shadow
Diocese de Dili > NOTÍCIAS > Notícias > MENSAGEM HUSI PAPA FRANCISCO BA QUARESMA 2020

MENSAGEM HUSI PAPA FRANCISCO BA QUARESMA 2020

«Ami husu imi hodi kbiit iha Cristo nia naran, hadame malu ho Maromak ba» (2 Cor 5, 20)

 

Maun alin no inan feton doben sira !

Na’i hadame malu ho ita, nune’e mos iha tinan ida ne’e, tempo propício ida ba ita atu prepara  an hodi celebra, husi fuan nebé hafoun, Mistério boot mate no moris hias Jesus nian, be nudar centro moris cristã pessoal no comunitária nian. Ho hanoin no fuan, ita mos bele fila continuamente ba Mistério ida ne’e. Com efeito, misterio ne’e moris buras nafatin iha ita, na medida em que ita mos husik ita an envolve iha nia tuir ninia dinamismo espiritual no hametin an nafatin ba nia ho resposta ida nebé livre no generosa.

 

  1. Mistério pascal, fundamento husi conversão

Ksolok cristão nian naksuli husi rona no receção ba Liafoun Diak husi mate no ressurreição Jesus nian: kerygma. Husi compendia Mistério domin nian ida ne’e «real duni, loloos duni, concreto teb-tebes, nebé proporciona ba ita relação ida nebé nakonu ho diálogo sincero no klean» (Francisco, Exort. ap. Christus vivit , 117). Se mak fiar iha anúncio ida ne’e rejeita bosok husi ita ninia moris nebé hahu kedas husi ita an rasik, wainhira iha realidade moris mai husi domin Aman Maromak nian, husi ninia vontade atu fo moris nebé naresin (cf. Jo 10, 10). Oinseluk,karik, se tilun ba lian husi «aman bosok nian» ( Jo 8, 44), halai iha risco hodi precipita iha nakukun absurdo nian, experimenta dadaun inferno, hahu kedas ona iha rai ne’e, infelizmente hanesan fo sasin barak liu ba acontecimentos dramáticos wain husi experiência humana pessoal no coletiva.

Tanba ne’e, iha Quaresma tinan 2020 nian ne’e, hau hakarak halore ba ema fiar nain tomak saida mak ha’u hakerek ona ba foinsa’e sira iha Exortação apostólica Christus vivit : «Fixa ho liman nakloke ba Cristo crucificado, husik nia mak salva nafatin. No wainhira ita hakbesik-an ba nia hodi hakribit salan sira, firmemente fiar iha ninia laran luak hodi liberta ó husi salan tomak. Contempla ninia ran nebé naksulin husi domin boot nebé nia iha ba ó no nia husik nia an ba ó hodi nia mak purifica. Nune’e, ó sei bele moris foun nafatin» (n. 123). Páscoa Jesus nian laos hanesan acontecimento ida husi buat nebé liutiha ona: husi kbiit Espírito Santo mak nafatin atual no habiban ita atu contempla no kaer ba nia ho fiar ba isin Cristo nian iha ema hirak nebé terus.

 

  1. Urgência husi conversão

Hanesan buat diak husi contemplação ida nebé klean husi Mistério pascal, iha virtude ida husi saida mak concede tiha ona mai ita Maromak nia laran luak. Com efeito, experiência husi misericórdia possível de’it husi «oin ba oin» ho Na’i nebé crucificado no moris hias, «nebé hadomi tiha ona ha’u no saran Nia moris tanba ha’u» ( Gl 2, 20). Diálogo fuan ba fuan, husi belun ba belun. Tanba ne’e ne’e duni, importante duni atu harohan iha tempo quaresmal.  Antes sai dever ida, ne’e expressa necessidade hodi corresponde ba domin Maromak nian, nebé nafatin  precede ita no sustenta. De facto, ema fiar nain sira reza ho didiak husi ninia indignidade  hodi hetan hadomi. Oração sei bele assume formas mesak lahanesan, maibé saida mak verdadeiramente sura iha Maromak ninia matan mak ida nebé naklosu husi ita ninia laran, too ba harahun ita ninia fuan nebé toos, atu nia bele hakribit salan diak liutan no no halo tuir Nia hakarak.

Tanba ne’e, iha tempo favorável ida ne’e, husik ita an atu Nia mak lori hanesan Israel ba rai fuik maran (cf. Os 2, 16), finalmente atu ita mos bele rona lian husi ita ninia Laen, husik atu nia mak lian iha ita ho profundidade nebé boot no disponibilidade tomak. Quanto mais husik ita an atu envolve iha ninia Liafuan, tanto mais ita consegue experimenta ninia misericórdia gratuita ba ita. Tanba ne’e labele husik leet de’it tempo graça nian ne’e, iha presunçosa ilusão hodi ita mos sai nain husi tempo tomak no lalaok tomak husi ita ninia conversão ba Nia.

