shadow
Diocese de Dili > NOTÍCIAS > REFLEXÃO > DELEK FIAR & DELEK POLÍTICA

DELEK FIAR & DELEK POLÍTICA

Reflexão 7 Leituras DOMINGOQUARESMA IV/Ano A/2020

Sam 16,1b.6-7.10-13ª; Ef 5,8-14; Jo. 9, 1. 6-9. 13-17. 37-38

 

Primeira Leitura          1 Sam. 16, 1b, 6-7, 10-13a

Lia housi Livro Samuel nian:

Iha loron hirak nebá, Na’i lia tun ba Profeta Samuel: “Tau mina nakonu iha nia fatin, atu lori. Ha’u atu haruka ó ba Jessé, Belém nian, basá, Ha’u hili nia oan ida ba liurai”. Wainhira Profeta to’o, sira hotu mai hasouru nia; Samuel haré sira ida naran Eliab nia hanoin iha laran: “Ida ne’e Na’i hili atu simu mina mak ne’e duni”. Maibé, Na’i dehan ba Samuel: “Ó  keta haré nia housi de’it liur, ka nia ain-aas ne’e, basá, Ha’u hakribit nia. Maromak la haré nu’udar ema haré: ema haré housi liur de’it; Na’i haré fuan”. Jessé haruka nia oan na’in hitu liu housi Samuel oin, maibé Samuel dehan ba nia: “Na’i la hili sira ne’e ida”. Nia husu ba Jessé: “Ó nia labarik sira mak ne’e hotu?” Jessé hatán: “Sei iha ida kiik liu, nebé hein balada”. Samuel dehan ba nia: “Haruka bolu nia, basá, nia la mai, ita la tur iha mesa”. Jessé haruka bolu nia: nia fuuk mean, matan, matan kmook, oin furak. Na’i dehan ba Samuel: “Ó hamriik, kose mina liurai ba nia; nia mak ne’e duni!” Samuel kaer mina fatin, kose mina ba nia, iha nia maun sira leet. Housi loron ne’e ba oin, Na’i nia Espírito tama iha David.

Maromak Futar Lia.

 

Salmo Responsorial                                                                                                                                     Sal. 22 (23), 1-3a. 3b-4. 5. 6

Refrão : Na’i, ha’u nia dalan di’ak; Ha’u sei la hetan susar!!! Repete-se

Na’i, ha’u nia dalan di’ak, ha’u sei la susar:

Halo mahan iha fatin matak,

Lori ha’u ba wé-matan kmook,

Haraik kbiit mai ha’u. Refrão

 

Hala’o ha’u iha dalan lós,

Atu hahí Nia naran.

Sei liu housi nakukun, maibé la tauk:

Ita la’o ho ha’u, Ita tahan ha’u. Refrão

 

Iha ema aat sira oin,

Ita hadi’a hela fatin di’ak mai ha’u.

Tau mina-morin iha ha’u ulun;

Ha’u nia hemu fatin nakonu. Refrão

 

Ita nial aran luak no di’ak

Hala’o ha’u iha ha’u nia moris tomak.

Sei hela iha Na’i nia kadunan

Wainhira ha’u sei moris. Refrão

 

Segunda Leitura                                                                                                                                                                              Ef. 5, 8-14

Lia housi São Paulo nia Surat ba sarani sira iha Êfeso:

Maun-alin sira: Uluk imi nakukun, ohin loron imi naroman, tan hamutuk ho Na’i. Imi buka moris tuir naroman oan. Basá, naroman mak haki’ak laran luak, justice no lialós. Imi keta tuir hahalok nakukun nian sira, basá, sira la folin buat ida; imi hakribit tiha sira, basá, buat nebé ema sira ne’e halo, ita moe atu dehan. Buat hotu nebé aat, naroman mak hatudu sai, basá, buat hotu ema hare, tan naroman. Tan ne’e ema dehan: “Hadér, ó be toba ne’e, hamriik housi mate sira leet, Cristo nabilan iha ó!”.

Maromak Futar Lia.

