Tan ne’e, imi harohan ba toos nain, atu haruka ema ba nia toos. Imi lao ba! Ha’u haruka imi ba, nu’udar bibi-oan ba asu fuik sira leet. Keta lori bukae, keta lori kohe, keta hatais sandalias. Keta cumprimenta ema iha dalan. Imi tama karik iha uma ida, uluk knana’in imi dehan: “Dame hela iha uma ne’e”. Ema dame Na’in ida iha karik nebá, imi nia dame sei horik ho nia; lae karik, dame ne’e sei fila hikas ba imi. Imi sei hela iha uma ne’e, han hemu nu’udar sira iha; basa, ema serviҫo na’in sei simu nia kolen. Keta la’o ba mai, tama uma, sai uma. Imi tama iha cidade ruma, ema sira simu imi karik, imi sei simu ai-han nebé sira fo ba imi. Imi sei fo isin diak ba ema moras sira iha nebá, wainhira imi tama iha cidade ruma iha nebá ema la simu imi, sai husi cidade laran, hodi dehan: ‘Rai-rahun imi nia cidade nian nebé kaer hela ami ain sira, ami liki hasoru imi. Maibe, hatene hela ba katak, Reino Maromak nian besik ona’. Ha’u dehan ba imi: “iha loron juizo nian, cidade nebá sei hetan todan liu fali Sodoma nian”. Sira nain hitu nulun resin rua fila fali ho ksolok boot tebes, hodi dehan: “Na’i, hodi ita nia naran, demonio sira mos halo tuir buat nebé ami dehan!”  Jesus hatan ba sira: “Ha’u hare satanas monu husi lalehan mai hanesan rai lakan ida”. Hare ba, Ha’u fo kbiit ba imi, laos atu lao iha samean no sakunar sira leten, maibe, atu hanehan mos kbiit hotu funu-baluk sira nian. Sira sei la halo buat aat ida ba imi. Maibé keta haksolok tamba espírito sira halo tuir imi nia hakarak; liu-liu imi haksolok tamba imi nia naran sira hakerek ona iha lalehan”.

Lia Maksoyn.

 

Evangelho (Forma breve)                                                                                                                                                            Lc. 10, 1-9

Na’i Jesus Cristu nia Evangelho nu’udar São Lucas haktuir:

Iha tempu nebá, Jesus hili Escolante hitu nulu resin rua (72) hodi haruka rua-rua, atu ba uluk cidade no fatin nebé Jesus atu ba. Jesus lia tun ba sira: “toos boot, maibé ema oitoan de’it. Tan ne’e, imi harohan ba toos nain, atu haruka ema ba nia toos. Imi lao ba! Ha’u haruka imi ba, nu’udar bibi-oan ba asu fuik sira leet. Keta lori bukae, keta lori kohe, keta hatais sandalias. Keta cumprimenta ema iha dalan. Imi tama karik iha uma ida, uluk knana’in imi dehan: “Dame hela iha uma ne’e”. Ema dame Na’in ida iha karik nebá, imi nia dame sei horik ho nia; lae karik, dame ne’e sei fila hikas ba imi. Imi sei hela iha uma ne’e, han hemu nu’udar sira iha; basa, ema serviҫo na’in sei simu nia kolen. Keta la’o ba mai, tama uma, sai uma. Imi tama iha cidade ruma, ema sira simu imi karik, imi sei simu ai-han nebé sira fo ba imi. Imi sei fo isin diak ba ema moras sira iha nebá, hodi hateten ba sira: “Maromak nia Reino besik ona imi”.

Lia Maksoyn.

Leave a Reply

Your email address will not be published. Required fields are marked *