shadow
Diocese de Dili > NOTÍCIAS > LETURA DIÁRIA > IV Domingo Iha Tempo Advento (ANO A)

IV Domingo Iha Tempo Advento (ANO A)

Primeira Leitura                         Is 7, 10-14

Lia husi livro Prefeta Isaías:

Iha loron hirak nebá, Nai hatun li aba Acaz hodi dehan:”Husu ba Nai, o nia Maromak, sinal ida husi matebian sira nia fatin okos liu eh husi fatin leten aas ba”. Acaz simu:”Hau sei la husu ida ne’e; hau sei la koko Nai Maromak”. Isaías hatan fali: rona mai David nia uma kain: imi babilan ema seidauk too, imi hakarak mos babilan Hau nia Maromak? Tan ne’e, Nai Maroamak rasik sei fo sinal ida ba imi: feto ran ida sei kous no tur ahi Oan Mane ida, nebé nia sei hanaran EMMANUEL.

Maromak Futar Lia.

 

Salmo Responsorial                                                                                                                                        Sal. 23 (24), 1-2, 3-4ab. 56

Refrão : Nai hiit-An mai ba: Nia ne’ee Liurai boot!!! Repete-se

Rai no buat hotu iha rai, Maromak nian;

Mundo no buat tomak horik iha nia, Maromak nian.

Maromak hatur rai iha tasi leten,

Hametin rai iha mota laran. Refrão

 

Se mak bele sae ba Maromak nia foho

Eh horik iha nia kadunan santo?

Ema nebé laran mós, liman la sala,

Ema nebé la jura falso, la bosok. Refrão

 

Ema ne’e sei simu Nai nia bensa,

Nia sei hetan kolen husi maromak,

Nia moris husi uma-kain be buka Maromak,

Uma-kain be buka Maromak Jacob nian. Refrão

 

Segunda Leitura                                                                                                                                                                              Rom 1, 1-7

Lia husi São Paulo nia surat ba sarani sira iha Roma:       

Paulo, Cristo Jesus nia atan, Apóstolo, tan Maromak bolu, haketak-an atu haklaken Maromak  nia Evangelho. Husi Nia profeta sira, iha Escritura Santa, Maromak fo nanis Evangelho ne’e kona ba Ninia Oan, nebé tuir isin, moris husi David nia uma-kain, maibé, tuirEspírito Santo halulik-nain, ema foti nia ba Maromak Oan, iha nia kbiit tomak, basá, Nia moris hias husi mate; Oan ne’e mak Jesus Cristo, ita nia Nain. Tan Cristo ne’e, ita simu graça ho mos apostolado atu halo ema gentio sira hotu fiar, hodi hahi Ninia naran. Husi gentio sira, Maromak bolu mos imi atu moris tuir Cristo Jesus. Ba Maromak no doben sira hotu nebé tur iha Roma no ba sira hotu nebé Maromak bolu atu sai santo: Graça no damen husi Maromak ita Aman no husi Nai Jesus Cristo ba imi hotu.

Maromak Futar Lia.

 

Aclamação                                                                                                                                                                                            Mt. 1, 23

Refrão : Aleluia, Aleluia!! Repete-se

feto ran ida sei kous no tur ahi Oan Mane ida,

nebé nia sei hanaran EMMANUEL – katak Maromak ho ita. Refrão

 

Evangelho                                                                                                                                                                                       Mt. 1, 18-24

Na’i Jesus Cristo nia Evangelho nu’udar São Mateus haktuir:

Jesus moris nune’e: José husu nanis ona ba noiva Maria, Jesus nia inan. Maibé, molok sira moris hamutuk, Maria kous tiha ona hodi Espírito Santo nia kbiit. Maibé, José, Maria nia noivo, tan nia ema santo, lakohi hamoe Maria, nune’e, nia hanoin soe nonok deit Maria. Sei hanoin hela nune’e, José mehi katak Maromak nia anjo ida mosu ba nia, hateten: ”José, David nia oan, keta tauk simu o nia noiva Maria basá, nia kous hodi Espírito Santo nia kbiit. Maria sei hakous Oan ida, o sei hanaran nia Jesus, basá, Nia mak kasu povo nia salan”. Ne’e hotu sai tuir lia-fuan nebé, Maromak hatun nanis ona husi profeta sira, dehan:”Feto-ran ida sei kous no hahoris Oan ida. Oan ne’e, ema sei hanaran EMMANUEL, katak Maromak ho ita”. Tuir Nai nia najo haruka, hadér ho hadér, José ba hola kedas nia noiva ba uma. Maski José ladauk hamutuk ho nia, Maria hahoris Oan ida! José hanaran Oan ne’e, Jesus.

Lia Maksoyn.

Leave a Reply

Your email address will not be published. Required fields are marked *