 

Aclamação                                                                                                                                                                                           Jo. 8, 12b

Refrão :  Ami hahí Cristo, Maromak lia-fuan!! Repete-se

Na’i ko’aliá: Ha’u mundo nia naroman;

Sê tuir Ha’u, sei hetan naroman. Refrão

 

Evangelho (forma Breve)                                                                                                                                Jo. 9, 1. 6-9. 13-17. 37-38

Na’i Jesus Cristo nia Evangelho nu’udar São João haktuir:

Iha tempo nebá, Nia haré ema ida matan delek houri moris mai. Nia tafui ba rai, halo taho ho kabén; hafoin, Nia kose taho ne’e ba matan delek nia matan, hodi dehan ba nia: “Ó fase iha wé-matan Siloé”. Siloé katak “haruka ba”. Nia fase tiha, fila mai, nia haré. Ema sira nebé hela besik nia, ho sira hotu nebé uluk haré nia husu esmola, husu ba malu: “Laós ida ne’e mak uluk, tur husu esmola?” Balun dehan: “Nia!” sira seluk fali dehan: “Laós! Atu hanesan nia!” Sira lori ema oan matan delek ne’e ba fariseu sira. Loron nebé Jesus halo taho, hodi loke nia matan ne’e, loron sábado. Fariseu sira mos husu ba nia, oin sá nia hahú haré. Nia dehan ba sira: “Jesus tau taho ba ha’u nia matan, hafoin ha’u ba fase, oras ne’e ha’u haré”. Fariseu balun dehan: “Ema ne’e la mai housi Maromak, basá, nia la halo tuir sábado”. Sira seluk dehan: oin sá mak ema maksalak ida bele halo milagre hanesan ne’e?” Sira lia la tuir malu. Sira husu fali ba ema ba matan delek: “Ó dehan to’ok, ida be loke ó nia matan ne’e, nia ema sê?” Ema oan hatán: “Nia Profeta ida”. Sira dehan: “Ó, ida be moris tomak iha sala laran, hakarak hanourin fali ami?” Sira duni sai nia. Jesus rona katak ema duni sai nia. Hafoin, hetan nia, Jesus dehan ba nia: “Ó fiar Mane-Maksoyn?” Nia hatán: “Maibé sê, Na’i, atu ha’u bele fiar Nia?” Jesus dehan: “Ó haré tiha ona Nia; Nia mak ko’alia daudaun ho ó ne’e”. Ema oan dehan: “Ha’u fiar, Na’i!” Nia hakneak iha Jesus futar oin.

Lia Maksoyn.

 

Reflexão

DIRCEU AZEVEDO hakerek: “Existem profetas malditos que nos tiram a paz com revelações catastróficas”. Político sira nebé aproveita situação agora hodi buka palco política merece ba expressão nee. Mahatama Gandhi fali  ho lia fuan kroat hatete: “Aquele que não é capaz de governar a si mesmo, não será capaz de governar os outros.”

“A vingança é uma pedra que se volta contra quem a atira”. ). Imi buka tuir naroman oan. Basá, naroman mak haki’ak laran luak, jistiça no lialós.Ponto principal Mensagem Evangelho semana nee, ita hetan convite hodi contempla Jesus nia imagem. Hodi haré Jesus nia imagem,  halo ita kore-an husi ita nia visão nebe malahuk ba imagem Jesus Cristo. Husi Jesus nia imagem, ita haré kbiit Divino nebé bele cura ita nia defeito sira, moras sira, desespero sira. Jesus nia imagem halo ita consciente Nia mak Maksoin nebé mai soi ita iha rai.

Iha relato Evangelho, ita foti ponto principal balu sai hanesan ponto de partida. Conteudo Evangelho nebé furak atu ita hatene haré ita nia ligação ho ema seluk no mos ligação ita ho Maromak iha sociedade. Evangelho semana nee hanorin ita realidade balu iha ita nia-an no iha sociedade. Elemento hirak nee mak hanesan: controvérsa, moras aat, matan delek físicamente & Espiritualmente.

Primeiro: Controvérsia. Relato Evangelho haktuir katak. Ema nebé matan delek desde moris, hetan cura husi Jesus. Problema mak Cura (penyembuhan) ida nee hamosu fali problema/desentendimento/conflito de interece iha sociedade.Wainhira fariseu ho escriba sira husu ba matan delek nee, nia hatan:“Jesus tau taho ba ha’u nia matan, hafoin ha’u ba fase, oras ne’e ha’u haré”. Matan delek nee transforma husi nakukun ba naroman tan nia matan hetan recuperação husi Jesus nia acto milagroso.Ema nee considera Jesus uluk liu nudar ema ida (mestre ida), hafoin haré Jesus nudar profeta ida no ikus liu nudar Maromak Oan.

