shadow
Diocese de Dili > NOTÍCIAS > Notícias > SECOMS; GABINETE GESTÃO DE CRISE SAI CENTRO BA INFORMAÇÃO COVID-19

SECOMS; GABINETE GESTÃO DE CRISE SAI CENTRO BA INFORMAÇÃO COVID-19

DILI 2 abril 2020 (DCAD) – Secretário Estado Comunicação Social Merício Juvinal ‘Acara’ recomenda ba pública atu fiar ba informação nebé transmite liu husi representante Gabinete Gestão de Crise nebé chefia husi Primeiro Ministro Taur Matan Ruak.

“Centro Integrado Gestão de Crise existe basea ba Lei, nebé lidera direta husi Primeiro Ministro Taur Matan Ruak ho nia vice Brigadeiro General Aluc no envolve mos entidade hotu no linha ministerial sira hodi luta contra covid-19. Tanba ne’e hot-hotu tem que rona informação ida deit, tuir orientação ida deit no comando ida deit husi Gestão de Crise, laiha tan comando A B C” dehan Secretário Estado Comunicação Social Merício Juvinal Acara iha Centro Convenção Dili quinta ne’e.

Membro governo ne’e dehan “iha situação emergência ida ne’e, ida nebé facilita informação ba ita boot sira liu husi odamatan ida deit no odamatan ne’e maka Gabinete Gestão de Crise covid-19 no Equipa ne’ebe mak serviço iha Gabinete Gestão de Crise ida ne’e mak sei fo informação oficial. No fora de comando Gestão de Crise sei la hatene. Tanba ne’e sei deit mak halo informação ho intenção pessoal ne’e la representa Gabinete Gestão de Crise”.

Acara hateten “hau husu ba media sira atu assegura informação sira nebé mak atu sai ba público relaciona ho Covid-19, ita boot sira bele divulga informação husi Gabinete Gestão de Crise fo sai. Tanba ne’e, hahu agora ba oin media center ne’e mak sei sai centro ba informação. (Alin/Leo)

Leave a Reply

Your email address will not be published. Required fields are marked *