shadow
Diocese de Dili > NOTÍCIAS > Notícias > CIGC COVID-19; BA OHIN LORON CASO, SUSPEITO ‘44’, POSITIVO MANTEIN ‘1’ NO NEGATIVO HAMUTUK ‘41’.

CIGC COVID-19; BA OHIN LORON CASO, SUSPEITO ‘44’, POSITIVO MANTEIN ‘1’ NO NEGATIVO HAMUTUK ‘41’.

DILI 06 Abril 2020 – Governo liu husi ‘Centro Integrado Gestão de Crise (CIGC)’ anuncia ba público relaciona ho dados ne’ebe recolha husi sistema de vigilância epidemológica Ministério de Saúde nian hatudu katak to’o ohin loron 6 abril too oras 12:00 meiodia, Ba caso isolamento no diagnóstico laboratório mantein la iha mudança; caso suspeito nafatin 44, confirmado ka possitivo mantein nafatin 1 no negativo hamutuk 41 haktuir Cordenador força tarrefa ligação Covid-19 Diretora Geral Proteção Saúde Odete da Silva Viegas.

“Ba caso isolamento no diagnóstico laboratório mantein la iha mudança katak suspeito nafatin 44 pessoas, confirmado ka positivo 1 no negativo hamutuk 41 pessoas. Aproveita mos oportunidade ida ne’e hakarak apelo ba maluk sira ne’ebe mak ohin completa ona 14 dias dadauk ne’e halo sira nia viagem ba iha município atu nafatin mantein no cumpre regras medidas de preventivas mak hanesan; nafatin hakmatek iha uma, evita atu halo grupos, mantein bem distância no usa maskara hodi evita an husi moras covid 19, dehan Cordenador força tarrefa ligação Covid-19 Diretora Geral Proteção Saúde Odete da Silva Viegas iha Centro Convenção Dili Segunda ne’e”.

Centro Integrado Gestão de Crise (CIGC) anuncia mos ba público relaciona ho dados ne’ebe recolha husi sistema de vigilância epidemológica Ministério de Saúde nian hatudu situação actual kona ba dados ba quarentena obrigatório iha ema nain 867 composto iha Dili hamutuk iha nain 742 no iha município hamutuk nain 125. No mos auto quarentena ne’ebe hala’o iha uma hamutuk nain 119 nebé composto iha uma Dili hamutuk nain 60 no iha município hamutuk nain 59. Total ema nain 986 mak oras ne’e cumpre hela quarentena. (Alin/Leo)

Leave a Reply

Your email address will not be published. Required fields are marked *