shadow
Diocese de Dili > NOTÍCIAS > Notícias > PNTL HUSU COMUNIDADE ALERTA BA SIDADÃO SIRA BE TAMA ILEGAL MAI TIMOR

PNTL HUSU COMUNIDADE ALERTA BA SIDADÃO SIRA BE TAMA ILEGAL MAI TIMOR

Dili 30 Março 2020 (DCAD) – Comandante Superintedente Polícia Município Dili Armando Monteiro husu ba comunidade sira hotu iha territorio timor laran atu tau atenção ba cidadão timoroan sira nebe tama ilegal mai timor atu lalais hatoo lalais informação ba autoridade do suco no informa mai polícia no Ministério de Saúde hodi foti medida.

“iha parte balun ita bele dehan comunidade sira oras nee colabora diak tebes ho parte polícia no parte saúde nian. comunidade sira nia vigilânçia / alerta ba pandemia ida ne’e maka’as tebes. Iha contribuição no informação sira dala ruma ami equipa ministério la acesso, maibe comunidade sira mak hetan no sira informa kedas cidadão sira nebe tama ilegal hanesan iha Taibesi, Audian, Bemori, iha Metiaut, Surikmas, Manleuana no mos Kampung Alor. Ne’e  comundade rasik descobre no informa ba Polícia liu hosi Autoridade Local no ita comunica no cordena kedas ho técnico Saúde nian hodi desloca kedas ba quarentena sira nebe mak iha dili laran atu ne’e sira mos cumpre sira nia dever tuir protocolo organização Mundial Saúde nian nebe mak implementa iha ita nia nação Timor-Leste, dehan Comandante Superintedente Polícia Município Dili Armando Monteiro iha Centro Convenção Dili (CCD) segunda nee.

Comandante Superintedente Polícia Município Dili Armando Monteiro bolu atenção mos ba sidadão tomak iha dili laran atu cumpre ita nia decisão estado emergência nebe decreta ona. Nia husu ba sociedade tomak atu contribui hamutuk hodi combate hasoru pandemia COVID-19. (Alin/Leo)

Leave a Reply

Your email address will not be published. Required fields are marked *