shadow
Diocese de Dili > NOTÍCIAS > LETURA DIÁRIA > Segunda Feira, XIX Semana Tempo Comum (Ano C)

Segunda Feira, XIX Semana Tempo Comum (Ano C)

Primeira Leitura                       Dt. 10, 12-22

Lia housi Livro Deuteronómio:

Iha loron hirak nebá, Moisés hateten nune’e ba povo: “Oras ne’e, Israel, sá mak Na’i, ó nia Maromak husu ba ó? Atu ó hamta’uk Na’i, ó nia Maromak, la’o tuir Nia iha Nia dalan sira, hadomi Nia, serbi Nia ho ó nia fuan no klamar tomak. Ó sei moris tuir lolos Na’i Nia Ukun fuan no Nia Lei sira, nebe ohin ha’u fo sai ba ó, atu ó bele hetan rahun diak. Buat hotu iha aas Lalehan, Rai, no buat hotu nebe iha Rai, Na’i, ó Maromak Ninian. Maibé, ba ó nia bei-ala sira de’it mak Na’i hatudu Nia domin; tuir sira, Na’i hili imi be nia oan sira, housi povo hotu-hotu nia leet nu’udar ohin loron ita hare. Nune’e, imi halakon buat nebe aat housi imi fuan, husik imi nia ulun tos, basá, Na’i, imi nia Maromak, mak Maromak hotu-hotu nia Na’i, Maromak Liurai no kbiit na’in, nebe la fihir ema, Nia la monu ba riku soin.  Nia tahan oan kiak no feto faluk sira nia direito, hadomi ema la’o rai sira nebe Nia fo pão no hatais. Imi sei hadomi ema la’o rai sira, basá, uluk imi mos hanesan iha rai Egipto nian. Maibé, ó sei hamta’uk no serbi de’it ba Na’i, ó nia Maromak; ó sei hakarak de’it mak Nia, hodi Nia naran mak ó sei jura. Ba Nia mak ó sei hahi: Nia mak ó nia Maromak!  Nia mak halo kmanek oi-oin nebe ó hare. Wainhira tama iha rai Egipto,  ó nia bei-ala sira hitunulu mak tama; maibé, Na’i, ó nia Maromak, halo imi sai wa’in tebes, hanesan fitun sira iha lalehan”.

Maromak Futar Lia.

                                                                                                                            

Salmo Responsorial                                                                                                                     Sal. 147, 12-13. 14-15. 19-20 (R. 12ª)

Refrão : Jerusalém, hahi ó nia Na’i!!! Repete-se

Fó glória ba Na’i Jerusalém;

Sião, hahi ó nia Maroamak!

Nia fó kbiit ba ó nia odamatan,

Haraik bensa ba ó nia oan sira. Refrão

 

Nia harii damen iha ó nia rai-ketan sira,

Nia fó han ó ho trigo di’ak,

Haruka mai rai, Nia liafuan,

Hala’o maka’as, Na’i liafuan tatoli. Refrão

 

Hatudu Nia liafuan ba Jacob,

Nia lei no hanourin ba Israel;

La halo di’ak ba povo seluk ida hanesan ne’e,

Nia la hatudu Nia tesi lia ba seluk. Refrão

 

Aclamação                                                                                                                                                                                        2Tes. 2. 14

Refrão : Aleluia, Aleluia. Repete-se

Hodi Evangelho Na’i Maromak bolu ita atu hola parte iha

Ita Na’i Jesus Cristo Nia Glória. Refrão

 

Evangelho                                                                                                                                                                                     Mt. 17, 22-27

  Na’i Jesus Cristo Nia Evangelho nu’udar São Mateus haktuir:

Iha tempo nebá, wainhira Jesus ho Nia escolante sira halibur hamutuk iha Galileia, Jesus dehan ba sira: “Sira sei saran Oan Mane ba ema sira nia liman. Sira sei oho Nia; maibé, liu tiha loron tolu, Nia sei moris hi’as”. No sira laran susar teb-tebes.

To’o tiha Cafarnaum, cobrador imposto dracma rua nian hakbesik ba Pedro hodi dehan ba nia” “Imi nia mestre selu imposto ka lae?” Nia hatan: “Selu”. To’o tiha uma, Jesus ko’alia kedas dehan: “Simão, ó hanoin oin sá? Liurai sira simu imposto rai ninian housi sé: housi sira nia oan rasik, la housi ema seluk?” Nia hatan: “Housi ema seluk”. Jesus dehan ba nia: “Ne’e duni, oan sira la selu. Maibé, atu ema keta hanoin sala, ba tasi ba, soe kail, káer ikan nebé sai uluk; loke tiha nia ibun, ó sei hetan osan dracma háat nian. lori osa ne’e no selu imposto ba sira ba Ha’u no ba ó”.

Lia Maksoyn. 

Leave a Reply

Your email address will not be published. Required fields are marked *