shadow
Diocese de Dili > NOTÍCIAS > REFLEXÃO > Cuidado….!! SEKTE Balu hatauk sarani ho Fim do Mundo

Cuidado….!! SEKTE Balu hatauk sarani ho Fim do Mundo

Reflexão ba Domingo Comum XXXIII, Ano C 2019

 

“Jesus Lia tun dehan: “Imi haré didi’ak ba! Keta husik ema lohi imi, basá, ema barak sei mosu mai hodi ha’u nia naran, … imi keta tuir sira. “Loron sei to’o. Iha Loron ne’e, sasán tomak ne’ebé imi haré daudaun sei lakon mohu, fatuk ida sei la hela iha fatuk ida nia fohon”. “Ha’u sei fo moris rohan laek.

Oras nee, iha comunidade Cristão Católica nia le’et, mosu seita/sekte balu nebe tama sai sarani Católico sira nia uma hodi haklaken Maromak ida naran jeova, hanorin mos katak Jesus Cristo laos Maromak, hafoin troka Jesus ho Maromak ida naran jeova, nebé nia hun no rohan ita la hatene tuir, sira troca conteudo Bíblia Católica hodi troca lia fuan Deus ho termo jeova, sira fahe livro Menara Pengawal/torre de vigília gratis ba sarani sira iha fat-fatin, li-liu iha terminal, bazar no husi uma ba uma, sira mos bandu ema la bele halo doação ran (donor darah), sira mos bandu estudante sira la bele halo continência ba bandeira nacional se lae maromak jeova hirus no pior liu mak sira hahtauk ema ho fim do mundo maske sira desde hahu kedas sempre halo ramalan (previsão) nebe nunca sai realidade.

Ba grupo hirak hanesan nee, Jesus bolu atenção ba ita nobun katak; matan moris neon nain no keta fiar sira. Sarani Católico precisa mantem fiar hodi la bele simu sira nia doutrina bosok ten nee. Na’i lia tun dehan: Ó sai di’ak nafatin to’o mate, Ha’u sei fo moris rohan laek… Imi haré didi’ak ba! Keta husik ema lohi imi, basá, ema barak sei mosu mai hodi ha’u nia naran….imi keta tuir sira…Tan imi barani nafatin, mak imi sei soy imi nia klamar.” São Paulo fo aten brani ita hodi dehan:”Andai sempre alegres, rezai sem cessar. Dai graças por tudo, pois esta é a vontade de Deus a vosso respeito, em Jesus Cristo (S. Paulo, 1Tes 5,16)”.

Iha primeira leitura, profeta Malaquias hatete:”Na’i nia loron sei to’o mai. Loron ne’e sei manas maka’as hanesan forno//Sungguh, hari Tuhan akan datang, menyala seperti perapian!”. São Paulo iha segunda leitura fo hanoin ba sarani sira atu esforço-an no halo sacrifício no la bele sai naha ba ema seluk. Maibé, nudar sarani, ita precisa hatene oinsa distingue (membedakan), saida mak necessário duni no saida mak la necessário iha moris nee. Ikus liu, Evanegelista São Lucas tatoli mensagem Jesus nian nebe dehan katak: ita ema moris nia duração iha rai nee badak demais no la iha ema ida mak bele descobre ninia rohan. Jesus fo lia menon hodi dehan: “Se o resiste (bertahan) mak o sei hetan o nia moris//“Kalau kamu tetap bertahan, kamu akan memperoleh hidupmu”. Ita nia lider carismático Xanana Gusmão mos pernah hatete lema ida dehan: Resistir é Vencer.

Iha Jerusalém, templo sai fatin nebe fo honra no orgulho boot ba ema Israel sira hotu. Nudar geração Israel, Jesus mos sente orgulho ho Jerusalém nia murak maibé, Jesus haré Jerusalém ho visão nebe dook liu ba oin hodi dehan: “Loron sei to’o. Iha Loron ne’e, sasán tomak ne’ebé imi haré daudaun sei lakon mohu, fatuk ida sei la hela iha fatuk ida nia fohon”//Akan datang harinya segala yang kamu lihat di situ diruntuhkan, dan tidak akan ada satu batu pun dibiar-kan terletak di atas batu yang lain”. Buat nebe Jesus apresenta iha Ninia lia fuan nee nudar mensagem eh lia menon ida kona ba saida mak sei acontece iha loron ikus (Fim do mundo).

