shadow
Diocese de Dili > NOTÍCIAS > LETURA DIÁRIA > Sábado, XVIII Semana Tempo Comum (Ano C)

Sábado, XVIII Semana Tempo Comum (Ano C)

Primeria Leitura                     Deut. 6. 4-13

Lia housi livro Deuteronómio:

Moisés dehan ba povo nune’e: “Israel, rona mai! Na’i, ita nia Maromak, Nia de’it mak Na’i; ó sei hadomi Na’i, ó nia Maromak, ho neon ho laran tomak, ho ó nia kbiit hotu. Ó sei rai metin didi’ak iha ó nia fuan lia nebé ohin ha’u fó hatene sai ba ó. Ó sei hanourin ba ó nia oan sira, no ko’alia kona ba lia hirak ne’e, wainhira tur iha uma, eh la’o tuir luron, wainhira toba eh wainhira hader. Ó sei kesi metin ó liman nu’udar sinal ida, ó sei hakerek hodi halo metin iha ó nia uma tatiis no iha ó nia odamatan sira.

Na’i, ó nia bei-ala sira, Abraão, Isaac no Jacob, jura atu fó ba ó; ó sei hetan cidade sira mesak boot no furak nebé ó la kole halo; uma sira ho sira nia riku-soi oi-oin nebé ó la gasta buat ida hodi sosa; ó sei hetan wé matan nebé ó la ke’e, ó sei hetan to’os uvas no oliveira nian nebé ó la kuda; ó sei han bosu to’o sai baruk! Iha oras ne’e, ó sei neon moris no matan moris; keta haluha Na’i; Nia mak hasai ó housi rai Egipto, housi uma atan nian. Ba Na’i, ó nia Maromak, mak ó sei hamta’uk, ba Nia de’it ó serbi, hodi Nia naran mak ó sei jura”.

Maromak Futar Lia.

 

Salmo Responsorial                                                                                                                           Sal. 17(18). 2-3, 7, 47, 51ab (R. 2)

Refrão : Na’i, ha’u hadomi Itaboot, Itaboot mak kbiit!!! Repete-se

Na’i, ha’u hadomi Itaboot!

Itaboot mak ha’u kbiit,

Ha’u tulun nebé tahan ha’u,

Itaboot ha’u mhaein nebé soi ha’u. Refrão

 

Ha’u nia Maromak, ha’u hôrik fatin,

Ha’u subar fatin no ha’i kbiit salvação nian!

Ha’u harohan ba Na’i, ha’u nia Maromak,

Ha’u sei la hetan buat áat

Housi ha’u funu baluk sira. Refrão

 

Viva ha’u Na’i! Rahun di’ak ba nafatin!

Maromak ha’u Maksoyn manan.

Nia haraik ba liurai vitória boot tebes,

Nia laran metin ba Nia atan santo. Refrão

 

Aclamação                                                                                                                                                                                         2Tm. 1. 10

Refrão : Aleluia, Aleluia!! Repete-se

Jesus Cristo, ita nia Maksoyn, halakon mate;

Nia halo moris nabilan housi Evangelho. Refrão

 

Evangelho                                                                                                                                                                                     Mt. 17. 14-20

Na’i Jesus Cristo nia Evangelho nu’udar São Mateus haktuir:

Iha tempo nebá, wainhira Jesus mai hasouru ema lubun boot, mane ida hakbesik ba Nia, hakneak iha Nia oin hodi dehan: “Na’i, sadia netik ha’u oan mane, basá nia moras bibimate hodi terus teb-tebes. Nia monu fila-fila ba ahi no mós ba be. Ha’u lori ona nia ba ita nia escolante sira no sira la bele halo nia sai di’ak”. Jesu hatan dehan: “Imi ema fiar laek, ema laran áat! Ha’u sei hamutuk ho imi to’o wainhira lós? To’o wainhira lós Ha’u sei tahan imi? Lori nia mai!” Jesus ko’alia ba nia hodi si’ak, no diabo sai tiha housi nia. Houri oras ne’e labarik sai di’ak kedas.

Tuir mai escolante sira hakbesik ba Jesus mesa-mesak hodi husu ba Nia: “Tansá mak ami la bele duni sai nia?” Nia hatan: “Tanba imi nia fiak kiik. Tebes, Ha’u dehan ba imi: imi nia fiar hanesan mustarda musan ida karik, imi sei dehan ba foho ne’e, ‘Book ó an housi ne’e ba nebá’, no nia sei book an duni; buat ida sei la subar ba imi”.

Lia Maksoyn.

Leave a Reply

Your email address will not be published. Required fields are marked *