shadow
Diocese de Dili > NOTÍCIAS > LETURA DIÁRIA > Sábado, XXXIII Tempo Comum (Ano C)

Sábado, XXXIII Tempo Comum (Ano C)

Primeira Leitura                 1 Mac. 6. 1-13

Lia housi primeiro livro Macabeus nian:

Iha loron hirak nebá, wainhira liurai Antíoco liu ba nia provincia sira be iha leten liu, nia rona kona ba Elimaida, cidade Persia nian, riku liu iha osan mutin no osan mean.

Templo iha cidade ne’e riku liu; iha nebá iha armadura halo ho osa mean, couraças ho kilat sira nebé Alexandre, Filipe nia oan, liurai Macedonia nian, be dala uluk ukun ema grego sira, rai hela iha nebá. Antíoco ba duni iha nebá, koko atu hola cidade ne’e ho kroat hodi hadau riku soi cidade nian, maibe la manan tanba hatene uluk tiha oan nia hanoin, ema sira be hôrik iha cidade futu hasouru nia noa Antíocono nia emar sira la tahan. Nia halai hodi fila ba Babilónia ho neon susar tebes. Uainhira nia sei iha pérsia, Hafoin manu ain ida to’o iha persia, fó hatene ba nia katak soldado sira be nia haruka funu hasouru rai Judá nian, rai na’in sira manan hodi halo soldado sira halai namkari tiha ona; Lísias nebé ba ho soldao barak liu, judeu sira halo halai namkari hotu. Judeu isra hetok sai maka’as liu tan hodi kilat, kilat musan no sasan funu nian, nebé sira foti no hadau housi soldado sira nebé lakon iha funu. Sira harahun altar’abominação de desolação’ nebé nia, Antíoco, haruka hari iha leten, altar Jerusalém nian. hari foun fali baki áas, hanesan nebé hale’u fatin santo no cidade Betsur.

Uainhira rona tiha liafuan hirak ne’e, liurai Antíoco hakfodak teb-tebes hodi halokn nia hanoin hotu. Nia toba iha kama, moras tan laran susar, uainhira nia haré buat nebé mosu la sai tuir nia hakaran. Nune’e nia moras iha loron barak nia laran, nia laran susar hetok sai maka’as liu tan, nia hatene tuir-an katak besik atu mate. Tan ne’e nia haruka bolu nia belun sira hotu, hodi dehan ba sira: “Ha’u nia matan la dukur, ha’u nia fuan la hakmatek. Ha’u dehan ba ha’u-an rasik: susar boot tebes ida oras ne’e hanehan ha’u, ha’u be uluk ema di’ak no ema haré di’ak ha’u, uainhira ha’u iha biit. Maibe, oras ne’e, ha’u hahu hanoin hetan fali buat áat hotu nebé ha’u halo iha Jerusalém; ha’u hadu sasan tomak osa mutin no osa mean nebé ha’u hetan iha nebá, hodi haruka oho tiha Judá nia emar sira nebé la iha sala. Ha’u hatene duni katak tan ha’u nia hahalok áat hirak ne’e, mak oras ne’e ha’u hetan terus áat ne’e no mate ho neon sla tebes iha ema nia rain”.    

Maromak Futar Lia.

 

Salmo Responsorial                                                                                                                 Sal. 9A . 2-3, 4 e 6, 16 e 19. (R. cf. 15b)

Refrão : Na’i, ha’u sei haksolok iha ita nia salvação!!! Repete-se

Na’i, ho fuan tomak ha’u hahi ita.

Haktuir ita kmanek tomak;

Ha’u hakarak haksolok iha ita,

Hakarak hahi ita naran leten aas liu. Refrão

 

Tan lakon, ha’u funu baluk sira halai fila.

Sira monu hodi mate mohu iha ita futar oin;

Ita hatatan gentio sira, haderak ema áat sira,

Ita halakon nia naran ba nafatin. Refrão

 

Ema gentio sira monu iha ku’ak be sira rasik ne’e,

Sira ain kesi metin iha hani be sira tau;

Maibe, na’i la haluha ema kiak,

Ema haraik-an sira nia esperança la lakon. Refrão

 

Aclamação                                                                                                                                                                                  cf. 2Tim. 1. 10

Refrão : Aleluia, Aleluia!!! Repete-se

Jesus Cristo, ita maksoi halakon mate;

Nia halo moris nabilan housi Evangelho. Refrão

 

Evangelho                                                                                                                                                                                    Lc. 20. 27-40

Na’i Jesus Cristo nia Evangelho nu’udar São Lucas haktuir:

Iha tempo nebá, ema saduceu balun, nebé la fiar moris hi’as, hakbesi ba Jesus hodi husu ba nia: “Mestre, Moisés hakerek mai ami: uainhira mane ida nia maun mate karik hodi hosik nia féen maibe oan la iha, nia sei hola nia maun nia feton faluk ne’e atu fó oan ba sira ba nia maun. Iha kedas maun alin na’in hitu. Ida uluk hola feto ida, hodi mate, oan la iha. Alin nebé tuir nia hola fali feto faluk ne’e; tuir mai ida seluk, nune’e mós sira na’in hitu hola nia no mate hotu la husik oan ida. Ikus liu, feto faluk mós mate. Ne’e duni, iha loron moris hi’as nian, feto ne’e se nia féen lós? Basá sira na’in hitu hola tiha nia”

Jesus hatan ba sira: “Mundo ne’e nia oan sira hola malu nu’udar la’en féen, maibe sira nebé soi ba mundo seluk no ba moris hi’as housi mate sira leet, sira ne’e la kaben, tan sira la bele mate tan, basá sira hanesan anjo sira. Sira maromak nia oan, basá sira moris hi’as nia oan sira. Kona ba moris hi’as matebian sira nian, Moisés rasik hatudu hodi hakerek kona ba aitarak hun nebé lakan maibe ahi la han, uainhira nia bolu na’i ‘Abrão nia maromak, Isaac nia maromak, no Jacob nia maromak.’ Nia la’os matebian sira nia maromak, maibe ema moris sira nian; basá ba na’i, ema hotu moris hela.” Tuir mai, escriba balun simu hodi dehan: “Mestre, ita ko’alia lós.” No sira la barani ona atu husu tan buat ida.  

Lia Maksoyn.

Leave a Reply

Your email address will not be published. Required fields are marked *