shadow
Diocese de Dili > NOTÍCIAS > Notícias > PNTL PREPARA TAN NIA MEMBRO HODI COLOCA IHA QUERENTENA FOUN IHA DILI LARAN

PNTL PREPARA TAN NIA MEMBRO HODI COLOCA IHA QUERENTENA FOUN IHA DILI LARAN

 Dili 30 Março 2020 (DCAD) – Comandante Superintedente Polícia Município Dili Armando Monteiro hateten nia parte sei coloca tan ninia membro polícia ba fatin sira nebé Ministério de Saúde hili nudar fatin querentena.

Armando Monteiro fo sai assunto nee baseia ba plano Ministério de Saúde nian nebé mak  identfica tan ona fatin 4 iha dili laran nebé sai tan hanesan fatin querentena. No Parte polícia nian oras nee sei hein husi equipa linha ministerial atu informa kona ba fatin querentena nebé prepara ona, hodi nune’e Comando PNTL bele coloca ninia membro sira hodi fo sigurança iha fatin refere.

“Oras nee daudaun PNTL destacado hela iha fatin 13 nebé Ministério Saúde hili nudar querentena hodi acumula ita nia maluk timoroan sira nebé fila husi estrangeiro tama mai too ohin loron. Tanba nee parte polícia nian pronto atu bele assegura ba decisão no alojamento nebé mak hetan autorização, atu nune’e bele coloca segurança, haktuir Comandante Superintedente Polícia Município Dili Armando Monteiro iha Centro Convenção Dili segunda nee”.

Comandante Superintedente Polícia Município Dili Armando Monteiro iha ninia declaração sira katak, Dili agora nee daudaun iha ona posto Isolamnto rua no posto estatística ba querentena hamutuk 13 mak segurança colocado. Nune’e nia parte sei nafatin halo pedido ba comandante geral atu nafatin apoio atu nune’e hodi fo seguranca máximo ba fatin quarentena iha Hotel sira iha dili laran tomak. (Alin/Leo)

Leave a Reply

Your email address will not be published. Required fields are marked *