shadow
Diocese de Dili > NOTÍCIAS > LETURA DIÁRIA > Quarta – Feira, XXVII Semana do Tempo Comum (Ano C)

Quarta – Feira, XXVII Semana do Tempo Comum (Ano C)

Primeira Leitura                        Jon. 4. 1-11

Lia housi Profecia Jonas nian:

Jonas laran moras tebes hodi hirus, tan Na’i perdua ema sira Nínive nian. Ho laran nakali nia harohan ba Na’i nune’e: “Na’i! La’os ida ne’e mak ha’u hateten wainhira ha’u sei hôrik iha ha’u rain? Ha’u hatene nanis ona katak Ita mak Maromak laran-luak tebes, pronto atu perdua, la hirus lalais, laran di’ak teb-tebes, la hanoin atu fó castigo; tan ne’e mak ha’u halai tiha ba Társis. Maibé, oras ne’e, Na’i bele hasai ona ha’u nia moris; ba ha’u mate di’ak liu fali moris”. Maibé, Na’i hatan ba nia: “Ó nia hanoin lós tebes hodi halo ó hirus nune’e?” Jonas sai tiha housi Nínive hodi ba tur iha cidade ne’e nia sorin housi Loro-sa’e. Iha nebá, nia halo taka baluk ida hodi tur iha nia mahan atu haré sá lós mak sei mosu ba cidade ne’e. Nune’e, Na’i Maromak halo ai-hahoris ida, aas liu Jonas, atu hamahan netik nia ulun, hodi haksolok netik nia laran susar. Jonas haksolok tebes ho ai-hahoris  ne’e. Maibé, iha loron tuir mai, wainhira loro-matan mosu, Maromak haruka ular kiik oan ida tata kotu hotu ai-hahoris ne’e nia abut, ai-hahoris ne’e maran tiha. Iha dader saan, loro-matan mosu, Maromak halo anin manas huu housi loro-sae mai, loro baku lós mai iha Jonas nia ulun leten. Jonas sai oin nakukun tiha, hakarak atu mate, dehan: “Ba ha’u, mate, di’ak liu fali moris”. Nune’e, Maromak lia tun ba Jonas, dehan: “Ó hanoin katak ó nia hanoin lós tebes atu hirus tan ai-hahoris ne’e?” Jonas hatan: “Lós duni, ha’u nia hanoin lós tebes atu hirus to’o mate”. Na’i lia tun teni ba nia: “Ó hanoin netik lós ai-hahoris ne’e, nebé ó la kole kuda nia, hodi halo nia sai boot, nebé moris iha kalan ida nia laran, iha fali kalan seluk nia mate! Oinsá, Ha’u la bele hanoin netik cidade boot Nínive, nebé iha ema liu rihun atus ida rua nulu, nebé la hatene lós sira nia liman lós housi liman karuk. Nune’e mós ho balada wa’in tebes?”

Maromak Futar Lia.

 

Salmo Responsorial                                                                                               Sal. 85(86). 3-4, 5-6, 9-10 (R. 15b)

Refrão : Na’i, Ita mak Maromak be laran maus no laran luak tebes!!! Repete-se

Na’i, sadi’a ha’u, Ita ha’u Maromak,

Loron tomak ha’u harohan ba Ita.

Haksolok Ita atan nia fuan ba,

Wainhira nia hasa’e nia neon ba Ita. Refrão

 

Na’i, Ita mak Maromak be di’ak no laran-luak,

Laran-di’ak tebes ba sira nebé harohan ba Ita.

Na’i, rona ha’u harohan ba,

Simu ha’u hamulak ba. Refrão

 

Povo tomak be Ita hakiak sei mai hana’i Ita,

Na’i, no sei hahí Ita naran;

Basá, Ita mak boot no halo kmanek wa’in tebes,

Ita mesak de’it mak Maromak! Refrão

 

Aclamação                                                                                                                                                           Rom. 8. 15bc

Refrão : Aleluia, Aleluia!! Repete-se

Imi simu Espírito ida nebé halo imi sai oan fudin,

nebé lori ita bolu: “Abba! Aman”. Refrão

 

Evangelho                                                                                                                                                                  Lc. 11. 1-4

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus harohan iha fatin ida. Hotu tiha, nia escolante ida hateten ba Nia: “Na’i, hanourin ami atu harohan hanesan João Babtista  hanourin nia escolante sira.” Nia dehan ba sira: “Wainhira imi harohan, hateten nune’e: ‘Aman, tulun ema atu hahí Ita naran. Halo Ita nia reino to’o mai ami. Haraik aihan lorloron nian mai ami. Haraik perdua mai ami sala, nu’udar ami perdua ema nebé halo áat ami. Labele husik ami monu ba babeur’’’.

Lia Maksoyn.

Leave a Reply

Your email address will not be published. Required fields are marked *