shadow
Diocese de Dili > NOTÍCIAS > LETURA DIÁRIA > Quinta – Feira, XV Semana Tempo Comum (ANO C)

Quinta – Feira, XV Semana Tempo Comum (ANO C)

Primeira Leitura                         Ex. 3. 13-20

Lia housi Livro Êxodo:

Iha loron hirak nebá, wainhira Moisés rona Na’i Nia lia housi ai klobor, nia hasa’e lia ba Na’i hodi dehan: “Ne’e sá, ha’u ba buka Israel oan sira, hodi dehan ba sira: ‘Imi nia am’tuak sira nia Maromak haruka ha’u mai imi’. Maibé, sira husu karik Ita naran mai ha’u, ha’u sei dehan lós sáida?” Maromak dehan tan : “Ó sei dehan ba Israel oan sira nune’e: “Ida be iha naran Ha’u mak Ha’u”, Nia mak haruka ha’u mai imi”. Hafoin, Maromak lia tun ba Moisés: “Ó sei ko’alia nune’e ba Israel oan sira: ‘Na’i, imi nia am’tuak sira nia Maromak, Abraão nia Maromak, Isaac nia Maromak, haruka ha’u mai imi”. Ne’e mak Ha’u naran ba nafatin housi otas ba otas.

’Ó ba halibur katuas sira Israel nia hodi dehan ba sira: “Na’i, imi nia am’tuak sira nia Maromak, Abraão, Isaac, Jacob nia Maromak mosu mai ha’u hodi dehan: ‘Ha’u hare no hatene ona sá mak sira halo ba imi iha rai Egipto. Tan ne’e, Ha’u hakotu lia atu lori sai imi housi Egipto iha nebé ema haterus imi, ba rai cananeu sira nian, hitita sira nian, amorreu sira nian; sira nebé susu wen no wani wen suli. Israel nia katuas sira sei rona hodi halo tuir ó nia liafuan sira; ó sei ba ho sira hasouru liurai Egipto nian. Imi sei hateten nune’e ba nia: ‘Na’i, hebreu sira nia Maromak, mosu mai ami. Tan ne’e, husik ami ba iha rai fuik maran atu hasa’e sarifício ba Na’i, ami nia Maromak, iha loron tolu nia laran’. Ha’u hatene katak liurai Egipto nian sei la husik imi sai, selae ho liman kbiit na’in nian. Maibé, Ha’u sei halolo Ha’u liman hodi fó castigo ba Egipto ho kmaenk foun oi-oin nebé ha’u sei halo iha sira leet. Nune’e, mak liurai sei husik imi sai housi Egipto.

Maromak Futar Lia.

 

Salmo Responsorial                                                                                                                  Sal. 104(105). 1, 5, 8-9, 24-27 (R. 8ª)

Refrão : Na’i la haluha Nia moruk !!! Repete-se

Agradece ba Na’i, haklaken Nia naran,

Halekar Nia hahalok ba povo tomak;

Hanoin hetan ba Ninia hahalok kmanek sira,

No buat foun be Nia halo

No liafuan sira housi Nia ibun. Refrão

 

Nia la haluha ba nafatin Nia moruk,

Nia liafuan hela metin ba otas rihun ida,

Moruk nebé hakotu ona ho Abraão,

No juramento nebé halo ba Isaac. Refrão

 

Maromak ha’u wa’in Nia povo,

Nia halo sira kbiit na’in liu fali nia funu baluk sira;

Nakfila sira nia fuan be odi Nia povo,

Be rai kuna hasouru Nia atan sira. Refrão

 

Nia haruka Nia atan Moisés,

No Aarão, ida be Nia hili nanis;

Sira halo kmaenk wa’in iha sira leet,

Halo kmanek wa’in iha rai Cam. Refrão

 

Aclamação                                                                                           

Refrão : Aleluia, Aleluia!! Repete-se

Na’i dehan: mai hamutuk ho Ha’u imi hotu nebé kole no moris susar,

Tan Ha’u sei halo kmaan imi nia kole. Refrão

 

Evangelho                                                                                                                                                                                    Mt. 11. 28-30

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus lia tun nune’e: “Ma’i hamutuk ho Ha’u imi hotu nebé kole no moris susar, tan Ha’u sei halo kmaan imi nia kole. Imi tau Ha’u nia todan iha imi nia kbás hodi halo tuir Ha’u, tan Ha’u laran maus, Ha’u haraik an. Imi sei hetan ksolok ba imi nia klamar, tan Ha’u nia todan mamar, Ha’u nia naha kmaan”.

Lia Maksoyn.

Leave a Reply

Your email address will not be published. Required fields are marked *