 

  1. Vontade domin Maromak nian iha dialogo ho ninia oan sira

Facto ida husi Na’i hodi proporciona iha ita, dala ida tan ho tempo favorável ida ba ita ninia conversão, ita mos labele fo ba nia hanesan garantia ida. Oportunidade foun ida ne’e bele suscita iha ita sentido husi gratidão nian no hadook ami husi ami ninia kleur. Biar hanesan ne’e laos ho presença sala nian, por vezes too ba buat nebé dramática, tanto iha ita ninia existência hanesan iha Igreja nia moris no mundo, período ida ne’e oferece ba ita  atu iha mudança ida hodi manifesta vontade nebé metin husi Maromak atu nune’e la interrompe diálogo husi salvação hamutuk ho ita. Iha Jesus crucificado, nebé Maromak «halo nia nebé lahatene sala atu sai sala» ( 2 Cor 5, 21), vontade ida ne’e too duni ona ba ponto ida hodi hamonu iha nia Oan mane mesak ninia leten, ita tomak ninia salan sira, hanesan nia mak iha sala – Tuir Papa Bento XVI –ida «fila fali ba Maromak contra Nia an rasik» (Enc. Deus caritas est , 12). De facto, Maromak mos hadomi nia funu balun sira (cf. Mt 5, 43-48).

Diálogo nebé Maromak hakarak estabelece  ho ema ida-idak, liuhusi Mistério pascal ninia Oan Mane Mesak nian, laos hanesan diálogo ida nebé atribui ba habitantes husi Atenas, nebé «lahalo buat ida, maibé sira halimar deit hodi toman atu haktuir ou rona buat foun ruma» ( At 17, 21). Tipo husi conversa ida ne’e, hatoo husi curiosidade ida nebé mamuk no superficial, carateriza ba mundanidade husi tempo tomak, ohin lorin, bele insinua mos iha uso pervertido ida husi meios comunicação nian.

 

  1. Rikusoin ida nebé sei bele partilha, no laos acumula de’it ba nia an

Hatuur Mistério pascal iha centro husi moris significa sente compaixão ba Cristo crucificado ninia kanek sira nebé presentes iha vítimas inocentes husi funu sira nebé wain ba wain, husi prepotências tomak contra moris desde foin moris mai too katuas-ferik ona, formas husi violência nian nebé oi-oin, husi desastres ambientais tomak, husi iníqua distribuição ba bens husi rai ne’e nian, husi  tráfico ema nian iha ninia formas tomak no sai desenfreada husi  lucro, nebé hanesan tiha forma husi idolatria ida.

Nune’e mos ohin loron sai importante hodi bolu mane no feto sira nebé ho vontade ba fahe husi sira buat diak hotu ho sira nebé precisa liu liuhusi esmola, hanesan forma husi participação pessoal iha edificação mundo ida nebé justo liu. Partilha, iha caridade, sai duni ema ida humano liutan; ho acumulação, halai iha risco brutal nian nebé taka metin iha ninia hanoin ba an rasik. Ita mos bele no hakarak liu ba dook liutan, considera dadaun dimensões estruturais tomak husi economia. Husi motivo ida ne’e, iha Quaresma de 2020 –concretamente liutan, husi loron 26 too loron 28 fulan março –, convoca ona ba Assis ho foin sai tomak  economistas nian, empreendedores no transformativos, ho objetivo mak atu contribui ba delinea  economia ida nebé justa no inclusiva husi saida mak lao dadaun. Hanesan dala barak ona mak refere ona iha magistério Igreja nian, política mak forma eminente ida husi caridade (cf. Pio XI, Discurso à FUCI , 18/XII/1927). No se igualmente nia husi economia espírito evangélico nebé hanesan, nebé mak espírito husi Bemaventuranças.

Ha’u reza ho intercessão Maria Santíssima nian kona ba Quaresma oin mai, atu halibur iha ita apelo nebé husik hela mai ita atu hadame malu ho Maromak, ita fixa mos atu hare ho fuan ba iha Mistério pascal no ita mos converte iha diálogo aberto ida no  sincero ho Maromak. Nune’e, ita mos bele sai iha ita an saida mak Cristo dehan ona ba ninia discípulos: masin rai nian no naroman mundo nian (cf. Mt 5, 13.14).

Roma, iha São João de Latrão, 7 de outubro de 2019, Memória de Nossa Senhora do Rosário.

 

Franciscus

©Copyright – Libreria Editrice Vaticana

One comment on “MENSAGEM HUSI PAPA FRANCISCO BA QUARESMA 2020

Leave a Reply

Your email address will not be published. Required fields are marked *