shadow
Diocese de Dili > NOTÍCIAS > REFLEXÃO > FIEL HANESAN SÃO JOSÉ…???….Selingkuh la mate, Selingkuh tiha deit!!!

FIEL HANESAN SÃO JOSÉ…???….Selingkuh la mate, Selingkuh tiha deit!!!

Leitura sira iha Quarto Domingo Advento, lori ita ba besik liu tan preparação ikus molok festa Natal (Nascimento de Jesus). Kreda Católica iha mundo tomak convida ita nobun atu ita tau atenção ba profeta Isaías nia mensagem sira li-liu experiência fidelidade (kesetiaan) nebe acontece ba São José nebé dilema entre cumpri Maromak nia ordem no afirma ninia direito nudar mane judeu. Evangelho fo justificação no resposta ba dilema São José nian kona ba mistéria encarnação (Deus se Fez Carne) concretizada iha Maria nebe tur ahi Oan Mane ida iha balada luhan Belém hodi cumpri Maromak nia promessa.

São Mateus nia conteudo Evangelho tomak hatudu katak; promessa salvação humanidade (keselamatan manusia) husi Maromak. Promessa divina ida nee concretiza iha pessoa Jesus Cristo (Deus Filho fez-se Carne). História kona ba Jesus nia nascimento nudar introdução ba processo salvação humanidade. Iha ponto principal tolu nebe sai mensagem importante bai ita husi Jesus nia nascimento: 1). Povo Israel lori hikas tama terra prometida (sira libertado husi no hetan salva husi escravidão). 2). Jesus nudar naran nebe tradus husi lian Grego nebe origem iha termo Judeu Joshua (=significa Jave salva). 3). Jesus mak Emmanuel (=Maromak ho Ita).

Husi riqueza Bíblica nebe haksumik iha Evangelho São Mateus nian, mai ita reflecte especificamente ba figura São José nebé ladun sobre sai iha processo nascimento Jesus Cristo. Maibé, na realidade, Nain Feto hakous Jesus iha estado virgem tanba tuir relato Evangelho haktuir katak; José la moris hamutuk ho Maria hanesan fen-laen tanba Maromak nia anjo fo hatene nanis ona. Tanba nee mak José la hanoin atu husi Maria tan nia fiel ba mensagem husi Maromak. Los duni, humanamente, José tenke hakoi ninia sentimento humano nudar mane, maibé, José conciente katak Maromak nia ordem kmanek liu nee. Tanba nee mak ita considera José nudar aman hakiak (pai adoptivo) Jesus nian. Além de nee, baseia ba linha geracional, José pertence ba geração husi liurai David.

Oinsa ita aprende husi hahalok São José nian?

Honestidade (kejujuran) ho laran luak (ketulusan hati)1 – wainhira Nain Feto hakous ona (isin rua) hodi Espírito Santo, relação entre São José ho Virgem Maria estado noivado ona (pertunangan). Iha contexto cultura judeu nian, noivado considerado nudar etapa primeira husi matrimónio. Tanba nee mak feto ho mane ida nebe noivado ona significa sira nia domin kesi metin ona nudar fen-laen. Tanba nee mak wainhira mosu infidelidade iha processo ida nee, considerado adultério (perzinahan). Evangelista Mateus relata:”Maibé, José, Maria nia noivo, tan nia ema santo, lakohi hamoe Maria, nunee, nia hanoin soe nonok deit Maria” (Mt 1,19).   

Maibé, Jave (-laos testemunha jeova) desde Antigo Testamento sempre comprometido ho Ninia promessa ba povo judeu. Echo salvação ida nee sai concreto iha Novo Testamento iha pessoa Jesus Cristo (Deuz Filho se Fez Homem). Tanba nee mak iha convicção Católica, fiar Jesus Cristo nudar Maromak ho ema dala ida. Maromak Aman hatudu ida nee hodi  justifica katak Maromak hakarak lori salvação ba mundo. Salvação ida nee nudar plano Divino (Maromak nia vontade) maibé, processo ida nee tenke tuir dalan ema nian. Maske tuir movimento barak nia perspectiva katak impossível Jesus sai Maromak ho ema dala ida maibé, ba Maromak buat hotu possível.

