shadow
Diocese de Dili > NOTÍCIAS > LETURA DIÁRIA > Quarta – Feira, XXX Semana do Tempo Comum (Ano C)

Quarta – Feira, XXX Semana do Tempo Comum (Ano C)

Primeira Leitura                    Rom. 8. 26-30

Lia housi São Paulo nia Surat ba sarani sira iha Roma:

Maun alin sira: Nune’e mós, Espírito tulun ita nebékbiit laek, basá ita la hatene harohan lolós, mbaié Espírito rasik harohan hodi tanis hakilar maka’as hanesan liafuan la bele hato’o. No Ida nebé hatene momós ema nia fuan, hatene buat nebé Espírito hakarak, basá Espírito harohan ba santo sira tuir Maromak nia hakarak.

Ita hatene katak buat hotu-hotu lori di’ak ba sira nebé hadomi Maromak; sira nebé Maromak bolu tuir Nia hakarak. Basá sira nebé Nia hatene nanis ona, nia fó ona destino atu sai nia Oan Mane nia ilas, atu Nia bele sai oan boot liu iha maun alin barak sira leet. No sira nebé Nia fó destino nanis ona, Nia bolu mós; no sira nebé Nia bolu, Nia mós halo ema lós; no sira nebé Nia halo ema lós, Nia mós fó naran boot.

Maromak Futar Lia.

 

Salmo Responsorial                                                                                                                                          Sal. 12(13). 4-5, 6 (R. 6ª)

Refrão : Na’i, ha’u laran metin iha Ita laran-luak!!! Repete-se

Haré no hatan mai ha’u, Na’i, ha’u Maromak,

Haroman ha’u matan, atu ha’u la dukur iha mate.

Atu ha’u funu baluk sira la dehan” “Ita manan nia”,

Atu sira keta haksolok ho ha’u kbiit laek. Refrão

 

Ha’u laran metin iha Ita laran luak,

Ha’u fuan haksolok ho Ita Nia maksoyn,

Ha’u sei hananu ba Na’i,

Tan di’ak nebé halo mai ha’u. Refrão

 

Aclamação                                                                                                                                                                                   cf. 2Tes. 2. 14

Refrão : Aleluia, Aleluia!! Repete-se

Hodi Evangelho Na’i Maromak bolu ita atu hola parte iha

Ita Na’i Jesus Cristo Nia Glória. Refrão

 

Evangelho                                                                                                                                                                                     Lc. 13. 22-30

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus liu housi cidade no knua sira atu ba Jerusalém hodi hanourin. Ema ida husu ba Nia: “Na’i, ema uituan de’it mak sei hetan maksoyn?” Nia hatan ba sira: “Haka’as an atu tama liu housi odamatan kloot, basá Ha’u dehan ba imi katak ema barak sei koko atu tama, maibé sei la iha kbiit.

Wainhira uma na’in hader hodi taka tiha ona odamatan, imi sei hamriik iha liur hodi tuku odamatan dehan: “Na’i, loke mai ami!’ Nia sei hatan: ‘Uluk ami han hemu hamutuk ho Itaboot, no Itaboot hanourin iha ami nia praça sira.’ Maibé Nia sei dehan ba imi: ‘Ha’u la hatene imi mai housi nebé. Dook tiha housi Ha’u nia oin, imi hotu nebé halo áat!’

Iha nebá, ema sei tu’un nehan hodi tanis; wainhira imi sei haré Abraão, Issac, Jacob no profeta sira hotu iha Maromak Nia reino, maibé ema sei duni sai imi ba liur.

Ema sei mai housi loromonu no lorosa’e, housi tasimane no tasifeto, no sira sei tur han iha Maromak Nia reino. Sira nebé ohin ikus, sei sai uluk; no sira nebé ohin uluk, sei sai ikus fali.”

Lia Maksoyn.

Leave a Reply

Your email address will not be published. Required fields are marked *