Pelo contrário, grupo fariseu wainhira haré realidade milagrosa nee ho perspectiva vingança (dendam), tan sira la haré lacuna eh leet ruma hodi condena Jesus nia ação caridade nee. Até que sira lakohi confessa Jesus nudar ida nebé mai husi Maromak ho razão Jesus cura ema moras iha loron sábado nebé bando iha lei judaica.

Desgraça ba sociedade mak ema barak nebé orgulho-an hanesan ema religioso iha altura nebá, afinal sira rasik matan delek no fuan taka metin ba realidade nebé acontece. Tauk lakon popularidade no vingança mak sai hanesan sira nia motivação hodi rejeita ema matan delek nebé curado por milagre husi Jesus.

Ditado kmanek ida dehan nunee: “A maior vingança é o desprezo”. Político Oportunista sira merece hetan desprezo husi natureza no husi sociedade tan sira nia ambição ba ukun maibé haluha tiha objectivo fundamental husi ukun.

Hakat liu oitoan mai ita nia realidade ohin loron, nação barak mak declara-an mais religioso maibé, iha fatin hanesan, sira matan delek ba problema social hanesan kiak no moras sira iha sociedade li-liu povo rasik. Iha contexto Timor Leste, oras nee, CORONA ameaça husi sorin, desastre Naturais ameaça husi sorin maibé, político sira matan delek nafatin hodi buka leet hatun malu, buka leet atu manan confiança poder, halo coligação quinto-canto hodi aproveita regalias estado enquanto povo afectado sira luta mes-mesak hodi hadia sira nia horik fatin (uma) nebé sofre inundação. 

Nee mak controvérsia simplicidade puro no matenek (conhecimento) falso; entre convicção (keyakinan) religiosa ho fanatismo fiar nebé falso. Nudar iha Evangelho, matan delek nebé la matenek boot ba assunto religião, até que dalaruma la badinas reza mos ou ba uma kreda.

Matan delek nee só consciente deit katak uluk nia mundo nakukun, agora Jesus halo na haré naroman. Tanba nee mak nia responde ba fariseu sira hodi tenik: “buat nebé hau hatene mak; uluk hau matan delek no agora bele haré hikas naroman”.

Ema nee la inicia ninia cura ho estudo científico ruma kona religião maibé, apenas confissão eh convicção (keyakinan) ba Jesus nebé fo moris foun, salva no desvia ninia delek, fo esperança foun, coragem! Tan nee mak delek nee dehan: “Ha’u fiar, Na’i!”.

Segundo: Terus/sofrimento. Qualquer terus físicamente, tanto espiritualmente, bele causa pressão psicológica no espiritual grave. Tansa mak tenke mosu terus no doenças oi-oin? Tansa Maromak husik realidade hirak nee acontece? Se mak culpado, delek, diuk, tohar, beil no seluk tan?  Ditado ida dehan:“Um momento de paciência pode evitar um grande desastre; um momento de impaciência pode arruinar toda uma vida…”.

Será que sofrimento inclui realidade desgraça sira iha sentido mai ita? Valor saida mak ita aprende husi desgraça hirak nee? Se mak sai causa principal (autor)? Tan nee mak termo DELEK dala barak ita utiliza hodi descreve ou simboliza ita nia incapacidade entende/discerna qualquer sofrimento nebé mosu mai. Sofrimento bele diminui ou bele aumenta wainhira ita liga liu ba questão religião, política, social, cultura…nst. Kmanek mos ba ita hodi reflecte keta ita mos contribui ba desastre nee rasik karik?

Nunee mos delek bele mosu wainhira ita liga desastre naturais ho impasse política ba incapacidade ho interece política. Oras nee, delek modo ida nee mak viral liu iha Timor Leste. Devia cria condição hodi prevene invasão CORONA lae, ministério balu nia director geral sibuk mak buka osan 2 milhões hodi ba particiapa EXPO DUBAI.