Horas nee, ita nia experiência moris, hatudu acontecimento oioin hanesan; rai monu, kareta-motor hetan acidente, ema oho malu tanba hadau malu rai, grupo arte marcial baku malu iha kintu kantu,…no seluk tan. Acontecimento hirak nee hotu dala barak hamosu vítimas; mate ou tama hospital. Acontecimento hirak nee sai hanesan experiência negra ida nebe halo ema lakon esperança ba futuro, até ema balu questiona tansa mosu terus iha mundo nee? Maromak iha ka lae? Seluk tan husu bainhira mak fim do mundo mosu mai?

Ba característica humana hirak nee hotu, Jesus rasik hatete iha Ninia Evangelho katak; buat hirak nee sei acontece duni maibé, laos ida nee mak ikus husi buat hotu. Sei mosu tan ida nee boot liu ida nee. Kona ba fim do mundo, Jesus rasik ho aspecto humano hatete; só Aman Maromak deit mak hatene bainhira mak fim do mundo (cf Mt 24,36). Nee significa katak kona ba wainhira mak mundo nee too nia rohan, nee segredo divino nebé pertence ba Maromak nia providência divina. Ita nudar fiar nain, hatene adora no agradece ba Maromak nebe ita fiar. Laos ba fiar fali jeova nebe tama sai ema nia uma até que ema duni sira mos sira moe la iha hodi mai fila fali.

Hanesan ema sira nebe moris iha Jesus nia tempo, nunee mos ita nobun ohin loron be hanaran-an Cristão Católico, ita bele questiona eh lamenta katak; tansa mak Jesus expressa sai lia fuan hirak nebe dehan: Ó sai di’ak nafatin to’o mate, Ha’u sei fo moris rohan laek.

Hori uluk kedas too horas nee, ema sei questiona hodi husu nafatin bainhira los mak mundo nee too iha nia rohan? Sinal saida mak sei hatudu katak fim do mundo too mai ona? Ema sira otas nee, iha curiosidade boot tebtebes hodi sukat no tetu sira nia futuro. Iha sociedade Timorense nia leet, mosu ema oioin nebe sai matan dook hodi siik tun sae, iha mos acontecimento lobuk ida nebe halo ema hakneak tuku tur iha Maromak nia oin hodi husu tulun husi Maromak. Nunee mos ho imagem destruição Jerusalém nebe Jesus koalia sai, halo ema lobuk desesperado, confusão no tauk. Nunee mosu pergunta: Jesus nia intenção los mak saida? Wainhira koalia kona ba destruição Jerusalém?

Jesus rasik la fo indicação kona ba oinsa no bainhira los mak fim do mundo acontece. Ho maneira nee, Jesus hakarak ita nobun matan moris neon nain nafatin iha preseverança (ketekunan) hodi hein fim do mundo nee iha tempo nebe ita la espera. Desastre boot nudar Jesus prevé ona nee, bele mos acontece duni iha qualquer momento. Ba ida nee, Jesus rasik fo justificação fixo ida katak; kona ba fim do mundo, la iha ema ida mak hatene, no la iha mos ema ida mak hatene bainhira mak Maromak bolu nia (Mt 24,36).

Los duni katak Maromak haraik kakutak ho neon ba ema hodi sukat no tetu possibilidade hotu nebe bele acontece iha ema nia moris. Ita bele esforço-an hodi hanoin no antecipa buat barak ho ita nia capacidade human maibé, sei hasoru nafatin limitação sira. Limitação ema nian nee, halo ema hatene-an hodi depende nafatin ba Maromak no matan moris neon nain nafatin, atu wainihra Maromak bolu ita karik, ita pronto ona.

