shadow
Diocese de Dili > NOTÍCIAS > REFLEXÃO > Housi bosok no Manipulação da Conciência, Salva ami Nai!

Housi bosok no Manipulação da Conciência, Salva ami Nai!

Estudante Teologia iha Instituto de Filosofia e de Teologia – ISFIT Dom Jaime Garcia Goulart,

no Seminarista iha Seminário Maior São Pedro no São Paulo Fatumeta, Dili.

oras ne’e estuda iha Pontificio Universidade Urbaniana, Roma

 

Reflexão simples ida ne’e hetan inspiração iha oração nebé Santo Padre Francisco dirige iha dia 27 de Março 2020 liu ba ne’e. “Dagli ingani […] e dalla manipolazione delle coscienze, Salvaci, o Signore! Oração ida ne’e fo biban mai ha’u, maibé ha’u convida mos itabot sira, atu ita reflete hamutuk ho hanoin balu housi Teologia Politica. Portanto, ha’u aviso kedas ona ida ne’e katak, teologia política laos haruka ita atu halo política (compete ba kaer ukun, lae!). Teologia Política (TP) la hanesan Ciênica Política (CP) nem hanesan Filosofia Política (FP). Embora antes ne’e ema dehan TP ne’e ramo ida housi FP no Teologia rasik, tamba atu haré ba aspeto comum no relação entre religião no política. Maibé depois de Concílio Vaaticano II sae mai, TP muda nia direção bolu naran “A Nova Teologia Política” atu estuda kona ba mudanças sociais nebé provoca housi iluminismo no marxismo hodi halo mensagem bíblica sira sai tiha hanesan “uma coisa privada” laiha relação ho ema nia moris. 

 

Ciência política, filosofia política, teologia política.

Ita ba haré liu de’it sira nia diferença, tamba laos oportuno atu ita traata iha momento ida ne’e. CP koalia kona ba teoria e práica de um sistema político, administração pública (plano estraatégico do governo, etc…), então koalia kona ba realidade atual, impírica ho metodológica. FP: estudo dos conceitos, dos fundamentos e dos modelos de atividade política. De modo mais tradicional é a descrição, projeção, teorização da ótima repúbica. A busca do fundamento último do poder. Então ita haré, FP é o discurso sobre o discurso. Enquanto TP é discurso sobre Deus neste momento. TP fo énfase ba iha “buat nebé ha’u fiar ha’u tenke tau iha prática”. Ou ita bele dehan buat nebé ha’u fiar (Lex Credendi), ha’u reza (Lex Orandi), ha’u celebra bebeik iha tempoestabelecido(Lex Celebrandi) depois ha’u tau/prática iha ha’u nia moris lorloron nian (Lex Vivendi). Dala ida tan, hanesan ha’u aviso ona, TP laos hanorin ita halo política (hari partido, lae) maibé fo biban mai itasai ema nebé crítico. Hanesan sarani ida iha sociedade, igreja no ho história própria ida. La bele housik liu de’it quando mosu injustiça, desigualdede, acto desumano,condição desumana, la respeita malu, corrupção, ect… ita ba contempla no reflete tok ho realidade ita nia rai doben Timor Leste nian.

 

Teologai Política hanorin saida ba ita.

