shadow
Diocese de Dili > NOTÍCIAS > LETURA DIÁRIA > Sexta –Feira, XVIII Semana Tempo Comum (Ano C)

Sexta –Feira, XVIII Semana Tempo Comum (Ano C)

Primeria Leitura                   Deut. 4. 32-40

Lia housi livro Deuteronómio:

Moisés hateten nune’e ba Israel oan sira: “Imi husu to’ok kona ba  tempo houri uluk nian, tempo nebé uluk liu ba ó, housi loron nebé Maromak halo ema iha rai. Mosu ona ka lae housi rai ulun to’o rai ikun lalehan okos, buat ruma di’ak lui? Imi rona karik liafuan ruma hanesan ne’e? Povo ida nebé hanesan  ó rona Na’i Nia liafuan ko’alia housi ahi nia klaran, liafuan be moris hela nafatin?  Maromak ida nebé mak mai hola povo ida ba Nia housi povo seluk nia leet, housi terus no sinal oi-oin,  milagre oi-oin no funu, ho liman nia kbiit hatama laran ta’uk? La’os hanesan ne’e mak Na’i, ó nia Maromak, halo ba ó iha ó  nia oin rasik, iha rai Egipto?”

“Nia hatudu ba ó atu hare buat sira ne’e hotu, atu ó hatene katak Na’i de’it mak Maromak; la iha tan maromak seluk ida. Housi lalehan halo ó rona Nia lian atu hanourin ó; iha rai, Nia hatudu ba ó Ninia ahi boot no housi áhi ne’e nia klaran ó rona Nia liafuan. Tan Nia hadomi ó nia bei-ala sira; ikus mai, Nia hili ba Nia, sira nia bei-oan sira. Halo ó sai housi Egipto hodi la’o iha Nia oin; ho Nia kbiit ua’in,  hatun iha ó oin, nação sira boot no kbiit liu fali ó atu lori ó tama iha sira rain hodi haraik ba ó nu’udar lima roha hanesan ohin loron ita hare.”

“Oras ne’e ó hatene hodi tau metin iha ó fuan: Na’i mesak de’it mak Maromak iha áas lalehan no iha rai ne’e, la iha tan maroka seluk ida. Ó sei halo tuir  lolós Nia lei no Nia ukunfuan sira nebé ohin ha’u fó hatene ba ó. Nune’e, ó sei hetan rahu di’ak; ó nia oan sira nebé sei mai tuir sei hetan mós rahun di’ak. Ó sei hetan moris naruk iha rai nebé Na’i, ó nia Maromak, sei haraik ba ó nafatin ba nafatin.”

Maromak Futar Lia.

 

Salmo Responsorial                                                                                                                                  Sal. 76(77). 12-16, 21 (R. 12ª)

Refrão : Na’i, ha’u hanoin nafatin Ita kmanek!!! Repete-se

Ha’u hanoin Na’i nia kmanek,

Ha’u la haluha Nia hahalok hotu uluk nian;

Ninia kmanek hotu ha’u lori nafatin iha ha’u neon,

Ha’u hahi nafatin Nia kmanek sira. Refrão

 

Ha’u nia Maromak, Ita Nia dalan, dalan santo;

La iha Maromak boot hanesan Na’i!

Itaboot mak Maromak di’ak liu,

Ita hatudu Ita kbiit iha nação sira leet. Refrão

 

Ho Ita liman nia kbiit Ita soi Ita povo,

Oan sira Jacob no José nian;

Ita hamatan ba sira hanesan bibi atan di’ak,

Housi Aarão no Moisés sira liman. Refrão

 

Aclamação                                                                                                                                                                                            Mt. 5. 10

Refrão : Aleluia, Aleluia!! Repete-se

Rahun di’ak ba sira nebé ema duni tan hadomi justiça,

basá reino Lalehan sira nian. Refrão

 

Evangelho                                                                                                                                                                                    Mt. 16. 24-28

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus dehan ba escolante sira: Ema ruma hakarak tuir Ha’u karik, nia sei heuuai nia an rasik, sei lori nia cruz hodi tuir Ha’u. Tan ema nebé hakarak soi nia moris sei lakon moris ne’e; maibe ema nebé lakon noa moris tanba Ha’u sei hetan fali nia. ema ida manan lós sá uainhira nia manan mundo  tomak, maibe  lakon nia moris? Ka, ema bele fó lós sáida atu troca ho nia moris?  Basá Oan Mane sei mai iha nia Aman nia glória, ho Nia anjo sira hodi fó ema hotu nia kolen tuir ida-idak nia hahalok. Tebes, Ha’u dehan ba imi katak ema balun iha ne’e sei la mate molok sira hare Oan Mane to’o mai iha nia reino”.

Lia Maksoyn.

Leave a Reply

Your email address will not be published. Required fields are marked *