shadow
Diocese de Dili > NOTÍCIAS > LETURA DIÁRIA > III Domingo iha Tempo Comum (ANO A)

III Domingo iha Tempo Comum (ANO A)

Primeira Leitura         Is. 9, 1-4 (8,  23b-9. 3)

Lia housi profeta Isaías:

Houri uluk, Maromak hatún rai Zabulão no rai Neftali sira oin, Maibé, ikus mai, Nia sei hahí luron tasi nian, Jordão sorin ba no gentio sira rain. Povo nebé uluk la’o iha nakukun laran, haré naroman boot ida., naroman ida hahú nabilan ba ema sira nebé horik iha nakukun laran. Ita halo sira nia ksolok sai wa’in, halo sai boot iha ita Boot futar oin, hanesan haksolok sohi ai-han, tan todan ne’ebé hasusar povo, ai nebé iha nia kbaas, óe ukun nebé hanehan povo, Ita halakon tiha ona, hanesan iha loron Madia nian.

Maromak Futar Lia.

 

Salmo Responsorial                                                                                                                                                 Sal 26(27), 1, 4, 13-14

Refrão : Na’i fó naroman ba ha’u , no soy ha’u!!! Repete-se

Na’i, ha’u nia naroman , ha’u Maksoyn ;

Ha’u ta’uk fali se?

Na’i, tahan ha’u moris ;

Se bele halo ha’u nakdedar? Refrão

           

Buat ida de’it ha’u buka, ha’u husu ba Na’i;

Iha ha’u nia moris tomak, horik iha nia kadunan,

Hodi haksolok ho Na’i nia tulun;

No fihir Nia Templo. Refrão

 

Ha’u hein atu haré Na’i laran luak,

Iha ema moris sira rain.

Aten brani! Hein laran metin Na’i!

Aten boot! Hein Maromak! Refrão

 

Segunda Leitura                                                                                                                                                                1 Cor. 1, 10-13. 17

Lia housi são Paulo nia surat Ba sarani sira iha Corinto:

Maun alin sira; Hodi Na;I Jesus Cristo nia naran , ha;u hameno ba imi, atu imi hotu hamutuk ko’alia lian ida de’it, imi keta haketak malu. Imi buka tuir malu lolós, hanoin ida de’it, moris ida de’it . Maun alin sira; Ema Cloé nian haktuir mai ha’u katak, lia barak iha imi leet. Ha’u ko’alia hanesan ne’e, tan imi ida –idak dehan:  “Ha’u Paulo nian, ha’u Apolo nian, ha’u pedro nian, ha’u Cristo nian,” Cristo fahe –An  keta-ketak ? Paulo mak ema hedi ba cruz tan imi? Eh hodi Paulo nia naran mak imi simu Baptismo? Tebes, Cristo la haruka ha’u atu sarani ema; Nia haruka ha’u atu haklaken Evangelho , maibé, laós hodi lia matenek, atu keta hatún Cristo nia cruz nia folin.

Maromak Futar Lia.

 

Aclamação                                                                                                                                                                                            Mt, 4, 16

Refrão : Aleluia, Aleluia!! Repete-se

Ema sira nebé moris iha nakukun laran

Harénaroman boot ida ;

Sira be hela iha nakukun mate-biannian,

Naroman ida mosu ba sira. Refrão

 

Evangelho                                                                                                                                                                                       Mt, 4, 12-23

Na’i Jesus Cristo nia Evangelho nu’udar são Mateus haktuir:

Iha tempo nebá , Jesus rona katak, ema dadur tiha ona João Baptista , Nia ba tiha Galileia . Husik tiha Nazaré, Nia ba horik iha Cafarnaum, besik tasi ibun, rai Zabulão ho Neftalí nian. Nune’e halo tuir duni buat nebé dehan sai, hodi dehan: “Rai Zabulão, rai Neftalí , luron moris iha nakukun laran, haré naroman boot,; naroman ida harí ba sira nebé hela iha nakukun laran mate-bian nian.” Hahu ba loron ida ne’e, Jesus hanoin hodi dehan :” imi hakribit imi nia salan, basá, Maromak nia Reino besik ona .” liu housi tasi ibun Galileia nian, Nia haré mau alin Na’in rua, Simão nebé naran Pedro ho nia alin André : sira soe hela dai ba tasi, tan sira ema tihá –Na’in. Jesus dehan ba sira “Imi mai tuir Ha’u, Ha;u sei halo imi tiha-Na’in  ema nian.” Sira husik kedas dai , hodi tuir Nia. Tuir teni Nia dalan , haré maun alin na;in rua, Tiago, Zebedeu nia oan, no nia alin João ; sira iha hela ró laran, hamutuk ho sira nia aman Zebedeu, hadi’a hela dai. Jesus bolu sira. Sira husik kedas ró no sira nia aman , hodi tuir Jesus . Hafoin, Jesus liu housinGalileia tomak; hanorin ema sira iha Sinagoga, haklaken Reino nia lia –foun , fo isin di’ak ba ema moras no moras aat tomak iha povo sira leet.

Lia Maksoyn.    

Leave a Reply

Your email address will not be published. Required fields are marked *