Teologia política hanorin ita atu halo crítica, ba buat sira nebé mak ita haré, lao lalos iha ita nia sociedade. Ita crítica tamba ita haré ema barak terus. Ita la bele nega! Ita la bele taka maatan! Então teologia política dehan ida ne’e ita halo acto de solidariedade. Ita nia crítica sira funda iha ita nia knar profética nebé ita adquire iha Sacramento Baatismo (tamba ho Sacramento Baatismo ema ida hetan knar tolu hanesan: Profeta, Nailulik no Liurai). Hanesan profeta ida, laos de’it haateke ba oin (profecia/ profetiza) maibé mos fila ba kotuk hodi haré injustiça, kiak, ema barak terus (iha rikusoin nia leten), ect…. hodi dehan ne’e lalos, ne’e condição desumana. Ema sira ne’e mos criatura Maromak nian. Criatura umana ida nebé ho dignidade-ás liu compara ho criatura sira seluk nebé Nai Maromak cria iha mundo ne’e. Wainhira sarani ida halaonia knar ida ne’e, implicitamente, teologia política dehan katak ema ne’e ‘místico-político na sequela de Cristo’. Mistico tamba mai kedas ho ninia fiar no iha duni fiar ida. Fiar nu’udar sarani. Fiar nebé radica iha Memória (iha mistério de Incarnação, paixão, morte e ressurreição de Nosso Senhor Jesus Cristo), haburas housi Kerygma hanesan narração nebé continua bebeik no realiza ho solidariedade “uma só alma e um só corpo”. Nopolítico tamba tau iha prática/ prassi. Ou ita bele dehan housi Ortodoxia ba iha Ortopraxia, hodi lao tuir nafaatin Nai Jesus Cristo nia hanorin sira. Tamba Nai Jesus Cristo laos hanorin ita atu ódio malu, fahe malu, oho malu, ect… Por ventura, tamba erro humano lia-ruma naksalak ba malu karik, normal. Maibé hela nafaatin iha condição ida ne’e, hodi haré malu hanesan inimigo, ne’e la normal. Laiha tan dalan seluk, teologai política dehan halo reconciliação atu recupera fali ksolok nebé tertunda (hela karik), kanek sira (nebé halo moras) atu bele moris iha dame/ paz nia laran. Tuir saida mak Nai Jesus Cristo rasik hanorin hela “Ha’u nia dame hela ho imi”. Portanto, Teologia política halo com que ema ida maduro atu tama iha sociedade no iha situação saida de’it. Laos atu taraata ema seluk, laos atu hanorin ema fahe malu, sá tan aatakamalu (hanesan labarik sira hadau malu hahan iha tempo hamlaha karik) maibé halo sociedade ida nebé iha ksolok, paz, reconciliação, justiça, etc… tuir Nai Jesus Cristo nia hanorin sira (se la sai traidor bai Evangelho).

 

Realidade ohin loron iha Timor:

Entre lakon (povo ki’ik) no apvoveita (bot-sira)oportunidade

Ora bem, ita sintonia oitoan ho ita nia realidade Timor nian. Ita acompanha iha notícias sira hahu kedas hudi problema artes marciais e rituais. Impasse político: fo impacto ba economia rai laran hakdasak, povo barak sofre. Vida social: ema lubun oan ida haré malu ho maataikun de’it. Dezastresnaturais: inundação, udan-anin sobu povo ki’ik barak nia uma no ida ikus-ikus ne’e mak COVID-19 nebé nia status ne’e sae ona ba pandemia. Housi meios de comunicação social sira la seluk la let: COVID-19 iha Nação ida positivo hira, hira mak recuperado no liliu hira mak housik ona mundo ida ne’e. Situação ne’e halo com que, ema nia hanoin no preocupação (em certo modo) sira sai ida de’it. Hanesan los Santo Padre nia reflexão iha dia 27 de Março 2020 liu ba ne’e: ita hotu iha barco ida de’it tamba ita hotu mesak maun alin de’it. Ida la ba uluk. Ida la lao tuir, maibé hot-hotu lao hamutuk ba objetivo ida de’it: combaate corona virus nebé ho nia grau naran pandemia.

Timor nia situção ida ne’e, halo povo ki’ik sira lakon oportunidade barak. Desemprego aumenta, mal nutrição aumenta, mosu conflito barak entre jóvem sira tamba laiha serviço. Ema nia moris ladun favorável atu desenvolve-an. Escola barak condição ladiak (se ita check didiak escola sira barak nia condição aaat ne’e, bot ida nia oan nunca ba escola iha neba,) maibé nakonu ho povo simples nia oan. Imagina! Sira nia futuro ba nebé! Aumenta tan ho impasse político, inundação, COVID-19 no agora ho Estado de emergência, coitado! Povo lakon oportunidade barak. Maibé bot-sira moris diak hela tamba iha Orçamento duodéssimo no pensão vitalícia. Povo terus! Bot-sira aproveita hela de’it! Teologia política hanorin ita atu halo solidariedade ho sira nia terus (mesmo que ho de’it gesto simples ida) maibé dehan liu tan, hamutuk ho sira ita triste tamba ida ne’e injustiça no ita sente oprmido iha ita nia rai rasik.

