shadow
Diocese de Dili > NOTÍCIAS > REFLEXÃO > HAKSOLOK IHA MAROMAK VS HAKSOLOK IHA FESTA

HAKSOLOK IHA MAROMAK VS HAKSOLOK IHA FESTA

Antifona abertura ba missa Domingo 3 tempo Advento nee, loke ho aclamação ida dehan:”Haksolok ba iha Maromak”. Tuir kedas ho citação badak ida husi Primeira Leitura dehan;” Ema sira be Na’i soy,  sei fila. Sira sei ba to’o sião hodi hananu no haksolok, ksolok  rohan laek sei haroman sira oin; iha sira leet sei hetan de’it ksolok no neon di’ak, sei la hetan tan terus no halerik”.

João Baptista  haruka  escolante  sira  ba  husu  Jesus  nune’e: “Ita mak ida nebé mai, ka ami sei hein fali ida seluk?” Jesus simu ba sira: “imi ba haktuir ba João buat sira nebé imi rona  no haré: matan-delek sira haré, ain-kudeik sira la’o, ema moras lepra sira hetan isin di’ak,  tilun-diuk sira rona, mate sira moris hi’as, ema  ki’ak sira  rona lia-foun di’ak.

Iha contexto Timor Leste, maluk sarani barak hahu festeza ona Natal maske oras nee, ita sei iha época Advento. Festa Natal Bersama iha instituição hotu inclui mos companhia empreendorismo sira celebra Natal antecipada ida nee, hodi ba dansa han hemu hamutuk iha tasi ibun, iha fatin tourismo, iha fatin festa nian ho seluk tan. Tuir regra uma kreda nian, Natal so bele celebra apartir de dia 24 de Dezembro ba leten. Maibé fenómeno iha Timor no iha fatin seluk, ema celebra Natal maske tempo Natal seidauk too. Ho expressão seluk dehan: celebra Natal Prematura. Relfelxão nee la significa atu ofende maluk sira nebé festeza Natal antecipada ida nee maibé nudar Cat’olico, precisa coloca evento sira tuir nia dalan. Keta halo ba be, tan deit ema comercializa ona sentido Natal ba business então ita Católico mos rame-rame imita tuir.

Uma Kreda Católica iha mundo tomak considera terceiro Domingo nudar Domingo ksolok (Latim: GAUDETE). Tanba nee mak Profeta Isaías iha Primeira Leitura convida povo Israel sira hodi haksolok no São Tiago iha Segunda Leitura justifica liu tan Primeira Leitura hodi dehan:”hametin o nia fiar basá, Maksoyn besik ona”. Maibé, iha Evangelho São Mateus nian, relata kona ba incertesa/dúvida João Baptista nian relaciona ho Jesus nudar Maksoyn nebe atu mai. Domingo haksolok la significa ita bele halo festa Natal ona maibé, em sentido espiritual, ita precisa haksolok tanba maksoin besik ona.

João Baptista delega nia escolante sira ba too Jesus hodi husu Jesus mak Messias nebe atu mai ka laos? Nee expressão duvidosa ida. Domingo semana nee, mai ita rona eh lé lai Maromak nia futar Lia Fuan sira, hodi bele compreende ao mesmo tempo responde João Baptista nia nia dúvida sai hanesan referência ba ita nobun Católico nebe dalabarak sei dúvida ho ita nia fiar. Barak sei fiar matan dook, seluk sei fiar mehi, barak tan mak fiar halis arbiru deit, seluk adora los SDSB, barak kahur fiar ho lulik sira,…..no seluk seluk tan.

Mateus hakerek ninia Evangelho iha Capítulo 1-10 tutuir malu kona ba siada mak Jesus hanorin ona no saida mak Jesus halo ona. Foin iha capítulo 11 mak ita foin bele acompanha oinsa João Baptista dúvida kona ba missão salvadora nebe Jesus lori no halao dadaun. Tanba nee mak nia haruka nia escolante sira hodi ba husu Jesus nee Messias ka sira sei hein tan Messias seluk. Afinal João Baptista mak matadalan nebe Maromak delega mai uluk hodi bolu ema hotu nia atenção hodi prepara-an simu Messias nebe atu mai. João Baptista mos nudar ema nebe fo informação kona ba Messias maibé, nia mos prática hahalok diak barak hodi hatudu saida mak verdade, tanba nee mak ema kaer nia hodi hatama ba komarka. Wainhira enfrenta desesperado iha komarka laran mak nia foin haruka nia escolante sira ba hasoru Jesus hodi husu Jesus nia identidade Messias lolos. Hodi hatan ba dúvida nee, Jesus haruka escolante hirak nee ba husu ba ema barak, saida mak Jesus halo ona iha sira nia futar oin. Matan delek haré, tilun diuk rona, ai-kudeik lao hikas no mate sira moris hias. Pelo menos, Jesus nia resposta nee, halo João Baptista laran hakmatek oitoan maske nia vida ameaçado iha komarka laran.

