shadow
Diocese de Dili > NOTÍCIAS > Notícias > XANANA ; SAI HUSI QUARENTENA HAKASAN SAI EXEMPLO BA FAMÍLIA NO SOCIEDADE

XANANA ; SAI HUSI QUARENTENA HAKASAN SAI EXEMPLO BA FAMÍLIA NO SOCIEDADE

DILI 06 Abril 2020 (DCAD) – Governo liu husi Ministério de Saúde iha segunda ne’e, hola decisão hodi entrega hikas cidadão nain 164 nebé completa ona 14 dias iha quarentena hanesan iha Hotel Audian (66 pessoas) no Hotel Novo Horizonte (98 pessoal) ba ida-daik nia hela fatin tanba submete ona periodo de encubação la hatudu sintomas Covid-19.

Lider Nacional Kay Rala Xanana Gusmão, apela ba cidadão nebé passa ona 14 dias quarentena periodo de encubação iha Hotel Audian no Hotel Novo Horizonte atu bainhira fila ba uma hakasan sai exemplo ba família no siociedade.

“husi Hotel Audian no Novo Horizonte ita fo exemplo ida diak teb-tebes para atu halo prevenção Virus Corona mosu iha ita nia rain. Ne’e duni orsida imi sai ba imi buka sa hatudu exemplo diak ba iha sociedade. sira iha uma simu imi karik lalika halo festa liu-liu oinsa buka atu educa comunidade sira oinsa atu combate hasoru virus ne’e. Ita louva teb-tebes conciência social humana husi ema estrangeiro ida nebé iha hela Vera Cruz tan nia rasik apresentaan hodi bele controla no Graças a Deus too oras ne’e iha ita nia rain sidauk iha, dehan Lider Nacional Kay Rala Xanana Gusmão iha Hotel Novo Horizonte Metiaut Dili.”

Lider Nacional Kay Rala Xanana apela mos ba cidadão sira nebé completa ona 14 dias iha quarentena atu nafatin halo contacto ho profissional de saúde sira karik desemvolve sintomas ruma iha imi nia hela fatin. (Alin/Leo)

Leave a Reply

Your email address will not be published. Required fields are marked *