Situação complicada tiha ona, aumenta tan COVID-19, halo ema barak tauk no la sente seguro iha nia rai rasik. Tamba notícias dehan iha Itália, Espanha, América, Indonésia, etc… ema mate loron-loron ho número nebé mak ita la imagina. Iha momento ida hanesan ne’e ema tur hodi reflete kona ba sentido de vida. Moris ne’e iha duni nia valor . Mesmo que, moris ne’e badak hela, maibé iha nia mistério nebé profundo no iha nia complexidade rasik. Então ema barak buka atu evita moras ida ne’e. Nação desenvolvida sira ho sira nia tecnologia avançada mos la consegue trava COVID-19 nia difusão, oinsa ho Nação sira nebé iha hela post-conflito no sub-desenvolvida. Iha momento sira ne’e duni mak, ema começa joga ona ho nia ‘fiar’. Tó iha ponto ida, ema obriga Maromak atu halo milagre liu housi nia oração sira. Balu sai atu sai tiha hanesan anjo no santo sira, balu fali ita tau iha questão!.

 

Entre fiar ho razão hasoru realidade nebé ita descreve ona.

Housi loron ba loron ita nia memória simu notícias oi-oin maibé barak liu mesak notícias falsas de’it. Iha notícia balu la mai housi fonte/nara sumber nebé credível. Apesar de notícia falsa maibé lori ema barak moris iha tauk no trauma nia laran, entre notícia sira ne’e ida mak notícia kona ba COVID-19 nebé ita temi ona iha leten. COVID-19 halo atividade barak iha ita nia Nação paralizada inclui missa dominical.Missa laos ona celebra hanesan babain maibé iha nia limitação. Kona ba missa dominical nebé la celebra hanesan babain, a propósito, iha ema balu nia reação de maneira espontânea maibé mos séria ho expressão sira: ‘Amo sira mak fiar laiha uluk ona ne’e, ita sarani sira atu halo tan saida!’‘Igreja la bele taka, tenke loke para sarani sira ba missa, uluk tempo funu mos ita la tauk sá tan tauk fali ba corona-virus’. Embora hanesan ne’e, iha balu […] halo fali sira nia reação quase atu hanesan ho reação sira iha leten: ‘la bele taka missa dominical, se mate, mate hamutuk’ (TP hanorin duni solidariedade, maibé neste caso, mate karik laos mártir da fé, maibé mati konyol). Iha sorin seluk ita rona mos expressão sira: ‘ita (bot) sira ne’e mak la iha liu fiar ne’e, povo ki’ik sira iha karaik nebá, sira nia fiar ne’e metin!’,‘Ita nia Estado tenke taka fronteira sira atu evita ema lori corona-virus barak tama mai ita nia rai, ita nia hospital laiha facilidade adequada atu atende ba problema refere’. Implicitamente ita hanoin dehan ema sira ne’e hatudu sira nia conciência crítica ba situação refere, maibé no fundo sira hatudu sira nia conciência manipulada, tamba acumula demais informações falsas. Nia consequência, ita nota katak balu halai iha linhafideismo” nian no seluk halai iha linharacionalismo” nian. Sira nebé hakarak manifesta katak sira ema fiar nain hodi la tauk mate ikus mai tama tiha iha corrente fideismo nian (fideismo: fiar mak importante la tau importância ba razão). Sira nebé tau liu confiança ba iha kakutak hodi hakarak resolve problema hotu ho razão, monu tama tiha ba iha corrente racionalismo nian (racionalismo: tau liu importância ba razão no la preocupa ho nia fiar).

 

Housi fideismo no racionalismo ba Fides quaerens intelelectum.