Ida nee mak delek lolos tuir contexto política ita nian. Imagina 2 milhões nebe oras nee sira buka tun buka sae hodi deve husi empresário balu, nee mak utiliza hodi prepara fatin carantina ba suspeito CORONA ou 2 milões nee mak uza hodi estabelece hikas bairro afetado sira karik, nee kal sei diak liu do que grupo ida rua nia interece hodi gasta osan estado ba passeio iha DUBAI.

Iha âmbito política rai laran, situação impasse política la iha certeza bainhira los mak atu termina. Político sira matan sei delek hodi buka leet hadau malu ukun iha situação ida que mundo oras nee luta hela hasoru epidemia CORONA. Impasse quase la iha rohan tan deit vingança política entre político sira. Hot-hotu hakarak kaer ukun, hot-hotu hakarak aproveita regalias estado nebé halo ema toba deit, la serviço buat ida hakfodak mai moris garantido ho pensão vitalícia, enquanto povo iha cidade Dili deit desorganizado, quanto mais iha município sira.Mahatama Gandhi nia lia fuan kroat nee merece prega ba político sira nebé apveita situação: “Aquele que não é capaz de governar a si mesmo, não será capaz de governar os outros.”

Terceiro: delek (Cegueira (cego)-kebutaan). Ohin loron, para além de instituição formal sira (governo), institução religiosa (Igreja), mosu mos organização oi-oin nebé kulit ONG maibé laran seita (sekte) hanesan testemunha jeova nebé ameaça ema nia fiar ho castigo inferno. Tuir lolos, instituição religiosa hanorin sobre fiar no relação entre ema ho Maromak. Enquanto estado luta ba ema nia Bem Comum (justiça social). Se instituição formal hirak nee desvia husi missão ida nee, significa delek ba realidade. Exemplo mak grupo religioso fariseu la consegue hare imagem Jesus hanesan Maromak nia Maksoin hodi fo culpa ba Jesus nia ação ao mesmo tempo halo pressão ba matan delek nebé curado.

Para além de situação hirak nebé descreve ona iha reflexão nee, ita agradece no fo honra ba comunidade ida-idak nebé fo liman ba malu hodi reestabelece hikas sira nia horik fatin, aplaus ba grupo oioin nebé halao ona limpeza geral iha fatin público sira nebé afectado, partido político balu nebé halo ação caritativa, figura carismático Xanan Gusmão nebé tun diretamente maske mosu mal interpretação política ba lalaok hirak nee, equipa F-FDTL ho general Lere nebé husu Governo atu feriado loron rua hodi halo limpeza Geral, hafoin Primeiro Ministro Taur Matan Ruak rasik mos tun direta, hafoin General Lere rasik mos movimenta força armada sira hodi halo limpeza iha escola portuguesa no escola 5 de Maio Becora. Ida nee mak realidade nebe la DELEK ou sensível ba situação social ema nian.

Igreja Católia rasik hasai ona circular ida hodi muda no suspende lalaok balu iha activiadade religiosa ho motivo hodi evita virus CORONA la bele daed lalais ba ema barak.

Pior liu husi realidade mak, político ida rua sei aproveita situação nee hodi fo sala ba malu relaciona ho governação. Iha situação perigo hanesan epidemia CORONA ho desastre naturais la devia ser político sira arpoveita hodi buka palco. Ida nee mak Delek lolos. Hanesan iha Jesus nia tempo, fairseu buka fo sala Jesus, enquanto ohin loron político sira aproveita hatun malu hodi kaer ukun. Tanba nee mak matenek nain ida naran; DIRCEU AZEVEDO hakerek: “Existem profetas malditos que nos tiram a paz com revelações catastróficas”. Político sira nebé aproveita situação hodi buka palco política merece ba expressão nee. Mahatama Gandhi ho lia fuan kroat hatete: “Aquele que não é capaz de governar a si mesmo, não será capaz de governar os outros.”

Jesus nia lalaok no imagem hanorin ita atu haré dook liu ba oin kona ba siada mak diak ba ema barak no saida mak serve deit ba interece grupo ida rua nian. Milagre sira hanorin ita conhece diak liu Maromak, enquanto desastre sira hanorin ita oinsa luta ba ema barak nia diak (Bem Comum). Imi buka tuir naroman oan. Basá, naroman mak haki’ak laran luak, jistiça no lialós. Assim seja e Bem Haja (ignasoliveira)

Leave a Reply

Your email address will not be published. Required fields are marked *