shadow
Diocese de Dili > NOTÍCIAS > REFLEXÃO > BAPTISMO HALO ITA COMPREENDE TERUS

BAPTISMO HALO ITA COMPREENDE TERUS

Ema fiar nain ida wainhira halo oração lamenta ba Maromak nunee:”Nai, ita boot iha nebé? Tansa ita la tulun no salva ema barak nebé oras nee terus, hamlaha, kiak? Maromak hatan:’Hau tulun ona sira, Hau mos cria o atu o mos tulun sira’”.

São João Evangelista semana nee (Domingo Comum II, Ano A 2020) apresenta hikas figura João Baptista nebé semana kotuk ita reflecta hamutuk ona ninia papel. Semana nee, dala ida tan, João Baptista mosu tan hodi halo confirmação final kona ba pessoa Jesus Cristo hodi tenik: “Ne’e Maromak nia Bibi-Oan nebé kasu mundo nia salan”. João Baptista utiliza termo Sagrada Escritura tuir contexto cultural povo Israel nian, nebé, aprezenta figura ema nudar bibi malae (cordeira/domba). Bibi malae simboliza lalaok nebé atento, hakmatek, carinho, la iha tendência ba sala.

João Baptista nia declaração kona ba Cristo nudar Maromak nia Bibi-Oan nebé kasu mundo nia sala, too horas nee mos ninia eco (gelombang) ou ninia sabor sei morin ba ita sarani otas nee.

São Pedro iha nia carta temi Cristo nudar “bibi oan sala laek no la iha fitar” (1Ped 1,19), klean liu tan iha carta São Pedro nee tenik; ‘wainhira hetan hotak, Nia la hotar hasoru; wainhira Nia terus, Nia la fo ameaça, maibé, Nia saran deit ba Ida nebé bele tesi lia tuir justiça’ (1Ped 2,23). Ho expressão hirak nee, Pedro nudar Cristo nia vigário (primeiro Papa da Igreja Católica) hakarak justifica katak; juiz ou defensor ba ema nebe indefeso mak Maromak!

Em primeiro, ita precisa entende didiak sentido husi Pedro nia declaração sira iha nia carta. Sentido kmanek liu mak haraik-an. Jesus husik Ninia dignidade nudar Maromak Oan no koko adapta tuir cultura no situação ema bai-bain nian. Tansa? Tanba se ita nudar ema fiar nain la consegue compreende ou descreve sentido kona ba terus (penderitaan), ita precisa lori kakutak hodi buak hatene molok aplica iha fiar. Terus nebé, ema ida tau iha kabas maske nia la comete sala, nee justamente nudar segredo ida nebe ema nunca bele explica no entende!

Oinsa ho Jesus rasik? Jesus mos, absolutamente supera capacidade ema nian. Iha relato Evangelho, wainhira haré feto faluk iha husi Naim nebé ninia oan mane mate, ou iha ocasião seluk Marta ho Maria sira nia tristeza wainhira sira nia maun ázaro mate, Jesus la hatene atu halo saida, para além de mosu sentido laran luak hodi tanis no halo ação milagorsa sira.

Nu’udar sarani Católico, resposta hodi resolve problema ema hirak nebé la comete sala maibé, hetan terus nak ita contempla ba figura Jesus Cristo. Tanto iha Ninia doutrina sira tanto iha Ninia lalaok sira, Jesus la explica kona ba sentido terus maibé, ho atitude. Jesus mai hodi enfrenta terus ida laos atu fo declaração maibé, halo ita oinsa compreende ho matan fiar nian kona ba sentido terus. Nia mai hodi simu mos ema hotu nia naha terus atu ita mos bele hatene halo sacrifício ou acto de solidariedade ba ita nia maluk sira. Nee mak sentido husi terus nebé ita labele explica ho termo ou linguagem maibé, ho hahalok. Nunee, Jesus foti naha ema seluk nian tanto físico no espiritual.

Tanba nee mak Jesus além de actua hodi kura ema moras maibé halo mos ema moris hias husi mate. Ação ida nee hakarak justifica katak Jesus iha poder sobre todas as coisas inclui Jesus iha poder ba mate. Ho lia fuan seluk ita bele compreende nunee; Jesus kasu no salva ema seluk. Cura físico nebé nudar dalan ida atu ita hatene katak Jesus mos bele cura ita nia moras espiritual ema nian.

Nee significa saida? Boot no kmanek tebes terus/sacrifício ida nebe ema ida halo ba ema barak nia diak liliu ba ita nobun nebé fiar iha Cristo Jesus. Iha cristo nudar redentor maske nia la iha pecado maibé, terus eh sacrifício nudar realidade rua nebé ita la bele separa. Tuir sasukat fiar sarani nian, terus/sacrifício laos ita mak buka maibé, ita sente rasik, nee habesik liu tan ita ba Maromak. Maromak rasik mak tuir los simu terus nudar inocente iha sentido pleno. Jesus iha Ninia paixão (terus) hanorin ita hatene sentido terus ao mesmo tempo encoraja (fo aten brani) hodi fahe diak husi Maromak nebé ita hetan ba maluk sira.

Iha contexto Timor nian, ukun nain sira fahe poder eh cargo ba ninia maluk partidário sira liu husi cargo oi-oin nebe existe maske nia maluk nee la iha capacidade. Sira considera partidário sira mos iha direito tanba sira mak luta eh terus hamutuk iha partido laran. Jesus laos hanorin ida nee. Jesus hanorin ita haé ema seluk nebé la iha relação familiar nudar ema nebé ita bele halo netik baut ruam ba, tuir capacidade. Iha contexto político, Jesus mos hakarak político sira nebe barak mos Cristão Católico, atu luta ba bem comum laos ba bem partidáruia ou bem família. PM Taur Matan Ruak sempre dehan: hisik kosar ba moris diak. Se terus la existe, então ita ema sei la interece ba malu no lakon sentido domin/laran luak ba ema (próximo).

Wainhira ita koalia kona ba terus, ida nebé importante liu laos explica ninia sentido maibé, hahalok concreto mak bele halo ema compreende saida mak terus. Jesus simu naha todan hodi selu ema hotu nia sala iha processo terus; ema baku too hedi iha Cruz ba ema hotu atu compreende sentido terus. Santa Tereza de Calcuta mos fil-fila dehan; ‘liman nebé fo ajuda kmanek liu ibun nebé reza ou koalia barak’. Ohin loron ema atu tulun ema seluk, bolu jornalista ba halo cobertura ou hasai foto publica iha Media Social. Jesus laos hakarak ida nee. Jesus hakarak liu mak hahalok nebé ema la hare maibé Maromak hare. Se uluk Jesus mai ona hodi tulun ita kasu ita nia sala/pecado sira, então horas nee, liu husi Baptismo Jesus bolu ita hodi aplica mos lalaok nee iha moris sarani nian. Assim Seja e Bem Haja (Ignas Lopes)

Leave a Reply

Your email address will not be published. Required fields are marked *