          Ita bele husu ba ita-an rasik katak; basea ba conteudo Evangelho Domingo semana nee, se los mak sei dúvida no la iha certesa kona ba Jesus Messias? João Baptista nia escolante deit ka ita nobun mos dúvida ho Jesus? João Baptista  desespero maibé, nia prepara ona dalan ba Jesus. Jesus fali cumpri nia missão hodi fo isin diak ba ema moras, kura ema ain kudeik, kura ema matan delek no hamoris ema be mate. João desesperado tanba nia hanoin katak; nia prepara ona dalan ba Jesus, tansa mak Jesus la liberta nia husi komarka? Tan nee mak João haruka nia escolante sira hodi husu Jesus kona ba Ninia identidade Messiánica.  

          Tuir los, la importante ba ita hodi hatene eh compreende katak; João Baptiska mak dúvida ka nia escolante sira mak dúvida kona ba Jesus nudar Messias. Questão ba ita precisa atu compreende mak; dúvida eh incertesa nebe ema hasoru iha moris, relaciona ho fiar. Tansa? Basá, realidade nebe ita enfrenta no haré la hanesan ho saida mak ita espera. Tansa mak Jesus iha altura neba nudar Maksoyn, la consegue salva ema hotu husi dificuldade no husi sira nia terus. Tansa mak Jesus la salva lalais João Baptista husi komarka? Lalaok hirak nee mak causa desesperado iha João Baptista ho nia escolante sira. Desesperado modelo hanesan nee mak dala barak ita nudar Cristão Católico mos enfrenta iha andamento fiar nian. Iha ita nia perspectiva, tanba sa mak buat nebe ita deseja no ita haree katak nee diak, Maroamk la intervem directamente? Tansa?

          Horas nee, liu tiha tinan rihun rua resin depois de tempo Jesus ho João Baptista, ita moris iha sociedade ida nebe diferente. Ita nia mundo avança ba bebeik hodi hatudu ninia capacidade mudança rasik liu husi descobrimento sira nebe extra ordinário. Mudança no progresso ida nee causa de tal maneira que ema nia dependência da Maromak hahu menos. Fiar nebe tuir los sai hanesan sasukat básico ba moris hodi depende ba Maromak, sai tiha fali buat nebe formal no científico; significa, ema nia fiar, ema questiona ba bebeik. Progresso tecnológico no utilização sistema digital nebe efectivo no lalais, causa mos incertesa no dúvudas barak kona ba Maromak nia existência; Maromak iha tebes ka lae? Dúvidas hirak nee, sai boot liu tan do que dúvidas hirak nee aparece iha tempu Jesus nian. Basá, iha altura neba, sira haré rasik saida mak Jesus halo ba sira; sira dúvida nafatin, razão tanba ema judeu nia esperança ka imaginação ba figura maksoyn diferente ho saida mak Jesus hanorin. Tanba nee mak maske milagre barak Jesus hatudu ba sira maibé, sira la sente buat ida no dúvida nafatin.

Horas nee, desafio ba ita nudar Cristão Católico sai boot liu tan tanba ita so rona deit kona ba Jesus nia hahalok sira maibé ita la haree basá, mundo digital influencia tebes ita nia pensamento sira. Ita fira Jesus nudar maksoyn, liu husi testemunha apóstolo sira nian iha Bíblia no tradição Igreja nian nebe conserva nafatin husi tempo ba tempo. Maske ita nia maneira hasoru malu ho Jesus la hanesan maibé, figura Jesus nudar maksoyn hanesan deit husi tempo ba tempo.

          Hasoru dúvida sira iha fiar sarani nian nee, saida mak precisa ita halo? Iha Igreja Católica nia mahan no unidade, ita hotu iha obrigação hodi kesi metin liu tan ita nia fiar ba Jesus Cristo nudar maksoyn nudar uluk apóstolo sira haklaken too horas nee. Fiar significa; ita hakarak duni atu sai ida deit ho Cristo. Laos ita rasik nia hakarak, maibé Cristo nia hakarak mak preferencial liu hodi ita bele atinge salvação nebe ita mehi. Cristo sei oferece ida nebe diak liu ba ita nia moris. Laos diak tuir ita nia hakarak maibé, diak tuir Maroamk nia plano. Ita nobun hananu haksolok tanba ita libur hamutuk iha Maromak nia mahon. Assim Seja. (ignaslopes)

Leave a Reply

Your email address will not be published. Required fields are marked *