Basea ba factos hirak nebe descreve iha letan, ita precisa haré ho matan fiar nian, entende, considera no respeita papel importante nebé São José simu iha nia moris. Ita la imgina processo todan nebé José halao hahu kedas husi mensagem nebé anjo hatoo ba nia, Jesus moris Belém too lori Jesus ho nia inan halai ba Exipto, nee processo todan ida nebé são José consegue exerce nakonu ho responsabilidade. Tanba nee mak maske ladun sobre sai iha Evangelho maibé, iha ambiente haksumik nia laran São José ho fidelidade tomak, consegue haknaar-an nakonu ho responsabilidade hodi salva kosok oan Jesus sees husi ema laran aat sira iha altura neba.  Nee significa katak São José sacrifica ninia direito nudar mane judeu hodi cumpri deit Maromak nia Vontade.

Maromak nia interece sempre sobre sai no justificado absolutamente. Além de nee, interece ema nian precismente tenke sincroniza ho Maromak nia vontade hanesan lalaok nebe São José hatudu iha relato Evangelho quarto Domingo Advento semana nee. Exemplo principal nebé, ita bele imita hanesan bukae moris sarani nia mak; fidelidade no haraik-an. São Jose cumpri fielmente Maromak nia ordem sira too Jesus idade tinan 9 liu. São Jos’e maske exerce função hanesan caspinteiro (tukang kayu), nia nafatin halao knaar hanesan aman ida iha Família Nazaré (José, Maria ho Jesus). Nee exemplar ba ita nobun nudar Cat­­ólico hodi oinsa exerce moris hanesan ema fiar nain nebé fiel ba Maromak ida deit iha Igreja Católica no fiel mos ba fen kaben eh laen kaben ida deit (princípio Matrimónio Monogámico) too mate haketak.

Reflexão nee principal tanba oras nee, sarani barak iha Igreja Timor Leste nebe identidade hahu malahuk ba daudaun. Kaben nain ida-rua nebe exerce cargo importante iha instituição estado tanto feto tanto mane, sira nia fidelidade ba casamento hahu mihis tanba orang ketiga mosu iha sira nia leet. Infidelidade ba matrimónio nee expressa mos ita nia infidelidade ba Maromak. Oinsa ita bele dehan hau sarani Católico se ita nia hahalok kaben nain imita fali ema muçulmano sira nebe bele hola feto ou bele hola mane rua tolu? Católico nebe autêntico (asli) sempre mantem fidelidade too mate.   

Atu remata reflexão nee, ita precisa tau lia fuan Emmanuel iha ita nia moris sarani nian. Basá Maromak sempre horik ho ita too mundo nee nia rohan. Ema hotu iha saudade ba Maromak, hot-hotu hakarak mate ba lalehan, hot-hotu hakarak hetan naran iha Maromak nia lista maibé iha mundo ida nee, barak sei exploramalu, barak sei aproveita malu, ukun nain sira sei hadau malu poder, uza media social hodi buka popularidade maibé, wainhira ker ukun, haluha tiha ninia obrigação hodi lori prosperidade ba rai Timor Leste. São José hatudu ona dalan oinsa ita fiel ba qualquer knaar nebé ita hetan.

Ita mos sei hanoin princípio ida nebe tenik: Vox Populi Voz Dei= Povo nia lian hanesan Maromak nia lian. Infelizmente ukun nain sira la fiel ba princípio ida nee. Iha campanha, sira hahi povo hanesan osan mean. Hetan tiha poder husi povo, começa buka dalan oinsa atu servi diak liu mak nia patrão iha partido, buka dalan atu fahe cargo ba nia maluk partido sira, buka leet oitoan hodi fo serviço ba nia família ida rua. Nee mak realidade iha Timor Leste. Ema la fiel ona ba nia Igreja, nia la fiel ona ba constituição, nia la fiel ona ba fen kaben eh laen kaben no pior liu tan sira la fiel ona ba Maromak. Nudar Católico li-liu hirak nebé exerce função iha qualquer instituição estado eh Igreja, ita precisa banati figura São José nebe fiel too nia mate. Político ida precisa fiel ba ninia comprimissio política too mandato remata laos aproveita deit estado. Ema kaben nain ida precisa fier too nia viagem termina iha rai nee. Hatene ba katak Jesus hatete nanis ona katak:”Hau sei horik ho imi too mundo nia rohan” (Mt 28,20). Assim Seja e Bem Haja. (iganslopes)

Leave a Reply

Your email address will not be published. Required fields are marked *