Expressão indonésia nian ida dehan:” Kita tidak akan selamat, hanya karena kita tahu tanggal berapa kita akan meninggal, melainkan kita hanya akan selamat apabila tahu bertobat, berbuat baik dan berdoa! Kita hanya akan selamat bila kita mau mendengarkan firman Allah dan percaya akan belaskasihan-Nya dengan pertobatan. Hanya bila kita mau menolong sesama”.

Jesus mos fo hanoin ema barak, liliu hirak nebe sente eh experiência ona susar eh dificuldade oioin iha moris, ema captura hodi fo terus, hatama iha komarka até hetan oho. Iha história uma kreda nian, fo provas ona katak; Cristão barbarak desde kedas Igreja hahu, enfrenta susar no terus oioin até ohin loron mos sarani barak hasoru problema barbarak tanba deit fidelidade ba Maromak iha Jesus Cristo nia naran. Iha fatin barik iha mundo nia sikun sira, ema persegue eh buka tuir sarani sira hodi oho mate hotu. Iha fali fatin seluk, ema sunu igreja no harahun estátua sira tan deit Jesus nia naran.

Maske história Igreja Católica em particular no religião Cristianismo em geral comprova ona factos barbarak kona ba sarani sira nia terus, maibé, perante susar hirak nee hotu, Jesus dehan ona claramente katak:”Tan Hau nia naran, ema sei ódio imi, imi sei hetan torturação”. Será que ita sei fiel nafatin ba Jesus maske ita enfrenta dificuldade barbarak? Ita mos laran metin nafatin ho afirmação São Tertulianonian nebe dehan:“O sangue dos mártires é a semente dos cristãos”. Nee significa katak, iha nebé deit mak ema halo no persegue Cristão sira, iha neba Igreja sei buras liu tan. Basá, ran mártir sira nian nee nudar fini ida nebé haburas liu tan uma kreda.

Susar no terus nebe ita nudar sarani enfrenta iha Jesus nia naran, halo ita laran metin nafatin hodi la bele confia ita-an deit ba ita nia maninga sira, ita nia biru sira, ita nia ai-kulit sira maibé, ita precisa tau confiança tomak ba Maromak. Dificuldade hirak be sarani sira hasoru, fo biban atu ita mos bele fo testemunha kona ba ita nia fiar ba Jesus Cristo. Jesus dehan: Hau rasik mak sei fo ba o, lia fuan sabedoria nian atu inimigo sira la iha kbiit hasoru o. Keta fiar sekte jeova sira nebe haklaken dehan Jesus laos Maromak……Jesus dehan nanais ona katak; keta fiar ema sira hanesan nee.

Salmo 23 convida ita hodi reflecte ho oração:”O Senhor é meu pastor: nada me falta… Ainda que atravesse vales tenebrosos, de nenhum mal terei medo porque Tu estás comigo”//“Tuhan adalah gembalaku, takkan kekurangan aku. Sekalipun aku berjalan dalam lembah kekelaman, aku tidak takut bahaya, sebab Engkau bersertaku”.

Ho lia menon Jesus nian hirak nee, ita hetan roman moris nian hodi aten brani nafatin wainhira enfrenta dificuldade sira no matan moris neon nain ba fim do mundo nebe ita la hatene bainhira los atu mosu mai. Maske nunee, Jesus molok sae ba lalehan, promete hodi fo laran metin katak:”Hau sei horik ho imi too mundo nia rohan”. Evangelho Domingo semana nee, hametin ita nia fiar ba Maromak liu husi Maromak nia futar lia fuan sira. Jesus fo hanoin bebeik ona katak; é preciso rezar sempre, sem nunca esmorecer//harus selalu berdoa dengan tidak jemu-jemu(Lc 18,1). Andai sempre alegres, rezai sem cessar. Dai graças por tudo, pois esta é a vontade de Deus a vosso respeito, em Jesus Cristo (S. Paulo, 1Tes 5,16). Assim seja e Bem Haja….(ignaslopes)

Leave a Reply

Your email address will not be published. Required fields are marked *