shadow
Diocese de Dili > NOTÍCIAS > LETURA DIÁRIA > Sábado, XXII Semana do Tempo Comum (Ano C)

Sábado, XXII Semana do Tempo Comum (Ano C)

Primeira Leitura                     Col. 1. 21-23

Lia housi São Paulo nia Surat ba sarani sira iha Colossos:

Maun alin sira: Uluk imi rasik dook housi Maromak no moris hasouru Nia tanba imi nia hahalok áat sira, maibé ohin imi hadame malu ona ho Nia. Maromak hadame imi ho ho Nia An hodi saran Cristo nia isin lolon ba mate, atu imi bele sai ema sala laek, santo, no mos iha Nia futar oin, naran imi laran metin iha imi nia fiar, laran metin mos iha esperança iha Evangelho nebé imi rona ona, nebé haklaken ona ba sasan hotu iha Lalehan okos, nebé ha’u, Paulo, sai tiha Nia emar.

Maromak Futar Lia.

 

Salmo Responsorial                                                                                                                                   Sal. 53(54). 3-4, 6-8, (R. 6ª)

Refrão : Na’i mak ha’u nia tulun!!! Repete-se

Na’i, hodi Ita naran, soi ha’u,

Mai tulun ha’u ho Ita kbiit.

Maromak, rona ha’u nia harohan,

Simu lian ha’u harohan nian. Refrão

 

Na’i mak ha’u nia tulun,

Nia tahan ha’u moris.

Ha’u sei hasa’e sacrifício ho laran tomak,

Sei hananu Ita naran nia gloria. Refrão

 

Aclamação                                                                                                                                                                                             Jo. 14. 6

Refrão : Aleluia, Aleluia!! Repete-se

Ha’u ne’e dalan, lialos no moris hun, Na’i lia tun dehan;

ema ida la liu karik housi Ha’u, nia la bele ba Aman Maromak. Refrão

 

Evangelho                                                                                                                                                                                             Lc. 6. 1-5

Na’i Jesus Cristo nia Evangelho nu’udar São Lucas haktuir:

Iha tempo nebá, iha Sábado ida, wanhira Jesus la’o housi to’os batar nian, nia escolante sira hahu silu no dulas batar iha sira nia liman hodi han. Fariseu sira dehan: “Tansa imi halo buat nebé bandu iha loron sábado?” Jesus hatan ba sira: “Imi la lê buat nebé David halo uanhira nia ho nia maluk sira hamlaha, katak nia tama iha Maromak nia Uma, hola pão sacrifício nian hodi han no fahe ba sira, pão nebé na’ilulik sira de’it mak bele han?” Nia dehan tan ba sira: “Oan Mane mak sábado nia Na’i.”

Lia Maksoyn.

Leave a Reply

Your email address will not be published. Required fields are marked *