shadow
Diocese de Dili > NOTÍCIAS > LETURA DIÁRIA > II Domingo iha Tempo Comum (ANO A)

II Domingo iha Tempo Comum (ANO A)

Primeira Leitura                    Is. 49, 3. 5-6

Lia housi Livro Profeta Isaías:

Nai lia tun mai Ha’u dehan: ”o Ha’u atan, husi o Ha’u sei hatudu Ha’u kbiit”. Oras nee, Nai hateten mai Ha’u, Nia be halo Ha’u iha Ha’u inan nia knotak, atu halo Ha’u sai nia atan, hodi halibur Jacob, hodi halibur Israel besik ba Nia. Tan Ha’u hetan kmanek iha Na’i nia oin, Maromak mak ha’u nia kbiit. Ne’e duni, Na’i dehan mai ha’u: ”la to’o sai deit Hau atan, atu harí Jacob nia knua, atu halibur Israel oan sira be sei moris; Ha’u sei halo o hanesan naroman ba nação hot-hotu, atu Ha’u nia Maksoin to’o ba rai hot-hotu”.

Maromak Futar Lia.

 

Salmo Responsorial                                                                                                                         Sal 39 (40), 2, 2ab, 7-8ª.  8b-9. 10

Refrão : Na’i ha’u mai halo tuir Ita nia hakaran!!! Repete-se

Ha’u tau ha’u nia neon tomak iha Na’i:

Nia se tilun mai, rona ha’u lian .

Ha’u tau knananuk foun iha ha’u ibun,

Hahí hananu ha’u nia Maromak. Refrão

 

Na’i, Ita la hakarak sacrifício,

La hakarak mos buat karan;

Ita la husu buat karan no na’an maten,

Maibé, Na’i, Ita loke de’it ha’u ibun. Refrão

 

Tan nee ha’u dehan: Na’i ha’u mak nee,

Atu halo tuir Ita nia hakarak!

Ne’e de’it ha’u hakarak, ha’u nia Maromak,

Ita nia ukun iha ha’u laran tomak. Refrão

 

Ha’u haklaken ita nia justiça

Iha povo tomak siraleet;

Na’i, Ita hatene lolos

Katak ha’u la taka ha’u nia ibun. Refrão

 

Segunda Leitura                                                                                                                                                                              1Cor 1, 1-3

Lia husi São Paulo nia surat ba sarani sira iha Corinto:   

Paulo, bolu ona atu sai Cristo Jesus nia apóstolo, tuir Maromak nia hakarak

Ba sira hotu nebé simu ona Cristo Jesus nia kmanek, sira nebé bolu ona atu sai santo, hamutuk ho sira hotu nebé harohan, iha naran fatin ida, ita Nain Jesus Cristo nia naran, sira nia Na’in no ita nian: kmanek no damen ba imi hotu, husi ita Aman Maromak, husi Na’i Jesus Cristo.

Maromak Futar Lia.

 

Aclamação                                                                                                                                                                                             Jo. 1, 29

Refrão :  Aleluia, Aleluia!! Repete-se

Ne’e Maromak nia Bibi-Oan

Nebé kasu mundo nia salan. Refrão

 

Evangelho                                                                                                                                                                                       Jo. 1, 29-34

Na’i Jesus Cristo nia Evangelho nu’udar São João haktuir:                 

Iha tempo neba, João Baptista hare katak Jesus mai hasoru nia, nia haklaken: “Ne’e Maromak nia Bibi-Oan nebé kasu mundo nia salan. Kona ba Ida nee mak ha’u hateten: ‘ha’u liu tiha, mai Mane ida nebé liu dook ha’u, tan Nia uluk liu kedas’. Ha’u la hatene Nia, maibé, atu Nia bele mosu iha Israel, mak ha’u mai sarani ho we”. João fo sasin ida: “Ha’u hare Espírito Santo tun mai husi Lalehan hanesan falur ida, mai tur iha Nia leten. Ha’u la hatene Nia maibé, ida nebé haruka ha’u sarani ho we mak dehan mai ha’u: ‘Ida be o hare Espírito Santo tun ba Nia, hodi hela iha Nia, Nia mak sarani ho Espírito Santo’. Ha’u hare duni, ha’u fo sasin katak Nia Maromak nia Oan”.

Lia Maksoyn.

Leave a Reply

Your email address will not be published. Required fields are marked *