shadow
Diocese de Dili > NOTÍCIAS > LETURA DIÁRIA > Segunda-Feira, XXXIII Tempo Comum (Ano C)

Segunda-Feira, XXXIII Tempo Comum (Ano C)

Dedicação das Basílicas de São Pedro e São Paulo

Apostólos

Memória facultativa

 

Primeira Leitura          Act. 28. 11-16, 3-31

Lia housi livro Apóstolo sira nia hahalok:

Ami hela tiha fulan tolu iha Malta. Hafoin ami sa’e ró nebé hela mós iha nebá iha tempo rai malirin tomak nia laran, ró Alexandria nian nebé iha nia oin Dióscuros nia ilas. Ami to’o Siracusa no hela iha nebá loron tolu. Housi nebá, ami ba tuir tasi ibun to’o Régio. Liu tiha loron ida, anin housi tasi mane huu mai no iha loron rua nia laran ami to’o Pozzuoli. Iha nebá ami hetan maun alin balun no sira husu ami atu hela ho sira ba loron hitu. Nune’e ami to’o Roma.

Maun alin sira housi Roma rona kona ba ami no sira mai haouru ami to’o Foro Ápio no Tres Tabernas. Wainhira haré sira, Paulo fó agradece ba Maromak no hetan fali barani. Wainhira nia tama iha Roma, soldado husik Paulo moris mesak, ho soldado ida de’it atu tau matan ba nia.

Paulo hela iha nia uma ba tinan rua. Iha uma ne’e, nia simu sira hotu nebé hakbesik ba nia, ho laran metin no la hetan susar ruma, nia haklaken Maromak nia reino no hanourin kona ba Na’i Jesus Cristo.

Maromak Futar Lia.

 

Salmo Responsorial                                                                                                          Sal. 97(98). 1, 2-3ab, 3cd-4, 5-6 (R. cf. 2b)

Refrão : Na’i hatudu maksoyn ba povu hotu!!! Repete-se

Hananu ba Na’i knananuk foun ida,

Basá Nia halo buat mesak kmanek.

Na’i futar liman lós manan funu;

Manan ho Nia futar liman santo. Refrão

 

Na’i fó hatene Nia maksoyn;

Nia hatudu justice ba nação sira hotu.

Nia hanoin Nia domin no laran lós,

Ba Israel uman. Refrão

 

Rai-ikun rai-ulun sasin

Maksoyn Ita Maromak Nian.

Rai tomak haklaken Na’i,

Haklalak ho ksolok no hananu. Refrão

 

Hananu ba Na’i hino hodi harpa lian,

Ho harpa no lira nia lian;

Ho corneta no trombeta nia lian,

Hahí hawélok Na’i, ita Liurai. Refrão

 

Aclamação

Refrão : Aleluia, Aleluia!!! Repete-se

Ami hahí Itaboot, Maromak; ami haklaken Ita nu’udar Na’i.

Santo Apóstolo sira lubun boot hahí Ita. Refrão

 

Evangelho                                                                                                                                                                                    Mt. 14. 22-33

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus haruka escolante sira sa’e ró hodi ba uluk tasi sorin ba; Nia fali haruka ema lubun fila ba uma. Haruka tiha sira ba uma, Nia sa’e ba foho hodi harohan mesa-mesak. To’o kalan, Nia mesak de’it iha nebá. Ró fali kilómetro ruma ona iha tasi klaran, laloran baku maka’as, basá anin huu hasouru. To’o kalan fahe ba háat, Nia hakbesik ba sira hodi la’o iha tasi leten. Haré tiha Nia la’o iha tasi leten, escolante sira ta’uk hodi dehan: “Rai na’in ida!” Sira hakilar ho tauk. Jesus ko’alia kedas ba sira dehan: “Hakmatek ba! Ha’u mak ne’e: keta ta’uk!” Ne’e duni Pedro hatan dehan: “Na’i, Itaboot mak ne’e karik, haruka ha’u ba to’o Itaboot housi laloran leten”. Ne’e duni, Jesus simu: “Mai!” Pedro tun housi ró hodi la’o iha laloran leten atu ba to’o Jesus. Maibé, haré anin huu maka’as, nia ta’uk hodi hahi mout. Nia hakilar: “Na’i, soi ha’u!” Jesus lolo liman kedas ba nia hodi káer nia dehan: “Ema fiar ki’ik, tansá ó laran taridu?” Sira tama tiha ba ró laran, anin maus tiha. Sira nebé iha ró laran monu iha Jesus nia oin hodi dehan: “Tebes duni, Itaboot Maromak Nia Oan Mane”.

Lia Maksoyn.

Leave a Reply

Your email address will not be published. Required fields are marked *