shadow
Diocese de Dili > NOTÍCIAS > LETURA DIÁRIA > Quinta – Feira, XIV Semana Tempo Comum (ANO C)

Quinta – Feira, XIV Semana Tempo Comum (ANO C)

Primeira Leitura              Gen. 44. 18-21, 23b-29; 45. 1-5

Lia housi livro Génesis:

Iha loron hirak nebá, Judá hakbesik hodi dehan ba nia: “Ha’u na’i, ha’u husu ba ita atu rona ata-oan nia lia nebé hasa’e ba ita. Ita nia hirus keta mai hasouru ha’u, basá, itaboot hanesan faraó. Na’i, ita husu ona ba atan-oan sira nune’e: ‘Imi iha aman no iha tan alin ruma?’ Na’i, ami hatan ba ita nune’e: ‘Aman iha aman ida, katuas liu ona, no alin ida sei kiik nebé moris wainhira nia aman katuas ona. Ida kiik ne’e nia maun housi inan ida ne’e, mate tiha ona; sei hela nia mesak de’it. Tan ne’e, nia aman hadomi teb-tebes nia’. Maibé, ita hateten ba ita atan sira ne’e: ‘Imi lori nia mai iha ne’e atu ha’u haré ho ha’u nia matan rasik. Imi nia alin kiik la mai karik ho imi, imi sei la mosu hi’as fali iha ha’u nia oin’. Nune’e, wainhira ami fila hi’as ba ami aman, be ita atan, ami tiha ona ita nia liafuan ba nia. Wainhira ami aman dehan mai ami: ‘Imi fila ba atu sosa aihan ruma mai ita’, ami hatan ba nia: ‘Ami sei la bele ba iha nebá; ami sei bele ba, ami nia alin kiik ba karik hamutuk ho ami. Basá, ami la bele fila ba ema ne’e nia oin, wainhira ami seida’uk lori nia’. Ami nia aman, be ita atan, dehan mai ami nune’e: ‘Imi hatene katak ha’u nia káben kô’us oan rua mai ha’u; ida lakon tiha no ha’u dehan ba ha’u-an rasik: ‘Tebes duni, balada fuik sira les han tiha ona nia!’ To’o ohin loron ha’u la dauk haré tan ona nia. Imi hakarak lori tan ida ne’e ba dook housi ha’u no nia hetan susar ruma karik, imi sei halo ha’u tun ba matebian sira nia hôrik fatin hodi ha’u ulun ho fúuk mutin hakruuk ho neon sala’”.

José la tahan tan nia mata wén iha ema barak nia oin, tan ne’e nia hakilar hodi dehan: “Haruka ema barak ne’e hotu sai housi ha’u nia oin”. Nune’e, José hela mesak. Wainhira nia fó hatene sai nia-an ba nia maun-alin sira, nia hahu tanis maka’as, nebé halo ema Egipto sira hotu rona, no uma laran faraó nian mós rona.

Hafoin, nia hateten ba nia maun sira: “Ha’u mak José! Ha’u nia aman sei moris hela ka?” Nia maun sira la bele hatan buat ida ba nia, tan sira ta’uk hela iha nia oin. José dehan tan ba nia maun sira: “Imi hakbesik mai ha’u”. Sira hakbesik ba nia. Jose dehan teni: “Ha’u mak José, imi nia alin, nebé imi faan ba ema Egipto. Maibé, oras ne’e, imi keta ta’uk no keta laran susar. Tan imi faan ha’u mak ha’u bele mai iha ne’e, basá, atu soi imi nia moris mak Maromak haruka ha’u mai uluk liu imi”.

Maromak Futar Lia.

 

Salmo Responsorial                                                                                                                                     Sal. 104(105). 16-21 (R. 5ª)

Refrão : Hanoin hikas fali ba, kmanek be Na’i halo!!! Repete-se

Ou           Aleluia!

Maromak bolu hamlaha mai rai,

Hasai tiha housi sira, aihan be sira han.

Haruka ema ida ba uluk iha sira oin;

José, ema faan nu’udar atan. Refrão

 

Sira futu nia ain ho henu,

Kesi nia kakorok ho kerenti besi nian,

To’o halo tuir profeta nia lia,

No Na’i nia liafuan hatudu nia sala laek Refrão

 

Liurai haruka atu ho’ir tiha nia,

Povo nia liurai haraik liberdade ba nia,

No foti nia atu ukun nia uma,

Sai embo’ot ba nia sasan tomak. Refrão

 

Aclamação                                                                                                                                                                                            Mc. 1. 15

Refrão : Aleluia, Aleluia!! Repete-se

Maromak nia reino besik ona;

Imi hakribi salan no fiar iha Evangelho. Refrão

 

Evangelho                                                                                                                                                                                       Mt. 10. 7-15

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus haruka nia Apóstolo sira dehan: “Tuir dalan, haklaken ba katak reino lalehan besik ona. Halo moras sira hetan isin di’ak ba, halo mate sira moris hi’as fali ba, halo moras lepra sira mós, duni sai diabo sira. Imi simu hodi la selu, fó mós hodi la hein ema selu imi. Keta lori osan mean, osan mutin eh osan riti iha imi nia futukabun. La bele lori kohe tuir dalan, hatais tahan rua, sandalias, eh aitonka; basá serbisu na’in soi atu simu nia kolen.

Wainhira imi tama iha cidade ka knua ruma, husu lai ema sé mak di’ak, hodi hela iha nebá to’o imi sai. Wainhira imi tama iha uma ida, cumprimenta nia ba. Uma ne’e soi karik, imi nia dame sei tun ba siral nia la soi karik, imi nia dame sei fila ba imi. Ema la simu imi karik eh rona imi nia liafuan, liki rai rahun housi imi nia ain wainhira imi sai housi uma ka cidade ne’e. Tebes, Ha’u dehan ba imi katak iha loron justiça nian, rai Sodoma no Gomorra sira nia castigo sei la dun todan hanesan cidade ne’e nian”.

Lia Maksoyn.

Leave a Reply

Your email address will not be published. Required fields are marked *