Maluk sira! Corrente rua ne’e (fideismo no racionalismo) Igreja condena hotu, enquanto lao mesa-mesak. Ita nia fiar hanesan don ida nebé mai housi Maromak rasik. Don ida ne’e ita considera hanesan luz sobrenatural nebé mai housi Maromak rasik. Fiar ida ne’e duni halo ita iha força no iha mos esperança hodi hasoru situação refere. Maibé ita la bele nega, ita nia razão fali hanesan luz natural nebé mak nia origem iha Maromak hotu, dehan mai ita moras ida COVID-19 ne’e daet lalais liu housi ita nia contancto sira. Ita halo análisa karik dehan, ita iha fiar duni atu hasoru situação ida ne’e, maibé ita nia razão mos dehan katak moras ida ne’e daet lais tebes, nia consequêcia lori ba mate. Então ita la bele ignora katak luz natural ida nebé Maromak tau iha ita ne’e tulun ita observa, tetu depois mak halao (agir). Luz natural ida ne’e tulun ita nia fiar bele funciona ho diak. Maibé ita hakarak obriga-an hodi dehan ‘ha’u iha fiar, ha’u ba de’it’… Hahalok ida ne’e obriga Nai Maromak atu halo milagre. Ita hatene katak iha Bíblia sé mak obriga Jesus (Maromak) atu halo milagre? [ida-idak reflete hodi fo rasik resposta ba]. Elemento rua ne’e sempre lao hamutuk. Então maluk sira! ita nia fiar hetan explicação nebé racional no ita nia razão hetan suporta housi fiar atu ita la bele sai homem vazio. Housi uluk kedas ita ronadoutor da igreja sira hanorin Fides quaerens intelelectum. Fiar nebé han malu ho ita nia razão.

 

Povo Timor nia moris housi:

Situação (impasse político) ba Estado de emergência

Situação sira ita foin descreve lalais ne’e, obriga ita nia rai tenke moris iha Estado de emergência. Coitado! Povo barak moris iha destraido nia laran tamba dezastres naturais seidauk resolvido aumenta tan peso seluk ida. Aat liu tan mak Estado Timor hasoru hela impasse politico (dudu ba la ba, dada mai la mai), housi impasse ida ne’e implica mos ba Orçamento Geral do Estado la passa iha Parlamento Nacional. Sé mak terus, povo! Partidos políticos sira nebé agora kaer ukun iha campanha koalia buat ida, tó iha ukun halo buat seluk. Então ita reza nafaatin housi bosok no manipulação da conciência, salva ami Nai! Mesmo que, ema sira ne’e barak mesak ema sarani nebé fiar nain de’it. Em vez de halo tuir Jesus maibé imita liu mak Pilatos (ida hatudu liman ba ida, ida fase liman, laos fase liman tamba COVID-19 maibé tamba hakarak halai housi realidade no responsabilidade). Los duni! Ita ema naturalmente hamrok ba poder/ ukun/ domínio. Ita nia rai ema (bot) barak tebes mak sarani. Então buat nebé sira fiar kal hela de’it iha fiar (Lex Credendi) la lori ba Lex Orandi, Lex Celebrandi, sa tan prática iha moris loro-loron nian (Lex Vivendi). Hela de’it iha ordodoxia la lori ba iha ortopraxia, ne’e fariseu sira mak hanesan ne’e. Hahalok sira hanesan ne’e teologia política condena makas. A próposito, atu ita la bele liu let de’it, ita haksoit oitoan lai ba haré, oinsa ema ida “hamrok” ba poder. Aaté bosok ema no manipula ema nia conciência ‘mate ka moris laiha tan ona ema seluk’. Embora nia (povo) terus hela maibé bele halo Com quepovo ida ne’e haluha-rai katak nia terus hela (gravemente terus hela iha nia rikusoin nia leten).

 

Ita ema qunado “hamrok bapoder” haluha ema seluk nia terus.

