shadow
Diocese de Dili > NOTÍCIAS > Notícias > GABINETE GESTÃO DE CRISE COVID-19 DECLARA; NÚMERO CASO POSITIVO COVID-19 IHA TIMOR-LESTE MANTEIN NAIN IDA (1)

GABINETE GESTÃO DE CRISE COVID-19 DECLARA; NÚMERO CASO POSITIVO COVID-19 IHA TIMOR-LESTE MANTEIN NAIN IDA (1)

DILI 02 Abril 2020 – Governo liu husi ‘Centro Integrado Gestão de Crise (CIGC)’ anuncia ba público relaciona ho dados nebé recolha husi sistema de vigilância epidemológica Ministério de Saúde nian hatudu katak to’o ohin tuku 12 meiodia, sura hahu husi comissão interministerial ho comissão tecníca hahu halo preparatórios atu responde ba pandemia ida ne’e, caso importado husi moras covid-19 sei nafatin ema ida (1) no seidauk iha caso foun. No número ema nebé halo auto confinamento obrigatório ka auto quarentena sei a’as.

“tuir termonologia nebé decreto do guverno número 3/2020 aprova iha oin rua; iha auto confinamento obrigatório significa sira quarentena iha uma, iha municípios iha ema nain 125 no iha Dili iha ema nain 138. Confinamento nebé halo iha instalações nebé Ministério da Saúde mak supervigiona, iha município hamutuk iha ema nain 71 no Dili iha 701. Portanto total confinamento obrigatório ba quarentena oras ne’e daudauk iha ema nain 1,035 sira hot-hotu mai husi paises nebé afetados haktuir Cordenador força tarrefa ligação Covid-19 Dr. Rui Maria de Araujo iha comunicado da imprensa iha Centro Convenções de Dili quinta nee”

Dr. Rui Maria de Araujo hateten “Husi sira ne’e la inclui sira nain 333 nebé liu ona 14 dias iha confinamento obrigatório tanto iha uma como iha instalação nebé Ministério da Saúde supervigiona.

“Iha periodo husi hahu kedas guverno halo preparatórios atu enfrenta pandemia ne’e to’o ohin meudia casos nebé suspeitos hamutuk ema nain 35; suspeito hanesan ema nebé mai husi fatin nebe afetado ka ema nebe iha contacto ho caso confirmado nebé hahu hatudu sintomas de infeção respidetorial aguda hanesan isin manas, mear no kakorok moras no seluk tan. Tanto to’o ohin, ema sira ne’e hamutuk nain 35; halo análize ninia resultado sei nafatin ida mak positivo nebé mak confirmado ka anuncia iha dia 21 de Março caso confirmado mantein ho ida ne’e nafatin. No hirak nebé negativo ona iha ema nain 24. Hirak nebe provável significa sei hein resultado análize ka iha condições para atu halo análize provável ne’e iha ema nain 10, dehan Dr. Rui Maria de Araujo”

Cordenador força tarrefa ligação Covid-19 reforça tan katak “Pontos nebé centro integrado de gestão de crise hakarak atu sublinha ba público kona ba dados sira ba loron ohin katak, caso importado husi moras covid-19 sei nafatin ema ida (1) no sidauk iha caso foun. No número ema nebé halo auto confinamento obrigatório ka auto quarentena sei a’as. (Alin/Leo)

Leave a Reply

Your email address will not be published. Required fields are marked *