shadow
Diocese de Dili > NOTÍCIAS > Notícias > Madre Maria Ermelinda Laka,SSPS Celebra Tinan 50 Moris Religiosa Nian

Madre Maria Ermelinda Laka,SSPS Celebra Tinan 50 Moris Religiosa Nian

DCDD Iha Quinta-feira, loron 22 fulan Agosto 2019, iha Festa Santa Maria Rainha da Paz nian, Família boot SSPS Região Timor-Leste hamutuk ho família no sarani sira haksolok iha Nai Maromak tamba graça ba vida consagrada Madre Maria Ermelinda Laka SSPS nebé celebra tinan 50 moris Consagrada, Madre Rafaelis Tapoona SSPS comemora tinan 25 moris nu’udar Religiosa no mos Irmã Laura Amaral SSPS ne’ebe simu Votos Perpétua. Cerimónia Bodas de Ouro e Prata no mos Votos Perpétua ne’e halo iha Igreja Paróquia Hera ho missa ne’ebe preside housi Pe. John Suban, SVD

Iha pontos abertura reflexão Pe. John Suban SVD nian hateten, “Ohin ita celebra festa Virgem Santa Maria Rainha da Paz mahein região SSPS Timor-Leste , ita mos celebra Madre SSPS na’in 3  (Irmã Laura Amaral SSPS, ne’ebe halo votos Perpétua, Madre Rafaelis Tapoona SSPS, ne’ebe celebra 25 anos vida Religiosa no Madre Maria Ermelinda Laka SSPS, ne’ebe celebra 50 anos vida religiosa. Katak oferece an totalmente ba Maromak, atu moris de.it ba Maromak to’o mate. No sira na’in 2 seluk ne’e koko ona Na’i Maromak nia domin iha vida religiosa durante tinan 25 no tinan 50 liu housi votos Conselho Evangelho nu’udar carisma no vocação fundamental ho sarani sira hakarak moris hanesan Maria.

Nia afrima tan dehan; Experiência vida religiosa liu housi voto Evangelico tolu (3) hanesan; Voto de Castidade, Voto de Pobreza no Voto de Obidiência. Voto Obidiência convida religioso- religiosa ida atu halo tuir Jesus ne’ebe obidece total iha Cruz tutun ba Maromak. Jesus obedece total ba Maromak ne’ebe la hasai Ninia cruz todan housi Nia moris ida ne’e. Ohin loron pratica obidiência religiosa iha crise daudaun tanba relaciona ho progresso mundo ohin loron nian ne’ebe moderno. Desafio ida nee book ita husi tempo ba tempo tamba, ita moris ohin loron iha mundo ida dom cadavez mais Autónomo e mais independente. Vida consagrada ne’e laos cria vida ida paralelo ho Igreja maibe vida ida iha Uma Creda.

Voto Pobreza religioso-religiosa ida ita hatudu no fo sasin ba mundo katak liberdade Maromak boot liu no urgente liu ne’ebe  ho ita nia an labele mete no labele sai deve, labele kesi metin ho rikusoin mundo nian. Riku nee precisa maibe labele kesi metin iha ita nia an. Voto de Pobreza mak cria prosperiedade atu hamoris domin ba Maromak no domin ba maluk sira ho livre ho flexibel katak hadomi Maromak liu sasan hot-hotu no hadomi maluk sira hanesan an rasik ida nee importante liu doque sasan mundo nian.

Votos Castidade: moris saran an tomak ba Maromak, sai moris mos ida ba Maromak no ba maun alin sira. Voto Castidade nu’udar carisma convida religioso-religiosa ida atu hakbesik an no solidariza ho comunidade sira nebe moris mes-mesak ka ema hewai no mos sira ne’ebe sai vítima tanba caso sexual. (Alin Soares)

Leave a Reply

Your email address will not be published. Required fields are marked *