Primeira Leitura Sab. 18. 14-16, 19. 6-9
Lia housi livro Sabedoria:
Ha’u nia doben Gaio, o hatudu o nia laran metin ho buat nebé o halo bá maun alin sira no liu-liu bá sira nebé la’o rai; sira fó sasin mai ha’u kona bá o nia domin iha kreda nia oin. Haré didiak bá kona bá buat nebé sira kuran iha dalan, iha Maromak futar oin; basá iha Nia naran duni mak sira la’o, la hodi simu buat ida housi gentio sira. Tan ne’e, ita sei fó tulun bá sira atu it abele hola parte iha sira nia serbisu atu haklaken lialós.
Maromak Futar Lia
Salmo Responsorial Sal. 104(105). 1-2, 36-37, 42-43 (R. 5ª)
Refrão : Hanoin bá kmanek sira bé Na’i halo ou Aleluia!!! Repete-se
Hananu salmo no hino ba Na’i,
Haklaken Nia hahalok kmanek;
Haliban Nia naran Santo,
Haksolok bá, fuan bé buka Na’i. Refrão
Nia hamate Egipto nia oan kaua’ik sira hotu,
Bé di’ak liu iha Nia raça;
Halo Nia povo sai, lori osa mutin no osan mean,
Ema ida de’it mós la mate housi sira leet. Refrão
Nia la haluha Nia futar liafuan,
Nebé fó hela ba Abrão, Nia atan;
Halo Nia povo sai ho ksolo,
Sira be Nia hili ho haklaken manan nian. Refrão
Aclamação 2 Tes. 2. 14
Refrão : Aleluia, Aleluia!! Repete-se
Hodi Evangelho Na’i Maromak bolu ita,
Atu hola parte iha ita Na’i Jesus Cristo Nia Glória!!! Refrão
Evangelho Lc. 18. 1-8
† Na’i Jesus Cristo nia Evangelho nu’udar São Lucas haktuir:
Iha tempo nebá, Jesus haktuir aiknanoik ida ba Nia escolante sira atu sira sei harohan nafatin hodi la bele kole. Nia dehan: “Iha cidade ida iha juiz ida nebé la ta’uk Maromak, la respeita ema. Iha cidade ne’e mós iha feto faluk ida nebé ba hasouru nia dehan. ‘Halo lai justiça bá hasouru ha’u nia funu baluk.’ Dala barak ona mak juiz ne’e lakohi rona. Maibé loron ida nia dehan ba nia an: ‘Mas que ha’u la tauk Maromak, no mós la respeita ema, atu feto faluk ne’e la bele fo bei-beik ulun moras mai ha’u, ha’u sei halo duni justiça bá nia atu nia la bele mai halo kole tan ha’u.’”
Nune’e Na’i dehan: “Rona didi’ak buat nebé juiz áat ne’e dehan. Ne’e duni, Maromak sei la halo justiça ba sira nebé Nia fihir, nebé kalan loron hasa’e lia makaas ba Nia, hodi halo sira hein kleur tan? Tebes, Ha’u dehan ba imi katak Nia sei halo kedas justiça ba sira. Maibé wainhira Oan Mane sei fila hikas mai, Nia sei hetan fiar iha raiklanran k ale?”
Lia Maksoyn.