Ema ida quando hakarak ukun, nia bele iha keinginang berkuasa/ sede do poder, o que é importante, la bele sai apáticohodi destroe (menghancur)nia povo no nia rai rasik. Maibé nia iha prudência no domin tomak atu hametin unidade iha pluriformidade, laos unidade atu uniformiza maibé atu unifica povo hodi dehan katak ita hotu mesak mau alin de’it. Ita hotu mesak timoroan de’it. ema nebé hatene lori povo ba halo buat ruma ka sai creaativo/ produtivo (homo faber no homo oeconomicus), tau importância ba Educação halo povo sai homo sapiens no homo intelligens, atu ema bele iha capacidade diak ba ars bene leggendi (arte de ler bem) no ars bene dicendi (arte de falar bem) iha público no iha media social sira no iha nebé de’it nia apresenta-an ba. Laos lori povo atu sai inimigo ba nia maluk (homo homini lupus).

Ema ida atu kaer uluk, uluk liu seiliu housi processo. Sociedade mak investe (liu housi Eleição) ba ema balu atu bele sai ukun nain. Ohin loron, kanal kmok liu, mak liu housi partidos políticos(sine quo non) atu bele caça poder refere. Maibé ho dalan nebé justo no legal, atu povo la bele fila harohan: Housi bosok no Manipulação da Conciência, Salva ami Nai!

 

Ikus liu, maluk sira…

Teologia política hanorin ita atu la bele nonok hasoru realidade ida ne’e, fanu fali ita atu halo ita nia missão profética. Realidade nebé ita nia rai hasoru povo barak sei moris iha linha deextrema pobreza. Ema dehan paradoxo oitoan. Tamba ema Timor kiak iha rikosoin nia leten hanesan ita comenta ona iha leten. Então ita reza nafaatin: housi bosok no manipulação da conciência, salva ami Nai, Ema kiak nia harohan Nai rona no sadia, la hewai la hakribi, Kyrie Eleison! Então ha’u hanoin agora tempo propício atu ita hotu aprende. Los duni! Ita aprende barak demais tiha ona. Tamba ne’e ita buka hatudu nafatin nia missão profética atu ema la bele bosok bebeik ita. La bele fo fatin atu ema manipula tan ita nia conciência iha tempo oin mai. Maibé hatudu nafatin katak ita ne’e ‘místico-politico’. Ita lakohi housik mensagem sira Nai Jesus Cristo lori mai atu lakon le’et de’it. Paz, justiça, reconciliação, etc… atu ita ajuda fali ita nia maluk sira seluk iha conciência crítica atu la bele monu bebeik ba laço. Tamba ita nia realidade sira ne’e halo com que povo ida ne’e seida’uk moris hanesan ema. Tamba nia dignidade ema sei sama, nia moris seolah-olah presente de’it, áat liu tan mak nia conciência ema manipula tiha. Maluk sira! Ita nia mehi mak oin sa povo ki’ik sira hetan di’ak. Sira mos bele goja duni bem comum iha sira nia rai rasik.

Se povo moris hakmatek, moris ho dignidade, la sofre tan injustiça. Então ita bele dehan katak situação ida ne’e sei conduz ema barak ba ars bene dicendi no ars bele leggendi, iha âmbito político assim como na esfera espiritual. Ema timoroan sira sei apressenta-an iha público nu’udar pessoa integrada no iha ethos no paathos ba nia maluk sira , iha mos prestação de serviço nebé nakonu ho paixão ba nia Nação rasik. Povo ida nebé civilizado iha fiar no cultura. Iha hanoin no comportamento, implicitamente ita bele dehan katak povo ida nebé mai housi: raça escolhida, sacerdócio real, nação santa e povo escolhido/povo conquistador (Sacrosanctum Concilium no 14), moris ho consciência crítica da Nação: atu iha nia serviço loro-loron nian, iha nia koalia “sim, sim, não, não. Tudo o que for além disto procede do espírito do mal” (Mt 5, 37). Housi bosok no Manipulação da Conciência, Salva ami Nai!

 

(Roma, 4 de Abril de 2020, Tadeu DA SILVA)

Leave a Reply

Your email address will not be published. Required fields are marked *